Salmo 81 - Tayta Diospa Wilakuynin

1

Salmo 81 (80) Fiestacho cantananpaq alabanza

1 (1) Cantaqkunapa mandaqninpaqmi. Üvata jarur cantayashqayki tönuwan kay salmuta cantayanki. Asaf qelqashqan salmu.

¹ 1 (2) ¡Tayta Diosta kushish alabashun! Paymi ima desgraciapitapis sapämansi. Jacob yärakushqan Tayta Diosta kushish alabashun.

² 2 (3) Panderëtakunata tukapalanpa cantashun. Arpatapis salteriutapis waqay waqaytaraq tukapalanpa alabashun.

³ 3 (4) Lulu killachöpis y llena killachöpis cornëtata tukashun. Say junaqkuna jatun fiestata rurashun.

⁴ 4 (5) Israel runakuna alabanansipaqmi Jacob yärakushqan Tayta Dios nimarqansi.

⁵ 5 (6) Egiptupita jorqarkamurmi alabayänanpaq Josépita miraq unay ayllunsikunata Tayta Dios nirqan. Imaypis mana wiyashqä vozpami kayno nimuqta wiyarqä:

⁶ 6 (7) <

⁷ 7 (8) Fiyupa lakikur manakayämaptikimi salvarqä. Maqakuykaq pukutay rurinpitami contestamurqä. Meriba yaku nawpanchömi qamkunata probarqä. Selah

⁸ 8 (9) <

⁹ 9 (10) Ima ïdulutapis ama sararäyaysu. Juk nacionkuna adorayashqan dioskunata ama adorayaysu.

¹⁰ 10 (11) Noqami Egiptupita jorqamuq Tayta Diosniki kaykä. Manakayämashqaykitaqa imatapis pusuy pusuytami kamaripäyäshayki.

¹¹ 11 (12) <

¹² 12 (13) Sayno kayaptikimi shonquykikuna munashqanno kawakuyänaykipaq kachapariykushkä.

¹³ 13 (14) Kuyashqä runakuna, ¡ima aliraq kanman wiyakayämaptiki! Israel runakuna, ¡ima aliraq kanman cäsukayämaptiki!

¹⁴ 14 (15) Cäsukayämaptikiqa elaqpitami contraykikunata ushakäsïman. Chikishuqnikikunata maynami castigäman karqan>>.

¹⁵ 15 (16) Tayta Diosqa lapan chikiqninkunatami vincinqa. Paykunataqa imayyaqpis castiganqami.

¹⁶ 16 (17) Kuyashqan runakunatami isanqa alinnin trïguta kamaripanqa. Abëjapa mishkintapis ajayashqanyaq mikuyänanpaqmi kamaripanqa.