Salmo 54 - Tayta Diospa Wilakuynin

1-2

Salmo 54 (53) Salvananpaq Tayta Diosta manakushqan

1-2 (1-2) Cantaqkunapa mandaqninpaqmi. Cuerdayuq instrumentuta tukar cantayanki. Zif runakuna Saúl kaqman aywaykur paykuna täyashqanlächo David pakaraykashqanta wilarkuyaptinmi kay salmuta David qelqarqan.

¹ 1 (3) Tayta Dios, pïmaypis jutikita joqarkunanpaq salvaykalämay. Munaynikiwan sapaykalämay.

² 2 (4) Manakamushqäta wiyaykalämay. Nishqäkunata wiyaykalämay.

³ 3 (5) Jäpa runakunami conträ rikakuyash. Yaqa runakunami wanusimayta munaykäyäman. Say runakunaqa manami qamtapis mansapakuyäshunkisu. Selah

⁴ 4 (6) Sayno kayaptinpis mana kachaypami yanapaykämanki. Yanapämaptikimi kawaykärä.

⁵ 5 (7) Nakasiyämashqanpita chikimaqnïkunatapis nakaykasilay. Promitimashqaykita cumplishpayki say runakunata ushakaykasilay.

⁶ 6 (8) Lapan voluntänïwanmi sacrificiupaq uywata apamushaq. Tayta Dios, alilata ruraq kashqaykipitami jutikita joqarir alabashayki.

⁷ 7 (9) Sayno alabashayki lapan lakikuypita jorqamashqaykipitami. Kikïpa nawïwanmi rikashaq conträkunata ushakäsishqaykita.