Salmo 47 - Tayta Diospa Wilakuynin

1

Salmo 47 (46) Tayta Dios rey kashqan

1 (1) Cantaqkunapa mandaqninpaqmi. Corépita miraqkuna qelqayashqan salmu.

¹ 1 (2) ¡Intëru nacionkunacho taq runakuna! Paqchipaylapa Tayta Diosta alabayay. Kushikuyashpayki lapayki cantayay.

² 2 (3) Poderyuq Tayta Diosqa mansariypaqmi. Paymi intëru kay pasacho kaqkunapa mandaqnin rey kaykan.

³ 3 (4) Paymi yanapämashkansi juklä nacionkunatapis vincinansipaq. Say runakunata makinsimanmi churamush.

⁴ 4 (5) Herenciansi kananpaqmi taykashqansi nacionta kikin qomashkansi. Saymi kuyashqan Jacobpita miraqkuna kar kushish kawansi. Selah

⁵ 5 (6) Trönunmanmi Tayta Dios wisarqan. Wisaptinmi runakuna kushikuyashpan qaparäyarqan y cornëtatapis tukayarqan.

⁶ 6 (7) Tayta Diosta alabashun. Mandamaqninsi reyta alabashun.

⁷ 7 (8) Paymi intëru pasacho kaqkunapa mandaqnin rey kaykan. Salmuta cantar lapan shonqunsiwan payta alabashun.

⁸ 8 (9) Tayta Diosmi lapan nacionkunapa mandaqnin rey kaykan. Paymi sagrädu trönuncho jamaraykan.

⁹ 9 (10a) Lapan nacionkunacho taq mandaq runakunami Tayta Dios kuyashqan runakunawan shuntakäyan. Abraham yärakushqan Tayta Diosta alabayänanpaqmi shuntakäyan.

¹⁰ 10 (10b) Kay pasacho lapan mandaqkunapis Tayta Diospa munayninchömi kaykäyan. Tayta Diosqa lapanpitapis mas munayyuqmi kaykan.