Salmo 41 - Tayta Diospa Wilakuynin

1

Salmo 41 (40) Qeshyaykaq runa Tayta Diosta manakushqan

1 (1) Cantaqkunapa mandaqninpaqmi. David qelqashqan salmu.

¹ 1 (2) Kushishqami kawan pobrikunata yanapaq runa. Paytaqa ima nakay sariptinpis Tayta Diosmi yanapan.

² 2 (3) Nacionnincho kushish kawananpaqmi shumaq rikan. Contran sharkuqkunapitapis sapanmi.

³ 3 (4) Qeshyar jitaraptinpis aliyäsinmi. Ima qeshyawan qeshyaptinpis kachakäsinmi.

⁴ 4 (5) Tayta Diostami manakushkä: <> nir.

⁵ 5 (6) Chikimaqnïkunapis wanunäta munarmi nikäyan: <<¡Imayraq payqa wanunqa!>>

⁶ 6 (7) Rikamaq shamushpanpis shimilanmi alitupäyäman. Shonqunchöqa nanaparaykäyämanmi. Saymi nawpäpita yarqurirqa washäna parlar puriykäyan.

⁷ 7 (8) Shuntakaykurmi washäta rimayan. Jusäpita nakaykashqäta yarparmi kayno niyan:

⁸ 8 (9) <>.

⁹ 9 (10) Kuyanakushqä amïgüpis conträmi rikakush. Noqawan juntu mikuykarmi conträ sharkush.

¹⁰ 10 (11) Kuyapaykalämay, Tayta Dios. Chikimaqnï runakunata maqakuykunäpaq aliyaykasilämay.

¹¹ 11 (12) Aliyäsimashqaykita rikar chikimaqnïkuna mana kushipäyämanqanasu. Saynöpami tantiyakushaq kuyamashqaykita.

¹² 12 (13) Noqaqa manami imatapis lutanta rurashkäsu. Makikiwan imaypis jancharaykalämay. Nawpaykicho imaypis sararaykalämay.

¹³ 13 (14) Adorashqansi Tayta Dios kananpis imaypis alabash kaykuläsun. ¡Amén! ¡Sayno kaykuläsun!