Salmo 32 - Tayta Diospa Wilakuynin

1a

Salmo 32 (31) Tayta Dios perdonashqan kaqkuna kushikuyashqan

1a (1a) David qelqashqan salmumi.

¹ 1 (1b) Kushishqami kawan Tayta Dios perdonashqan runaqa. Paypa jusankunataqa Tayta Dios manami yarparannasu.

² Kushishqami kawan jusaynaqtana Tayta Dios rikashqan runa. Say runaqa jusalikushqanta manami pakansu.

³ Jusalikushqäpita perdonta mana manakurmi waran waran lakikushkä. Cuerpüpis pasaypami qotukash.

⁴ Paqasta junaqta castigamaptikimi fiyupa nakashkä. Usya wisan wayta shushur ushakashqannömi kalpäpis ushakäkush. Selah

⁵ Saymi jusalikushqäkunata reconöcir perdonta manakamushkä. Contrayki rurashqäta manami pakashkänasu. Yarpaynïchömi nirqä: <>. Manakamuptïmi perdonamashkanki. Selah

⁶ Qamman yärakamuqkunaqa nakayashqan höra imaypis manakayämushunkimi. Saynöpami bunyaypa bunyar yaku aywaqno nakaykuna chashpanpis paykunata ushakäsinqasu.

⁷ Qammi kanki pakakunä. Qammi imayka desgraciapitapis sapämanki. Saymi kushish imaypis alabashayki. Selah

⁸ Tayta Diosmi nin: <

⁹ Mulano y cawalluno mana tantiyakuq ama kaysu. Mulatawan cawallutaqa bozalwan y frënuwanraqmi manijayan. Frënun mana kaptinqa manami manijayta kamäpakunsu>>.

¹⁰ Yaqa runakunaqa pasaypami nakayanqa. Tayta Diosman yärakuq runakunataqa Tayta Diosmi kuyapar yanapanqa.

¹¹ Tayta Dios munashqanno kawaqkuna, pay yanapäshushqaykipita kushikuyay. Ali shonqu runakuna, ¡kushikur alabayay!