Salmo 16 - Tayta Diospa Wilakuynin

1a

Salmo 16 (15) Tayta Diospa makincho kawashqansi lapanpitapis mas ali kashqan

1a (1a) David qelqashqan salmu.

¹ 1 (1b) Tayta Dios, qamlamanmi yärakamü. Mana alikunapita sapaykalämay.

² Tayta Diosta manakurmi nishkä: <>.

³ Kay pasacho munashqaykino kawaq santu runakuna rasunpaypami ali runakuna kaykäyan. Paykunapita lapan shonqüwanmi kushikü.

⁴ Juk diosta adoraqkunaqa desgracialachömi kawayanqa. Noqaqa juk diospa altarninmanpis manami uywapa yawarninta winapäshaqsu. Jutinkunatapis manami joqarishaqsu.

⁵ Tayta Dios, kikikimi herenciä kaykanki. Qammi bendicionta imaypis churamunki. Lapan päsamänanpaq kaqkunatapis qammi musyanki.

⁶ Lapan kamaripämashqayki seqaypa alimi kaykan. Saymanqa manami imapis tinkunsu.

⁷ Tayta Diosmi imano kawanäpaqpis tantiyasiman. Saymi payta imaypis alabashaq. Yäsimashqantaqa sakaypapis yarparaykämi.

⁸ Tayta Dioslapaqmi imay hörapis yarparaykä. Aluq kaq nawpächo karmi imaypis yanapaykäman.

⁹ Saymi shonqüpis selläma kushikun. Shimïpis paytami alaban. Payman yärakurmi imaypis jawkala kawä.

¹⁰ Wanushkuna pamparashqanchöqa manami kachaykamankipaqsu. Santu sirviqniki kaptïmi sepultüracho ayä ismunantapis munankipaqsu.

¹¹ Munashqaykino kawanäpaqmi ali nänipa pushamanki. Nawpaykichöqa imaypis kushishlami kawä. Aluq kaq makikiwanmi imaypis bendicionnikitapis churaykämunki.