Salmo 142 - Tayta Diospa Wilakuynin

1

Salmo 142 (141) Yanapänanpaq Tayta Diosta manakushqan

1 (1) Machaycho pakakushqanta yarparmi kay salmuta David qelqarqan.

¹ 1 (2) Tayta Dios, lapan kalpäwanmi manakamü yanapaykamänaykipaq. Lapan shonqüwanmi ruwakamü kuyapaykamänaykipaq.

² 2 (3) Ima päsamaptinpis qamtami wilapä. Lakikuykashqätapis qamtami wilapä.

³ 3 (4) Desalentash kaykaptïpis shakyäsimashkankimi. Purikunä näniman trampata churapämaqnömi yaqa runakuna mana aliman jitarpukänäta munaykäyan.

⁴ 4 (5) Confianza amïgüpis manami kansu shakyäsimänanpaq. Pïnïpis manami kansu favornï sharkunanpaq. Noqataqa manami pipis yarparkamansu.

⁵ 5 (6) Tayta Dios, qamta manakamurmi nï: <>.

⁶ 6 (7) Manakamushqäta wiyaykalämay. Valornïpis pasaypanami ushakaykan. Chikimaqnïkunapita sapaykalämay. Paykunaqa noqapita mas kalpayuqmi kaykäyan.

⁷ 7 (8) Carcilcho kaykaqnömi kaykä. Jutikita joqarir alabanäpaq jorqaykalämay. Yanapämashqaykipita kushikurmi yärakamuq mayïkunawan alabayäshayki.