Salmo 118 - Tayta Diospa Wilakuynin

Salmo 118 (117) Tayta Dios kuyakuq kashqan

¹ Alilata ruraq kashqanpita Tayta Diosta agradëcikuyay. Kuyapäkuyninqa manami imaypis ushakansu.

² Israel runakuna kayno niyäsun: <>.

³ Aarónpita miraqkunapis kayno niyäsun: <>.

⁴ Tayta Diosta mansapakuqkuna lapanpis kayno niyäsun: <>.

⁵ Lakikushpämi Tayta Diosta manakurqä. Wiyamarmi nakaypita jorqamash.

⁶ Tayta Dios noqawan kaptinmi imatapis mansaküsu. Runakuna conträ sharkuyaptinpis manami lakiküsu.

⁷ Noqataqa Tayta Dios manami kachaykamansu. Paymi imaypis yanapaykäman. Kikïpa nawïwanmi rikashaq chikimaqnïkunata ushakäsishqanta.

⁸ Runaman yärakunansipa trukanqa Tayta Diosman yärakushqansimi mas ali kaykan.

⁹ Mandaq reykunaman yärakunansipa trukanqa Tayta Diosman yärakushqansimi mas ali kaykan.

¹⁰ Maysay nación soldädukunami atacayämänanpaq juntapäyämarqan. Jina kaqtami Tayta Diospa jutincho lapanta ushakäsirqä.

¹¹ Say soldädukunami atacayämänanpaq jiruruypa sapäyämarqan. Jina kaqtami Tayta Diospa jutincho lapanta ushakäsirqä.

¹² Abëja juntaqnömi juntapaykäyämarqan. Jina kaqtami kashata nina ushaqno lapanta ushakäsirqä. Tayta Diospa jutinchömi supayninta apasirqä.

¹³ Paykuna ichiklapami vinciyämarqansu. Sayno kaptinpis Tayta Dios yanapämaptinmi vincirqä.

¹⁴ Tayta Diosmi imaypis valorta qoman. Paytami imaypis alabä. Paymi imapitapis salvamaqnï.

¹⁵ Tayta Dios munashqanno kawaqkunami toldunkunacho kushikuykäyan. ¡Tayta Diosmi munayninwan lapanta vincish!

¹⁶ ¡Tayta Dios munayyuq kashqanqa mansariypaqmi kaykan! ¡Tayta Diosmi aluq kaq makinwan lapanta ushakäsish!

¹⁷ Noqa manami wanushaqraqsu. Tayta Dios rurashqanta wilakunäpaq kawashaqraqmi.

¹⁸ Tayta Dios fiyupa castigamarpis manami wanunätaqa kachapämashsu.

¹⁹ ¡Templupa punkunta kichapaykayälämay! Tayta Diosta agradëcikunäpaqmi yaykuyta munaykä.

²⁰ Say punkumi kaykan Tayta Dios kaqman yaykuna punku. Say punkupaqa yaykuyan pay munashqanno kawaq runakunalami.

²¹ Tayta Dios, manakushqäta wiyamashqaykipitami qamta agradëcikü. Noqata salvamashqaykipitami päkilä nï.

²² Wayi sharkasiqkuna <> nir jitariyashqanmi wayi esquïnan cimientuchöna churaraykan.

²³ Sayno kananpaq Tayta Diosmi kamakäsish. Saypitami seqaypa kushikunsi.

²⁴ Kay junaqqa Tayta Dios yanapämashqansi junaqmi kaykan. Saypita kushikur payta alabashun.

²⁵ ¡Tayta Dios, salvaykayälämay! ¡Lapan rurayashqäpis ali kananpaq yanapaykayälämay!

²⁶ Tayta Diospa jutincho shamuq runa alabash kaykuläsun. Tayta Diospa wayinchömi qamkunata kushish chaskikuyä.

²⁷ Tayta Dioslami rasunpaypa kaq Diosqa. Paymi ali kawayta qomashkansi. Sayno kaykaptinqa altarpa waqrankunaman chashqansiyaq rämakunata aptash yaykushun.

²⁸ Tayta Dios, qammi Diosnï kanki. Qamta agradëcikurmi alabashayki.

²⁹ Alilata ruraq kashqanpita Tayta Diosta alabashun. Payqa imaypis kuyapäkuqmi kaykan.