Salmo 110 - Tayta Diospa Wilakuynin

1a

Salmo 110 (109) Mandaq reyta Tayta Dios yanapashqan

1a (1a) David qelqashqan salmu.

¹ 1 (1b) Mandamaqnïtami Tayta Dios kayno nirqan: <>.

² Siónpita pasa mandaq kanaykipaqmi Tayta Dios yanapaykäshunki. Mandaq kaykarqa chikishuqnikikunata munaynikichöna sararaykulay.

³ Guërraman aywanaykipaq wilakasiptiki soldäduykikuna juklami shuntakäyanqa. Jirkakunacho waran waran shulya yurishqannömi qampis waranlan waranlanta maqtano rikakunki.

⁴ Tayta Diosmi jurashpan kayno promitishurqayki: <>. Say promitishushqaykitaqa imaypis cumplinqami.

⁵ Tayta Diosqa aluq kaq nawpaykichömi yanapäshunaykipaq imaypis kaykan. Paymi rabyashqan junaq contrayki sharkuq reykunatapis wanusinqa.

⁶ Contrayki sharkuq nacionkunataqa maysaychöpis wanusirmi ushanqa. Reykunatapis autoridäkunatapis lapantami ushakäsinqa.

⁷ Qampami isanqa näni kuchuncho yakuta upurkuptiki kalpayki yurirkunqa.