Salmo 108 - Tayta Diospa Wilakuynin

1

Salmo 108 (107) Tayta Diosta alabashqan

1 (1) Cantanansipaqmi. David qelqashqan salmu.

¹ 1 (2) Shonqü listumi kaykan, Tayta Dios. Saymi himnukunata cantar alabashayki. Lapan shonqüwanmi qamta alabashayki.

² 2 (3) ¡Rikchay, arpa! ¡Rikchay, salteriu! ¡Saka sakalami Tayta Diosta alabashun!

³ 3 (4) Tayta Dios, lapan runakunapa nawpanchömi alabashayki. Maysay nación runakunapa nawpanchömi alabashayki.

⁴ 4 (5) Kuyamashqaykita manami imanöpis tantiyayta kamäpaküsu. Jana pasachöpis manami pipis qamno promitishqanta cumpliq kansu.

⁵ 5 (6) Tayta Dios, gloriachöpis lapanpaq munayyuqmi kaykanki. Kay pasachöpis poderyuqmi kaykanki.

⁶ 6 (7) ¡Munaynikiwan salvaykayälämay! Saynöpami kuyashqayki runakuna kar librina kayäshaq.

⁷ 7 (8) Templunchömi Tayta Dios nirqan: <

⁸ 8 (9) Galaad runakuna y Manasés runakuna täyashqanpis noqapami kaykan. Efraín runakunaqa pelyacho sapakunä cascumi kaykäyan. Judá runakunaqa mandakunä värami kaykäyan.

⁹ 9 (10) Moab nacionqa maylakunä lavatoriumi kaykäyan. Edom nacionmanmi lanqïta jitarishaq. Filisteo runakunata vinciykurmi japanla kushikushaq>>.

¹⁰ 10 (11) Murallash markata atacayänäpaq ¿pilaraq pushaykayämanman? Edom nacionta atacayänäpaq ¿pilaraq chaykasiyämanman?

¹¹ 11 (12) Tayta Dios, kachariykayämaptiki manami pipis kansu yanapäyämänanpaq. Mananachä soldädükunatapis yanapankinasu.

¹² 12 (13) Runa yanapämashqanqa yanqalami kanqa. Chikimaqnïkunata supaynin apasinäpaq yanapaykayälämay.

¹³ 13 (14) Tayta Dios yanapämashqaqa asulashunmi. Paymi chikimaqninsikunata ushakäsinqa.