Proverbios 8 - Tayta Diospa Wilakuynin

Tantiyakuq kananpaq yäsishqan

¹ Tantiyakuymi qayaykäshunki. Yachaymi wiyanaykita munaykan.

² Lömakunachöpis y tinkuq nänikunachöpis shuyaraykäshunkimi.

³ Marka yaykuna jatun punku nawpanchöpis shuyaraykäshunkimi. Saykunapitami qayakur nimun:

⁴ <

⁵ Mana tantiyakuq maqtakuna y jipashkuna, tantiyakuq kanaykipaq noqapita yachakuyay.

⁶ Shumaq wiyayämay. Mas väliq kaqkunatami tantiyasishayki. Yäsishqäkunaqa lapanpis alimi kaykan.

⁷ Rasun kaqlatami yachasishayki. Imaypis manami lulaküsu.

⁸ Lapan yäsishqäkunapis Tayta Dios munashqannömi kaykan. Pitapis manami engañäsu.

⁹ <

¹⁰ Qellaypaq y qoripaq yarpachakuyänaykipa trukanqa tantiyakuq y yachaq kayänaykipaq yarpachakuyay.

¹¹ Tantiyakuq kayqa kuyaylapaq perlaskunapitapis mas alimi kaykan. Yachasishqämanqa manami imapis tinkunsu.

¹² <

¹³ Tayta Diosta mansapakuqkunaqa jusalikuyta kachariyanmi. Orgullösukunata y halagakuqkunata rabyapämi. Jusalikur kawaqkunata y lulakuqkunata manami rikaytapis munäsu.

¹⁴ <

¹⁵ Noqa yanapaptïraqmi reypis shumaq mandan y autoridäkunapis shumaq arreglayan.

¹⁶ Saynölami noqa yanapaptïraq mayor runakunapis y yanapaqninkunapis shumaq mandayan.

¹⁷ <

¹⁸ Noqa kamakäsiptïmi rïcuyäyan y respitash rikakuyan.

¹⁹ Tantiyasishqäqa alinnin kaq qoripitapis mas alimi kaykan. Yäsishqäqa yuraq qellaypitapis mas alimi kaykan.

²⁰ Imatapis ali kaqkunalatami rurä. Manami imatapis mana ali kaqkunataqa ruräsu.

²¹ Kuyamaqkunataqa rïcuyäyänanpaqmi yanapä. Wayinkunacho imapis manami pishinqasu.

²² <

²³ Kay pasapis manaraq kaptinmi noqaqa kaykarqäna.

²⁴ Lamarkunatapis manaraq kamarmi noqata kamamarqan. Say höraqa mayukunapis y pukyukunapis manaraqmi karqanraqsu.

²⁵ Jirkakunata manaraq kamarmi puntata kamamarqan.

²⁶ Pasatapis, chakratapis y alpatapis manaraq kamarmi puntata kamamarqan.

²⁷ Lamar jananman jana pasata kamaptinpis saychömi kaykarqä.

²⁸ Ciëlucho pukutayta kamaptinpis y lamarman yakuta juntäsiptinpis saychömi kaykarqä.

²⁹ Kuchunpita lamar mana päsananpaq mandaptinpis y pasapa cimientunta churaptinpis

³⁰ payta yanaparmi saycho kaykarqä. Noqata rikamarmi kushikurqan. Paypa nawpanchömi waran waran kushikurqä.

³¹ Kamashqan pasachömi pasaypa kushikurqä. Runakunata rikarmi kushikurqä.

³² <

³³ Yäsiyashqäta shumaq chaskikuyay. Manakaqman ama churayaysu.

³⁴ Yäsishqäta wiyakuqkunaqa kushishqami kawayanqa. Paykunami waran waran wayi punkücho shuyaräyäman yäsishqäta wiyayänanpaq.

³⁵ Noqata chaskikamaqkunaqa ali kawaytami tariyanqa. Paykunataqa Tayta Dios yanapanqami.

³⁶ Noqapita witikuqkunataqa imapis päsanqami. Noqata mana cäsumaqkunaqa wanuymanmi chäyanqa>>.