Proverbios 1 - Tayta Diospa Wilakuynin

Kay libru imapaq kashqanpis

¹ Kaychömi qelqaraykan Israel nacionpa mandaqnin rey Salomón parlashqan proverbiukuna. Pay rey Davidpa surinmi karqan.

² Kay proverbiukunata parlarqan runakuna ali kawayänanpaq, lutankunata mana rurayänanpaq, yäsikuykunata tantiyakuyänanpaq,

³ anyapashqankunata chaskikuyänanpaq, respitösu kayänanpaq, alilata rurayänanpaq y formal runa kayänanpaqmi.

⁴ Saynöpis kay proverbiukunata parlarqan mana tantiyakuq runakuna tantiyakuyänanpaq y maqtakuna y jipashkuna ali yarpayyuq kayänanpaqmi.

⁵ Tantiyakuq runaqa kay proverbiukunata chaskikunmi. Saynöpami mas tantiyakuq y yachaq rikakun.

⁶ Saynölami yachaq runakuna niyashqanta, tinkusiypa yäsiyashqanta y aja tantiyaypaq niyashqantapis tantiyan.

⁷ Tantiyakuq kaytaqa qalaykunsi Tayta Diosta mansapakurmi. Mana tantiyakuq runaqa ali kawayta ni ali yachasikuyta manami chaskikunsu.

Jusalikuq runakuna yäsiyashqanta mana chaskipänanpaq nishqan

⁸ Taytayki yäsishushqaykita chaskikuy, hïju. Mamayki yachasishushqaykitapis ama qonqaysu.

⁹ Paykuna tantiyasiyäshushqaykiqa kuyaylapaq corönano y kuyaylapaq walqanömi kaykan.

¹⁰ Hïju, mana ali amïgukuna jusalikuyman inkitayäshuptiki ama cäsupaysu.

¹¹ Paykunaqa capazmi inkitar niyäshunki: <

¹² Ali kawakuq runakunatapis mana kuyapaypa ushakäsishun. Pitapis jukla supayninta apasishun.

¹³ Imaykankunatapis apakur rïcuyäshun. Wayinsicho imapis manami pishïmäshunsu.

¹⁴ Noqakunaman shamuy rïcuyänaykipaq. Lapan suwakushqansitami rakipänakushun>>.

¹⁵ ¡Sayno niyäshuptikipis ama chaskipaysu, hïju! ¡Lutanta yäsiyäshuptiki paykunapita witikuy!

¹⁶ Paykunaqa mana alita rurayänanpaq rasmi cörriyan. Runakunata mana kuyapaypami wanusiyan.

¹⁷ Trampa churashqanta rikarqa pishqukunapis manami yaykuyansu.

¹⁸ Say runakunami isanqa mana tantiyakuypa kikinkunapaq trampata churaykäyan.

¹⁹ Saynölami ambiciösukunaqa rïcu kayänanpaq yarpachakuykäyashlancho ushakäyanqa.

Tantiyakuq kananpaq yäsishqan

²⁰ Tantiyakuyqa wilakuq runanömi cällikunacho y pläzakunachöpis wilakuykan.

²¹ Saynöpis markaman yaykuna punkukunacho y runakuna mas puriyashqan cällikunachömi wilakur nin:

²² <

²³ Lutanta mana rurayänaykipaq anyapashqäta shumaq chaskikayämay. Chaskikayämaptikiqa tantiyakuq kayänaykipaqmi tantiyasishayki.

²⁴ <

²⁵ Lutanta mana rurayänaykipaq anyapashqätapis manami chaskikayämashkankisu. Tantiyasiptïpis manami cäsukayämashkankisu.

²⁶ Saymi desgracia päsayäshuptikipis kuyapäshaykisu. Asikushaqraqmi pasaypa mansakaywan almatakash puriyaptiki,

²⁷ nakaykuna shamuptin fiyupa mansakäyaptiki y ima ruraytapis mana kamäpakur lakikuyaptiki. Say desgraciakuna päsayäshunki shukukuy imatapis ushashqannömi.

²⁸ <

²⁹ Desgracia päsashunki tantiyakuq kayta mana chaskikuyashqaykipita y Tayta Diosta mana mansapakuyashqaykipitami.

³⁰ Qamkunaqa yäsishqätapis manami chaskikuyashkankisu. Lutanta mana rurayänaykipaq anyapashqätapis manami cäsuyämashkankisu.

³¹ Lutan ruraq kayashqaykipitami nakayanki. Jusalikuyashqaykipitapis chunkataran pësakuyanki.

³² <

³³ Yäsishqäkunata chaskikuqkunami isanqa ali kawayanqa. Paykunataqa manami ima desgraciapis päsanqasu>>.