Números 33 - Tayta Diospa Wilakuynin

Israel runakuna Egiptupita Jordán mayuyaq chäyashqan

¹ Kaychömi qelqaraykan Israel runakuna Egiptupita trïbunpa trïbunpa yarqayämuptin Moiséswan Aarón pushayashqankuna.

² Tayta Dios nishqannölami Moisés qelqarqan yarquyashqan junaqpita pasa mayman mayman chäyashqantapis.

³ Wata qalaykuq killa chunka pisqa junaqmi Rameséspita Israel runakuna yarquyarqan. Say junaq karqan Pascua mikuyta mikuyashqan warayninmi. Tayta Dios yanapaptinmi paykuna aywakuyarqan lapan Egipto runakuna rikaykäyaptin.

⁴ Egipto runakunanami Tayta Dios wanusishqan qechpa surinkunata pampayarqan. Saynöpami Tayta Dios musyasirqan Egipto runakuna adorayashqan diosninkuna poderniynaq kayashqanta.

⁵ Israel runakunami Rameséspita aywakur Sucotman chäyarqan.

⁶ Sucotpita aywakurnami Etamman chäyarqan. Say kaykan sunyaq jirkachömi.

⁷ Etampita aywakurmi chäyarqan Baal-zefónpa simpan Pi-hahirotman. Saychönami Migdol nawpancho toldunkunata sharkasiyarqan.

⁸ Pi-hahirotpita aywakurmi lamarta päsayashpan sunyaq jirkaman chäyarqan. Nirkurnami kimsa junaq sunyaq Etam jirkapa aywar Maraman chäyarqan. Sayman chaykuyashpannami toldunkunata sharkasiyarqan.

⁹ Marapita aywakurmi Elimman chäyarqan. Saycho karqan chunka ishkay pukyukuna y qanchis chunka (70) palmëra jachakunapis. Saychömi toldunkunata sharkasiyarqan.

¹⁰ Elimpita aywakurmi Puka Lamar nawpanman chäyarqan.

¹¹ Puka Lamarpita aywakurmi Sin niyashqan sunyaq jirkaman chäyarqan.

¹² Sin niyashqan sunyaq jirkapita aywakurmi Dofcaman chäyarqan.

¹³ Dofcapita aywakurmi Alúsman chäyarqan.

¹⁴ Alúspita aywakurmi Refidimman chäyarqan. Saycho manami upuyänanpaq yaku karqansu.

¹⁵ Refidimpita aywakurmi Sinaí niyashqan sunyaq jirkaman chäyarqan.

¹⁶ Sinaí niyashqan sunyaq jirkapita aywakurmi Kibrot-hataavaman chäyarqan.

¹⁷ Kibrot-hataavapita aywakurmi Hazerotman chäyarqan.

¹⁸ Hazerotpita aywakurmi Ritmaman chäyarqan.

¹⁹ Ritmapita aywakurmi Rimón-peresman chäyarqan.

²⁰ Rimón-perespita aywakurmi Libnaman chäyarqan.

²¹ Libnapita aywakurmi Rissaman chäyarqan.

²² Rissapita aywakurmi Ceelataman chäyarqan.

²³ Ceelatapita aywakurmi Sefer jirkaman chäyarqan.

²⁴ Sefer jirkapita aywakurmi Haradaman chäyarqan.

²⁵ Haradapita aywakurmi Macelotman chäyarqan.

²⁶ Macelotpita aywakurmi Tahatman chäyarqan.

²⁷ Tahatpita aywakurmi Taraman chäyarqan.

²⁸ Tarapita aywakurmi Mitcaman chäyarqan.

²⁹ Mitcapita aywakurmi Hasmonaman chäyarqan.

³⁰ Hasmonapita aywakurmi Moserotman chäyarqan.

³¹ Moserotpita aywakurmi Bene-jaacánman chäyarqan.

³² Bene-jaacánpita aywakurmi Gidgad jirkaman chäyarqan.

³³ Gidgad jirkapita aywakurmi Jotbataman chäyarqan.

³⁴ Jotbatapita aywakurmi Abronaman chäyarqan.

³⁵ Abronapita aywakurmi Ezión-geberman chäyarqan.

³⁶ Ezión-geberpita aywakurmi Zin niyashqan sunyaq jirkaman chäyarqan. Say karqan Cades partichömi.

³⁷ Cadespita aywakurmi chäyarqan Edom nacionwan tinkuq Hor jirkamanna.

³⁸ Saypitanami Tayta Dios nishqannöla Hor puntaman wisarkur cüra Aarón wanurqan. Pay wanurqan Israel runakuna Egiptupita yarqayämushqanpita chusku chunka (40) wata päsarkuptinmi. Aarón wanurqan pisqa kaq killa punta kaq junaqchömi.

³⁹ Pachak ishkay chunka kimsa (123) watayuq kaykarmi Hor jirkacho Aarón wanurqan.

⁴⁰ Hor jirkaman Israel runakuna chäyashqantami Arad markapa mandaqnin rey musyarqan. Arad karqan Canaáncho kaykaq Neguevchömi.

⁴¹ Israel runakuna Hor jirkapita aywakurmi Zalmonaman chäyarqan.

⁴² Zalmonapita aywakurmi Punónman chäyarqan.

⁴³ Punónpita aywakurmi Obotman chäyarqan.

⁴⁴ Obotpita aywakurmi chäyarqan Moabpa lindërun Ije-abarimman.

⁴⁵ Ije-abarimpita aywakurmi Dibón-gadman chäyarqan.

⁴⁶ Dibón-gadpita aywakurmi Almón-diblataimman chäyarqan.

⁴⁷ Almón-diblataimpita aywakurmi Abarim jirkakunaman chäyarqan. Say kaykan Nebupita inti jeqamunan kaqlächömi.

⁴⁸ Abarim jirkakunapita aywakurmi Jericó simpan y Jordán mayu kaqlä Moab pampaman chäyarqan.

⁴⁹ Say pampachömi toldunkunata Israel runakuna sharkasiyarqan Bet-jesimot partipita Abel-sitim partiyaq.

Canaánta aypunakuyänanpaq tantiyasishqan

⁵⁰ Jericó simpan y Jordán mayu kaqlä Moab pampacho Israel runakuna taykäyaptinmi Moisésta Tayta Dios parlapar nirqan:

⁵¹ <

⁵² saycho taykaq runakunata lapanta qarquyanki. Rumipita rurash kaptinpis o fiërrupita fundish kaptinpis ïdulunkunata pakir ushayanki. Ïdulunkunata adorayänan altarkunatapis chipyaq juchusiyanki.

⁵³ <<

⁵⁴ Cada trïbucho ayka runakuna kayashqanman tupu suertita jitaypa chakrata aypuyanki. Askaq runakuna kayaptinqa jatunta aypuyanki. Walkaqla kayaptinqa takshalata aypuyanki. Suerti yarqamushqanpitami cada trïbu chakrata chaskiyanqa.

⁵⁵ Canaáncho taq runakunata mana qarquyaptikiqa paykuna kayanqa nawikicho qanra kaykaqno y chakikicho kasha jatiraykaqnömi.

⁵⁶ Mana qarquyaptikiqa paykunata castiganäpaq yarpashqänölami qamkunatana castigayäshayki> >>.