Números 13 - Tayta Diospa Wilakuynin

Canaánman rikapakamuq Moisés kachashqan

¹ Saypitanami Moisésta Tayta Dios nirqan:

² <>.

³ Saymi Tayta Dios nishqannöla Parán sunyaq jirkapita runakunata Moisés kacharqan rikapakayämunanpaq. Lapanpis say runakunaqa mandaqmi kayarqan.

⁴ Say aywaq runakunami kayarqan Rubén trïbupita Zacurpa surin Samúa,

⁵ Simeón trïbupita Horípa surin Safat,

⁶ Judá trïbupita Jefonipa surin Caleb,

⁷ Isacar trïbupita Josépa surin Igal,

⁸ Efraín trïbupita Nunpa surin Oseas,

⁹ Benjamín trïbupita Rafúpa surin Palti,

¹⁰ Zabulón trïbupita Sodipa surin Gadiel,

¹¹ Josépa surin Manasés trïbupita Susipa surin Gadi,

¹² Dan trïbupita Gemalipa surin Amiel,

¹³ Aser trïbupita Micaelpa surin Setur,

¹⁴ Neftalí trïbupita Vapsipa surin Nahbi y

¹⁵ Gad trïbupita Maquipa surin Geuel.

¹⁶ Paykunatami Moisés kacharqan Canaánman rikapakamuq. Nunpa surin Oseaspa jutintanami Moisés trukasiparqan Josué jutin kananpaq.

¹⁷ Canaánta rikapakayämunanpaq kachashpanmi Moisés nirqan: <

¹⁸ Say markakunata imano kashqantapis rikapakamur shumaq mayapäkayämunki runakuna fuerti kayashqanta o débil kayashqanta, askaq kayashqanta o walkaqla kayashqantapis.

¹⁹ Saynöpis rikapakayämunki wayinkuna toldula kayashqanta o perqa kayashqanta y markankuna murallash o muralläni kayashqantapis. Saynöpis rikapakayämunki chakrankuna imano kayashqantapis.

²⁰ Rikapakayämunki ali chakra o qachpa chakra kashqanta, munti o muntiynaq kashqantapis. Ama mansariyankisu say nacionman yaykuyta. Say chakrakunacho ima wayushqantapis kutimur apayämunki>>. (Say wisanmi punta poquq üva palay tiempuna karqan.)

²¹ Moisés sayno kachaptinmi intëru Canaánta rikapakayämurqan Zin niyashqan sunyaq jirkapita Hamatman yaykuna Rehob markayaq.

²² Neguevpa päsarmi Hebrón markaman chäyarqan. Saychömi taykäyarqan Anacpita miraq Ahimán runakuna, Sesai runakuna y Talmai runakunapis. Hebrón markata sharkasiyashqanpita qanchis watataraqmi Egiptucho Zoán markata sharkasiyarqan.

²³ Saypita Escol pampaman rikapakuqkuna chaykurmi rämantinta juk sarta üvata mutuskir qeruwan wintuypa apayarqan. Saynölami hïgustawan granädatapis apayarqan.

²⁴ Juk sarta üvata palayashqanpitami say pampata jutisiyarqan Escol jutin kananpaq.

²⁵ Chusku chunka (40) junaq rikapakuskirmi

²⁶ Parán niyashqan sunyaq jirkacho Cadesman kutiyarqan. Saychömi kaykäyarqan Moisés, Aarón y lapan Israel runakunapis. Chaykurmi wilayarqan lapan rikayashqankunata y imata wiyayashqantapis. Saynölami saypita imata apayämushqankunatapis rikasiyarqan.

²⁷ Nirkurmi Moisésta niyarqan: <

²⁸ Isanqa saysikami runakuna saycho täyan. Markankunapis jatusaq y ali murallashqami kaykäyan. Saynölami Anacpita miraq jatusaq runakunapis kaykäyan.

²⁹ Saynöpis Neguevchömi amalecita runakuna taykäyan. Jalqakunacho kaykaq markakunachönami taykäyan heteo runakuna, jebuseo runakuna y amorreo runakuna. Cananeo runakunanami taykäyan lamar kuchun pampakunacho y Jordán mayu nawpan pampakunacho>>.

³⁰ Sayno niyaptinmi Moiséspa contran runakuna parlayarqan. Saymi runakunata upälaykasir Caleb nirqan: <<¡Sayno kaptinpis say markakunatawan chakrakunata qechunansipaq aywashun! ¡Noqansiqa paykunata vincishunmi!>>

³¹ Sayno niptinpis rikapakamuq mayinkuna niyarqan: <>

³² Israel mayinkunata mansarïsirmi niyarqan: <

³³ Anacpita miraq sikasaq runakunatapis rikayashkämi. Kikïkunapa yarpaynïpitaqa paykunapa nawpancho chuklus tamäñunölami kayashkä. Paykunapis chuklustanölami rikayämash>>.