Números 1 - Tayta Diospa Wilakuynin

Israel runakunata Sinaí jirkacho censayashqan

¹ Israel runakuna Egiptupita yarqayämushqan juk wata y juk killa päsarkuptinmi Sinaí sunyaq jirkacho kaykäyarqan. Say junaqmi Tinkuna Tolducho parlapar Moisésta Tayta Dios nirqan:

² <

³ Censayashpayki ishkay chunka (20) watayuqpita janaman jutinkunata apuntayay. Say runakunaqa guërraman aywayänanpaq edäninchönami kaykäyan. Censaychöqa Aarónmi yanapäshunki.

⁴ Saynöpis cada trïbupita juk mandaqta churanki censayta yanapäshunaykipaq.

⁵ Paykuna kayanqa: Rubén trïbupita Sedeurpa surin Elisur,

⁶ Simeón trïbupita Zurisadaipa surin Selumiel,

⁷ Judá trïbupita Aminadabpa surin Naasón,

⁸ Isacar trïbupita Zuarpa surin Natanael,

⁹ Zabulón trïbupita Helónpa surin Eliab,

¹⁰ Efraín trïbupita Amiudpa surin Elisama, Manasés trïbupita Pedasurpa surin Gamaliel (Efraínwan Manasésqa Josépa surinkunami kayarqan),

¹¹ Benjamín trïbupita Gedeonipa surin Abidán,

¹² Dan trïbupita Amisadaipa surin Ahiezer,

¹³ Aser trïbupita Ocránpa surin Pagiel,

¹⁴ Gad trïbupita Reuelpa surin Eliasaf

¹⁵ y Neftalí trïbupita Enánpa surin Ahira>>.

¹⁶ Tayta Dios nishqannölami cada trïbupita say mandaq runakunata Moisés akrarqan censayta yanapäyänanpaq.

¹⁷ Say akrashqan runakunawan Moisés y Aarón shuntakarmi

¹⁸ lapan Israel runakunata qayasiyarqan. Say junaq karqan ishkay kaq killa qalaykunan junaqmi. Saychömi Israel runakunata ayllunpa ayllunpa y castanpa castanpa censayarqan. Sayno censarmi ishkay chunka (20) watayuqpita janaman olqu kaqkunata padrunayarqan.

¹⁹ Tayta Dios nishqannölami Sinaí sunyaq jirkacho lapan olqu kaqkunata Moisés censasirqan.

^20-21 Cada ünunpa jutinta apuntarmi ayllunpa ayllunpa y castanpa castanpa censayarqan. Saynöpami musyayarqan ishkay chunka (20) watayuqpita janaman aykaq olqu runakuna kayashqantapis. Say runakunaqa guërraman aywayänanpaq edäninchönami kayarqan. Israelpa qechpa surin Rubén trïbupitami kayarqan chusku chunka soqta waranqa pisqa pachak (46,500) runakuna.

^22-23 Simeón trïbupitami kayarqan pisqa chunka esqun waranqa kimsa pachak (59,300) runakuna.

^24-25 Gad trïbupitami kayarqan chusku chunka pisqa waranqa soqta pachak pisqa chunka (45,650) runakuna.

^26-27 Judá trïbupitami kayarqan qanchis chunka chusku waranqa soqta pachak (74,600) runakuna.

^28-29 Isacar trïbupitami kayarqan pisqa chunka chusku waranqa chusku pachak (54,400) runakuna.

^30-31 Zabulón trïbupitami kayarqan pisqa chunka qanchis waranqa chusku pachak (57,400) runakuna.

^32-33 Josépa surin Efraín trïbupitami kayarqan chusku chunka waranqa pisqa pachak (40,500) runakuna.

^34-35 Josépa surin Manasés trïbupitami kayarqan kimsa chunka ishkay waranqa ishkay pachak (32,200) runakuna.

^36-37 Benjamín trïbupitami kayarqan kimsa chunka pisqa waranqa chusku pachak (35,400) runakuna.

^38-39 Dan trïbupitami kayarqan soqta chunka ishkay waranqa qanchis pachak (62,700) runakuna.

^40-41 Aser trïbupitami kayarqan chusku chunka juk waranqa pisqa pachak (41,500) runakuna.

^42-43 Neftalí trïbupitami kayarqan pisqa chunka kimsa waranqa chusku pachak (53,400) runakuna.

⁴⁴ Paykunatami Moisés, Aarón y chunka ishkay mandaq Israel runakuna censayarqan. Say mandaq runakunaqa cada trïbupita jukmi karqan.

⁴⁵ Paykunami censayarqan ishkay chunka (20) watayuqpita janaman. Censayashqan runakuna guërraman aywayänanpaq edäninchönami kayarqan.

⁴⁶ Ayllunpa ayllunpa censayashqan runakunami kayarqan soqta pachak kimsa waranqa pisqa pachak pisqa chunka (603,550).

Levitakunata mana censayashqan

⁴⁷ Israel runakunata censar levitakunataqa manami censayarqansu.

⁴⁸ Sayno mana censayänanpaq Tayta Diosmi Moisésta nirqan:

⁴⁹ <

⁵⁰ Paykunata churanki Pactu Tolduta y saycho kaq manëjukunatapis shumaq rikayänanpaq. Maypa aywayaptikipis Sagrädu Tolduta y lapan manëjunkunata paykunalami apayanqa. Saynöpis Sagrädu Toldu nawpanpa jiruruypami toldunkunata sharkasiyanqa.

⁵¹ Maypa aywayaptikipis paykunalami Sagrädu Tolduta paskar apayanqa. Mayman chäyaptikipis Sagrädu Tolduta paykunalami sharkasiyanqa. Mayqanpis levita mana kaykar Sagrädu Tolduman witiq kaqqa wanunqami.

⁵² Wakin trïbu Israel runakunaqa bandëran kashqan kaqchömi tröpanpa tröpanpa toldunkunata sharkasiyanqa.

⁵³ Levitakunaqa Pactu Toldu nawpankunapa jiruruypa toldunkunata sharkasiyanqa. Saynöpami täpayanqa pipis lutala mana yaykunanpaq. Lutala yaykuptin imaptinqa rabyashpämi Israel runakunata castigashaq>>.

⁵⁴ Moisésta Tayta Dios nishqannölami Israel runakuna lapanta rurayarqan.