Nehemías 13 - Tayta Diospa Wilakuynin

Tayta Diosta adorayänanpaq shuntakäyashqanpita jäpa runakunata qarquyashqan

¹ Say junaqmi lapan juntakaykuyaptin Moisés qelqashqan rölluta liyiyarqan. Saycho liyiyaptinmi tantiyayarqan amonita runakuna ni moabita runakuna Tayta Diosta adorayänanpaq shuntakäyashqanman imaypis mana yaykuyänanpaq nikashqanta.

² Israel runakuna Canaánman chaykäyaptinmi say runakunaqa mikuyta kamaripäyarqansu ni yakuta upuyänantapis kachapäyarqansu. Saypa trukanqa Balaamtami pägayarqan Israel runakunata maldicionananpaq. Sayno maldicionananta munaptinpis Tayta Diosninsi mana kachapaptinmi maldicionananpa trukan bendisirqan.

³ Say ley nishqanta wiyaykurmi mana Israel warmincho yuriq surinkunataqa consientiyarqansu templuman yaykuyänanta.

Runakunata Nehemías tantiyasishqan

⁴ Nawpatanami cüra Eliasib compädrita rurarqan Tobíaswan. Eliasibqa Tayta Diosninsipa templuncho almacén cuartukunata täpakuqmi karqan.

⁵ Saychömi Tobíasta jatun almacén cuartuta rikasirqan tänanpaq. Saymanmi nawpata churayarqan saki mikuy ofrendakunata, inciensukunata, manëjukunata, trïgupita diezmukunata, vïnupita diezmukunata y aceitipita diezmukunatapis. Moisés qelqashqan leykunacho nikan levitakunapaq, cantaqkunapaq y punku täpakuqkunapaq say diezmukuna kashqantami. Saynöpis say almacén cuartumanmi churayarqan cürakunapaq ofrendakunata.

⁶ Say wisan manami Jerusalénchösu kaykarqä, sinöqa ilaykarqä Babilonia nacionpa mandaqnin rey Artajerjesta watukaq aywash karmi. Say karqan kimsa chunka ishkay (32) wata Artajerjes mandaykänan wisanmi. Saypita manaraq aska watakuna päsaptinmi Jerusalénman yapay kutirqä reypa permïsunwan.

⁷ Jerusalénman chaykurmi musyarqä Tayta Diospa templun patiucho Tobías tänanpaq cuartuta Eliasib rikasir lutanta rurashqanta.

⁸ Saymi rabyanashpä Tobías taykashqan cuartupita lapan imaykankunatapis waqtaman jitasirqä.

⁹ Nirkurmi ordenarqä say cuartukunata awir purificayänanpaq. Saynöpis ordenarqä Tayta Diospa templuncho manijayashqan sagrädu manëjukunata, ofrendakunata y inciensukunata cuartuman kutisiyänanpaq.

¹⁰ Saynöpis wilayämarqan levitakunapaq mikuykunata templuman manana apayashqantami. Sayno mana apayaptinshi pishïpakur levitakuna y cantaqkuna cada ünun chakrankunaman kutikuyänaq.

¹¹ Saymi autoridäkunata olqutupar nirqä: <<¡Imanirtaq Tayta Diospa templunman apayämunaykipaq kaqkunata apayämunkinasu!>> Nirkurnami cürakunata y levitakunata qayaykasir templucho kaq aruyninkunaman kutisirqä.

¹² Saymi lapan Judá runakuna templu almacén cuartukunaman trïguta, vïnuta y aceititapis diezmuta apayarqan.

¹³ Nirkurnami almacén cuartuta täpayänanpaq churarqä cüra Selemíasta, secretariu Sadocta y levita Pedaíasta. Paykunata yanapänanpaqmi churarqä Hanánta. Payqa karqan Zacurpa surin y Mataníaspa wilkanmi. Say chuskunkunata churarqä yärakuypaq kayaptinmi. Paykunanami cüra mayinkunata y levita mayinkunata mikuykunata aypuyarqan.

¹⁴ <>.

¹⁵ Say wisanmi Judácho wakin runakunata rikarqä jamay junaqcho vïnupaq üvata jaruykäyaqta. Wakintanami rikarqä trïguta shuntaykur ashnunkunawan apaykäyaqta. Saynöpis rikarqä vïnuta, üvata, hïgusta y imaykatapis jamay junaqcho Jerusalénman apaykäyaqta. Saymi olqutuparqä say junaqcho apayashqankunata rantikuyaptin.

¹⁶ Saynölami Tiro runakunapis pescäduta y imaykatapis apasiyämurqan jamay junaqcho Judá runakunata Jerusaléncho rantikuyänanpaq.

¹⁷ Saymi Judá autoridäkunata olqutupar nirqä: <

¹⁸ Unay ayllunsikunatapis jamay junaqcho rantikuyaptinmi Tayta Diosninsi castigarqan. Saymi markansita ushakäsiptin pasaypa nakashkansi. Qamkunapis ¡imanirtaq jamay junaqta respitayankisu! Mana respitayaptikiqa yapaymi castigamäshun>>.

¹⁹ Nirkurnami ordenarqä jamay junaq qalaykunan tardi Jerusalén punkuta wichqayänanpaq y jamay junaq päsarkuptinraq kichayänanpaq. Saypitanami marka yaykuna punkukunaman ashmaynï runakunata churarqä jamay junaqcho runakuna imatapis yaykasiyta munayaptin mana kachapäyänanpaq.

²⁰ Saymi jamay junaqcho rantikuqkuna waräyarqan Jerusalén punkucho. Sayno waräyarqan juk ishkay jamay junaqkunami.

²¹ Saymi nirqä: <>. Sayno niptïmi jamay junaqcho shayämurqannasu.

²² Nirkurnami levitakunata ordenarqä armakur purificakuyänanpaq. Saynöpis nirqä jamay junaqta respitasir markaman yaykuna punkukunata cuidayänanpaq. <>.

²³ Say wisanmi cuentata qokurqä wakin Israel runakuna Asdod warmikunawan, amonita warmikunawan y moabita warmikunawan taykäyashqanta.

²⁴ Wakin surinkunaqa Israel runakunapa idiömanta parlayta mana yachar Asdod runakunapa o juklä runakunapa idiömantami parlayarqan.

²⁵ Saymi olqutupar paykunata maldicionarqä. Wakintanami maqarqä. Wakintanami aqsanta lukirqä. Nirkurmi Tayta Diospa jutincho promitisirqä warmi surinkunata ni olqu surinkunatapis jäpa runakunapa surinkunawan mana täsiyänanpaq ni kikinkunapis say runakunapa warmi surinkunawan mana täyänanpaq.

²⁶ Saynöpis kaynömi nirqä: <<¿Manaku yarpäyanki Israel runakunapa mandaqnin rey Salomónpis jäpa warmikunawan tar jusalikushqanta? Payqa maysay nacioncho reykunapitapis mas yachaqmi karqan. Saynöpis Tayta Dios payta kuyar Israel runakunapa mandaqnin rey kananpaqmi churarqan. Sayno kaykarpis jäpa warminkuna shakyäsiyaptinmi juk dioskunata adorarqan.

²⁷ ¿Qamkuna rurayashqaykinösuraq noqakunapis jäpa warmikunawan täyäman? Qamkunaqa Diosninsita mana cäsur pasaypa mana alitami rurayashkanki>>.

²⁸ Mandaq cüra Eliasibpa surin Joiadapa juk surinmi tarqan horeo runa Sanbalatpa surinwan. Saymi say runata Jerusalénpita qarqurqä.

²⁹ <>.

³⁰ Saynömi paykunata tantiyasirqä jäpa warmikunawan mana täyänanpaq. Saynöpis cürakunata y levitakunata churarqä Tayta Diosta templucho trukanakuypa sirviyänanpaqmi.

³¹ Saynöpis runakunata ordenarqä imay junaq yantata churayämunanpaq y imay junaq primiciata shuntayashqanta apayämunanpaqmi. <>.