Nahum 1 - Tayta Diospa Wilakuynin

¹ Kay libruchömi qelqaraykan profëta Nahúmta Tayta Dios revelashqan. Nahúmqa karqan Elcos markapitami. Paytami Tayta Dios revelacioncho rikasirqan Nínive markata ushakäsinanpaq kashqanta.

Nínivita Tayta Dios castigananpaq nishqan

² Tayta Diosqa munan pay japalanta sirviyänantami. Contran kaqkunataqa mana kuyapaypami pitapis castigan. Pipis mana wiyakuptinqa fiyupami rabyakun.

³ Tayta Diosqa pacienciakuq y munayyuqmi kaykan. Pacienciakuq karpis jusalikuqkunataqa castiganmi. Tayta Diosqa huracán y waqya tamya jananpami aywan. Pukutaypis chakincho polvu sharkuqnölami kaykan.

⁴ Olqüpaptinqa lamarpis y mayukunapis sakikäkuyanmi. Basán particho y Carmelo jirkacho kaqkunapis sakikäkuyanmi. Líbanucho kaykaq waytakunapis wanutäyanmi.

⁵ Pay shamuptinqa lömakunapis mansariyashpan suksukyäyanmi. Jirkakunapis sulur ushakäyanmi. Kay pasapis y kay pasacho kaqkunapis lapanmi mansariyashpan suksukyäyan.

⁶ Pay rabyanaptin ¿piraq mansarinmansu? Pay ajanaptin ¿piraq ichipanman? Pay rabyakurqa ninanöraqmi imaykatapis ushan. Pay puriptinqa qaqakunapis shilikäyanmi.

⁷ Tayta Diosqa alilata ruraqmi kaykan. Payqa lakikuycho kaqkunatapis yanapanmi. Payman yärakuqkunatapis alimi rikan.

⁸ Paypa contran kaqkunatami isanqa juchu apaqnöraq ushakäsin. Maysaypa aywayaptinpis wanuylami qatiraykan.

⁹ ¿Imanirtaq Tayta Diospa contran sharkuyänaykipaq wilanakuykäyanki? Payqa lapaykitami ushakäsiyäshunki. Contran kaqkunataqa chipyaqmi ushakäsinqa.

¹⁰ Shatayash shirakata y saki oqshata nina rupar ushaqnömi ushakäsinqa.

¹¹ Nínive runakuna, qamkunapa mandaqniki reyqa Tayta Diospa contranmi sharkush. Saymi mana alita yäsiyäshunki.

¹² Kuyashqan runakunatami Tayta Dios kayno nin: <

¹³ Say runakunapa munaynincho kayashqaykipita jorquyäshaykimi. Mananami yapayqa paykunapa munaynincho kayankinasu>>.

¹⁴ Nínive markapa mandaqnin reytanami Tayta Dios kayno nin: <>.

¹⁵ 15 (2.1) Judá runakuna, ali wilakuyta apamuq runa jirkakunapa shamuykaqta rikayay. Paymi apaykämun ali kawayänaykipaq kaq wilakuyta. Kananpitaqa ushakäsiyäshunaykipaq contrayki runakuna mananami shayämunqanasu. Paykunaqa lapannami wanur ushakäyash. Sayno kaykaptinqa Tayta Diospa fiestankunata rurar kushikuyay. Say fiestakunacho payta promitiyashqaykita cumpliyay.