Mateo 28 - Tayta Diospa Wilakuynin

Wanushqanpita Jesús kawarimushqan

¹ Jamay junaq päsarkuptinnami domingu tuta saka sakala María Magdalenawan juknin María aywayarqan Jesús pamparashqan sepultüra rikaq.

² Aywaykäyaptinmi Tayta Dios kachamushqan ángel jana pasapita urämuptin pasa fiyupa suksukyarqan. Jesús pamparaykashqan sepultüraman chaykurmi saparaq rumita witiskasir jananman jamakuykurqan.

³ Say ángel elqukuynöraqmi asikyarqan. Mödananpis rashtano yuraqmi karqan.

⁴ Angilta rikaykurmi soldädukuna fiyupa mansakaywan suksukyäyashpan watpaskiyarqan.

⁵ Warmikuna chäyaptinnami ángel nirqan: <

⁶ Manami kaychönasu. Kawarimunanpaq nishqannölami kawarimush. Mayman sutayashqantapis rikayänaykipaq shayämuy.

⁷ Kananqa apurä aywar discïpulunkunata wilayay Jesús kawarimushqanta. Saynöpis wilayay Galileaman nawpaykashqanta y saycho paywan tinkuyänanpaq kashqanta. Saytami qamkunata wilaykä>>.

⁸ Ángel sayno niptinmi warmikunaqa mansakash kaykäyashqancho fiyupa kushikuyashpan Jesúspa discïpulunkunata wilaq cörri aywayarqan. [Sayno aywaykäyaptinmi]

⁹ Jesús yuriparkur winchikurqan. Saymi say warmikuna Jesúspa chakinta makalakurkur adorayarqan.

¹⁰ Jesúsnami nirqan: <>.

Soldädukuna lulakuyänanpaq pägayashqan

¹¹ Warmikuna kutikuyaptinmi sepultürata täpaq wakin soldädukunapis Jerusalénman aywar mandaq cürakunata wilayarqan ima päsashqantapis.

¹² Wilayaptinmi mandaq cürakuna Israel mayor runakunawan shuntakaykur imata rurayänanpaqpis wilanakuyarqan. Wilanakuskirmi soldädukunata aska qellayta pägar

¹³ niyarqan: <

¹⁴ Pilato musyaptinqa noqakunami paywan parlayäshaq mana castigayäshunaykipaq>>.

¹⁵ Saymi päguta chaskiskir soldädukuna aywayashpan mandaq cürakuna niyashqannöla runakunata wilapäyarqan. Sayno wilakuyashqantami Israel runakuna kananyaqpis criyiyan.

Wilakuyänanpaq discïpulunkunata Jesús kachashqan

¹⁶ Jesúspa chunka juk discïpulunkunanami Galileaman chaykur aywayarqan mayninchöpis tinkuyänanpaq Jesús nishqan jirkaman.

¹⁷ Saychömi Jesúswan tinkur adorayarqan. Wakinqa rikaykarpis manami Jesús kashqanta criyiyarqanraqsu.

¹⁸ Discïpulunkunaman witiykurmi Jesús nirqan: <

¹⁹ Saymi maysay markakunapapis aywar runakunata yachasiyanki discïpulü kayänanpaq. Paykunata bautizayanki Tayta Diospa jutincho, Surinpa jutincho y Espíritu Santupa jutincho.

²⁰ Saynöpis yachasiyanki lapan nishqäkunata cäsukuyänanpaq. Noqaqa qamkunawanmi imaypis kaykäshaq kay pasa ushakashqanyaq>>. [Amén.]