Mateo 23 - Tayta Diospa Wilakuynin

Ley yachasiqkuna y fariseukuna lutan ruraq kayashqanta Jesús nishqan

¹ Saypitanami runakunata y discïpulunkunata Jesús nirqan:

² <

³ Sayno kaykaptinqa yachasiyäshushqaykita cäsukuyay. Isanqa paykuna kawayashqannöqa ama kawayaysu. Diospa palabranta yachasirpis kikinkunaqa manami mandamientukunata cumpliyansu.

⁴ Paykunaqa apaytapis mana kamäpakuyashqanyaq qepita aparipaqnömi aska leykunata cumpliyänanpaq runakunata niyan. Sayno kaptinpis cumpliyänanpaq manami ichiklatapis yanapäyansu.

⁵ <

⁶ Mikuyänanpaq qayasiyaptinpis paykunaqa mësamanraqmi jamakuyan. Sinagögakunachöpis punta puntamanraqmi jamakuyan.

⁷ Pläzakunachöpis runakuna nir ali rikayänantami munayan.

⁸ < niyäshunaykita.

⁹ Kay pasachöqa ama pitapis nir Diostano respitayaysu. Juklaylami Taytaykiqa. Payqa jana pasachömi kaykan.

¹⁰ Qamkunatapis yachasikuq kashqaykita ama niyäshunkisu. Juklaylami yachasishuqnikiqa. Payqa Cristumi.

¹¹ Mas ali rikash kayta munarqa ashmaynöla kayay.

¹² Runa tukuqkunaqa penqayman churashqami kayanqa. Qollmi shonqu kaqkunami isanqa aliman churash kayanqa.

Ley yachasiqkunata y fariseukunata Jesús qayapashqan

¹³ <<¡Wawalaw, ishkay cära fariseukuna y ley yachasiqkuna! Wayi punkuta wichqapaqnömi Tayta Dios mandaykashqanman pipis mana yaykuyänanpaq sapata churapaykäyanki. Sayno karmi kikikikunapis yaykuyankisu.

¹⁴ [<<¡Wawalaw, ishkay cära fariseukuna y ley yachasiqkuna! Viüdakunapa pobrëzalantapis qechuykäyankimi. Nirkurmi santu tukuyashpayki may höra Tayta Diosta manakuyanki. Sayno kayashqaykipitami Tayta Dios castigayäshunki.]

¹⁵ <<¡Wawalaw, ishkay cära fariseukuna y ley yachasiqkuna! Qamkunaqa juk runalapis yachasiyashqaykita chaskikunanta munarmi maysaypapis aywayanki. Chaskikurnami qamkunapitapis ishkay kuti masraq Satanás munashqanta rurayan.

¹⁶ <<¡Wawalaw! Qamkunaqa qaprano karmi lutanpa pushaykäyanki. Sayno karmi nikäyanki: .

¹⁷ ¡Mana tantiyakuq qaprakuna! ¿Mayqantaq mas sagrädu? ¿Templucho kaykaq qoriku o say qorita sagräduyäsiq templuku?

¹⁸ <.

¹⁹ ¡Mana tantiyakuq qaprakuna! ¿Mayqantaq mas sagrädu? ¿Ofrendaku o ofrendata sagräduyäsiq altarku?

²⁰ <

²¹ Templupa jutincho jurarpis manami templupa jutilanchösu juraykäyanki, sinöqa templucho kaykaq Tayta Diospa jutinchömi juraykäyanki.

²² Ciëlupa jutincho jurarpis manami ciëlupa jutilanchösu juraykäyanki, sinöqa Tayta Diospa trönunpa jutincho y kikin Tayta Diospa jutinchömi juraykäyanki.

²³ <<¡Wawalaw, ishkay cära fariseukuna y ley yachasiqkuna! Qamkunaqa mentapita, anispita y comïnuspita diezmuta rakiykarpis mas cäsukuyänaykipaq kaq mandamientukunata manami cumpliyankisu. Say mandamientukuna nikan runa mayikita ali rikayänaykipaq, kuyapäyänaykipaq y Tayta Diosta awniyashqaykita cumpliyänaykipaqmi. Diezmupaq rakir cumpliyashqaykino say mandamientukunatapis cumpliyankiman.

²⁴ Qamkunaqa qaprano karmi lutanpa pushaykäyanki. Yakupita chushpita shuyshurpis camëlluta ultakurkuqnömi kaykäyanki.

²⁵ <<¡Wawalaw, ishkay cära fariseukuna y ley yachasiqkuna! Qamkunaqa janalanpa maylash pucilluno y plätunömi kaykäyanki. Say plätukuna rurincho qanra kashqannömi qamkunapis shonquykikunacho suwakuyänaykipaq y mana alita rurayänaykipaq yarpaykäyanki.

²⁶ ¡Qapra fariseukuna! Plätupa rurinta maylaqno puntata mana ali yarpäyashqaykikunata kachariyay. Saynöparaqmi rasunpaypa santu kayanki.

²⁷ <<¡Wawalaw, ishkay cära fariseukuna y ley yachasiqkuna! Qamkunaqa janalanpa pintash mïchu niraqmi kaykäyanki. Mïchupa janan kuyaylapaq kaptinpis rurincho tulukuna ismur melanaypaqmi kaykan.

²⁸ Saynömi qamkunapis runakuna rikayäshuptiki ali ruraqno kaykäyanki. Isanqa ishkay cära kayashqayki y lutan yarpäyashqaykikuna pasaypa penqakuypaqmi kaykan.

²⁹ <<¡Wawalaw, ishkay cära fariseukuna y ley yachasiqkuna! Qamkunaqa profëtakunapa mïchunkunatami ruraykäyanki y ali runakunapa monumentunkunatami adornaykäyanki.

³⁰ Nirkurmi nikäyanki: .

³¹ Sayno nirmi musyaykäsiyanki profëtakunata wanusiq runakunapa ayllun kar paykunanöla kaykäyashqaykita.

³² ¡Sayno kaykarqa unay aylluykikunanöla qamkunapis wanusiyay ari!

³³ <<¡Culebra casta runakuna! Infiernuman Tayta Dios qaykuyäshunaykipaq kaykaptinqa ¿imanöparaq salvakuyanki?

³⁴ Qamkunata tantiyasiyäshunaykipaqmi profëtakunata, musyaq runakunata y yachasiqkunatapis kachamushaq. Paykunatami wakinta wanusiyanki, wakinta crucificayanki, wakinta sinagögakunacho astayanki y wakintanami markan markan qatikachar nakasiyanki.

³⁵ Jusaynaq Abelta wanusishqanpita Berequíaspa surin Zacaríasta templu punkucho wanusishqanyaqmi kay pasacho lapan ali runakunata wanusiyashqanpita qamkuna jusayuq kaykäyanki.

³⁶ Rasunpami nï: Say wanusiq runakunatanömi qamkunata Tayta Dios juzgayäshunki>>.

Jerusaléncho taqkunapaq Jesús lakikushqan

³⁷ <<¡Ay, Jerusalén, Jerusalén! Qamqa Tayta Diospa profëtankunata nawpapita pasami wanuykäsinki. Pay kachamushqan wilakuqkunatapis samqaykankimi. Chipshankunata walpa oqlakuqno wawaykikunata aska kuti shuntayta munaptïpis manami munashkankisu.

³⁸ Sayno kashqaykipitami wayikikunapis templuykipis sunyaraykar quëdanqa.

³⁹ Noqa kaynömi nï: Manami yapay rikamankinasu <¡Tayta Diospa jutincho shamuq runa alabash kaykuläsun!> nishqaykiyaq>>.