Mateo 10 - Tayta Diospa Wilakuynin

Apostolninkunata Jesús akrashqan

¹ Saypitanami chunka ishkay discïpulunkunata qayaykur munayninta Jesús qorqan runakunapita supaykunata qarquyänanpaq y tukuy qeshyakunawan qeshyaykaqkunata y imayka nanaywan kaqkunatapis aliyäsiyänanpaq.

² Say chunka ishkay apostolkunami kayarqan Simón (paypa jukaq jutinmi karqan Pedro), Simónpa wawqin Andrés, Zebedeupa surinkuna Santiaguwan Juan,

³ Felipe, Bartolomé, Tomás, Romapaq impuestuta cobraq Mateo, Alfeupa surin Santiago, Tadeo,

⁴ Zelote niyashqan Simón y Jesústa rantikuq Judas Iscariote.

Apostolninkunata wilakuyänanpaq Jesús kachashqan

⁵ Say chunka ishkay apostolninkuna wilakuq aywayänanpaq kacharmi Jesús nirqan: <

⁶ Saypa trukanqa Israel runakunalaman aywayanki. Paykunami oqrakash uyshano kaykäyan.

⁷ Paykunata niyanki: <¡Tayta Dios mandaykashqan chämushnami!>

⁸ Qeshyaqkunata aliyäsiyanki. Wanushkunatapis kawarisiyanki. Leprawan qeshyaykaqkunata aliyäsiyanki. Supaykunatapis runakunapita qarquyanki. Munaynïta dembaldila chaskiyashqaykino pitapis dembaldila aliyäsiyanki.

⁹ <

¹⁰ Saynöpis ama apayankisu mirkapaykikunata, trukanaykikunata ni tukruykikunatapis. Jatiräyashqayki lanqilaykikunawan aywayanki. Arupakuq runa päguta chaskinanpaq derëchun kashqannömi qamkunapapis qarayäshunaykipaq derëchuykikuna kaykan.

¹¹ <

¹² Wayinman char niyanki.

¹³ Ali chaskiyäshuptikiqa niyashqaykinömi ali kaway kanqa. Mana chaskiyäshuptikimi isanqa ali kaway kanqasu.

¹⁴ Wilakuyashqaykita say wayicho o say markacho mana chaskiyäshuptikiqa chakikikunacho kaykaq polvuta tapshiriykur aywakuyanki.

¹⁵ Rasunpami nï: Sodoma y Gomorra runakunata castigashqanpitapis peormi juiciu final junaqcho say runakunata Tayta Dios castiganqa.

Discïpulunkuna chikish kayänanpaq Jesús nishqan

¹⁶ <

¹⁷ Runakunapita alcäbu kakuyanki. Chikiyäshushpaykimi prësu sarirkur autoridäkunaman apayäshunki. Sinagögakunachöpis astayäshunkimi.

¹⁸ Noqaman yärakayämashqaykipitami gobernadorkunamanpis y reykunamanpis prësu apayäshunki. Saynöpami wilakuynïta paykunata y wakin mana Israel runakunatapis wilapäyanki.

¹⁹ Autoridäkunaman apayäshuptikipis ama lakikuyankisu: <¿Imataraq nishaq? ¿Imanöraq parlashaq?> niyashpayki. Tayta Diosmi tantiyasiyäshunki imata niyänaykipaqpis.

²⁰ Manami kikikikuna yarpäyashqaykitasu parlayanki, sinöqa Taytaykipa Espïritun tantiyasiyäshushqaykitami.

²¹ <

²² Noqaman yärakayämashqaykipitami pïmaypis chikiyäshunki. Sayno chikiyäshuptikipis wanuyashqaykiyaq yärakayämashpaykiqa salvashqami kayanki.

²³ Juk markacho chikiyäshuptiki juk markaman qeshpikuyanki. Rasunpami nï: Israelcho lapan markakunapa purir manaraq ushayaptikimi Runapa Surin kutimunqa.

²⁴ <

²⁵ Yachakuqkunapis yachasiqninno karmi kushikuyan y ashmaykunapis patronninno karmi kushikuyan. Noqatapis Beelzebú nikäyämarqa qamkunatapis wamräkuna kayaptiki peorraqmi ashliyäshunki.

Mana mansariyänanpaq Jesús nishqan

²⁶ <

²⁷ Sayno kaykaptinqa pakaylapa nishqäkunata pïmaypis wiyayänanpaq wilakuyay. Rinrilaykicho nishqäkunatapis wayi jananman wisarkur qayakuypa wilakuyay.

²⁸ Ama mansariyankisu pipis wanusiyäshunaykipaq jurapäyäshuptiki. Wanusiyäshushpaykipis almaykitaqa manami wanusinqasu. Saypa trukanqa Tayta Dioslata mansapakuyay. Paymi isanqa munayyuq kaykan pitapis almantinta infiernucho ushakäsinanpaq.

²⁹ <<¿Manaku ishkay pishqukunata juk centimulacho rantikuyan? Sayno kaptinpis manami ni juklaylapis wanunsu Taytayki mana munaptinqa.

³⁰ Aqsaykikunapis paypaqqa yupashlami kaykan.

³¹ Qamkunaqa saysika pishqukunapitapis masmi väliyanki. Sayno kaykaptinqa ama mansariyaysu>>.

Favornin parlaqkunapita Jesús nishqan

³² <

³³ Pipis runakunapa nawpancho ñëgamaptinqa noqapis jana pasacho kaykaq Taytäpa nawpancho ñëgashaqmi.

Jesúsman yärakuqkuna chikish kayänanpaq nishqan

³⁴ <

³⁵ Saymi taytanwan surin chikinakuyanqa, mamanwan wawan chikinakuyanqa y suedranwan lumsuynin chikinakuyanqa.

³⁶ Chikiqninkunaqa kikinpa wayinchömi kayanqa.

³⁷ <

³⁸ Cruzninta apaqno mana qatirämarqa manami discïpulü kayanmansu.

³⁹ Vïdanta salvayta munaqkunaqa vïdanta oqrayanqami. Vïdanta noqa rayku oqraqkunami isanqa vïdanta salvayanqa.

Premiuta chaskinansipaq Jesús nishqan

⁴⁰ <

⁴¹ Profëtakunata chaskikuq kaqqa profëtanömi premiuta chaskinqa. Saynöpis jusaynaq runata chaskikuq kaqqa say runanömi premiuta chaskinqa.

⁴² Mayqan discïpulüta juk pucillu yakulatapis makyaq kaqtaqa Tayta Diosmi premiuta qonqa>>.