Mateo 1 - Tayta Diospa Wilakuynin

Jesúspa unay ayllunkuna pï kayashqanpis

¹ Abrahampita y rey Davidpita miraq Jesucristupa unay ayllunkuna kaynömi kayarqan:

² Abrahampa surinmi karqan Isaac. Isaacpa surinmi karqan Jacob. Jacobpa surinmi karqan Judá y wawqinkunapis.

³ Judápa surinkunami kayarqan Fareswan Zara. Paykunapa mamanmi karqan Tamar. Farespa surinmi karqan Esrom. Esrompa surinmi karqan Aram.

⁴ Arampa surinmi karqan Aminadab. Aminadabpa surinmi karqan Naasón. Naasónpa surinmi karqan Salmón.

⁵ Salmónpa surinmi karqan Booz. Boozpa mamanmi karqan Rahab. Boozpa surinmi karqan Obed. Obedpa mamanmi karqan Rut. Obedpa surinmi karqan Isaí.

⁶ Isaípa surinmi karqan rey David. Rey Davidpa surinmi karqan Salomón. Salomónpa mamanmi karqan Uríaspa viüdan.

⁷ Salomónpa surinmi karqan Roboam. Roboampa surinmi karqan Abías. Abíaspa surinmi karqan Asa.

⁸ Asapa surinmi karqan Josafat. Josafatpa surinmi karqan Joram. Jorampa surinmi karqan Uzías.

⁹ Uzíaspa surinmi karqan Jotam. Jotampa surinmi karqan Acaz. Acazpa surinmi karqan Ezequías.

¹⁰ Ezequíaspa surinmi karqan Manasés. Manaséspa surinmi karqan Amón. Amónpa surinmi karqan Josías.

¹¹ Josíaspa surinmi karqan Jeconías y wawqinkunapis. Jeconías kawashqan wisanmi Israel runakunata Babilonia soldädukuna nacionninman prësu apayarqan.

¹² Saychönami Jeconíaspa surin Salatiel yurirqan. Salatielpa surinmi karqan Zorobabel.

¹³ Zorobabelpa surinmi karqan Abiud. Abiudpa surinmi karqan Eliaquim. Eliaquimpa surinmi karqan Azor.

¹⁴ Azorpa surinmi karqan Sadoc. Sadocpa surinmi karqan Aquim. Aquimpa surinmi karqan Eliud.

¹⁵ Eliudpa surinmi karqan Eleazar. Eleazarpa surinmi karqan Matán. Matánpa surinmi karqan Jacob.

¹⁶ Jacobpa surinmi karqan Maríapa runan José. Maríapa wawanmi karqan Jesús. Paymi karqan Tayta Dios kachamushqan Cristo.

¹⁷ Abraham kawashqan wisanpita David yurishqanyaq juk chunka chusku generacionmi karqan. Saynölami David kawashqan wisanpita Israel runakunata Babiloniaman apayashqan wisanyaq juk chunka chusku generación karqan. Saynölami Babiloniaman apayashqan wisanpita Jesucristo yurishqanyaqpis juk chunka chusku generación karqan.

Jesús yurishqan

¹⁸ Kaychömi qelqaraykan Jesucristo manaraq yuriptin ima päsashqanpis. Joséwan tänanpaqmi María parlakushna karqan. Joséwan manaraq tar Espíritu Santupa munayninwan qeshyaq rikakurqan.

¹⁹ José ali runa karmi Maríata penqayman churayta mana munar pakaylapa kachariyta yarparqan.

²⁰ Sayno yarpachakuykaptinmi Tayta Diospa angilnin Joséta sueñuynincho nirqan: <

²¹ Olqu wamratami qeshyakunqa. Payman yärakuqkunata jusankunapita salvananpaq kaptinmi say wamrapa jutinta churapanki Jesús jutin kananpaq>>.

²² Lapanpis sayno päsarqan profëtanwan Tayta Dios kayno nishqan cumplikänanpaqmi:

²³ <>. (Emanuel ninanqa Tayta Dios noqansiwanmi kaykan ninanmi.)

²⁴ Sayno niptinmi José punuykashqanpita rikcharkamur Tayta Diospa angilnin nishqannöla Maríawan tarqan.

²⁵ Isanqa Maríawan taykarpis wawan yurishqanyaq manami yataparqanraqsu. Wamra yuriykuptinnami jutinta churaparqan Jesús jutin kananpaq.