Marcos 7 - Tayta Diospa Wilakuynin

Runakuna lutankunata yarpar impüru rikakuyashqan

¹ Juk kutimi fariseukuna y ley yachasiqkuna Jesús kaqman Jerusalénpita aywayarqan.

² Saychömi rikayarqan Jesúspa discïpulunkuna makinta mana maylakuylapa mikuykäyaqta.

³ Fariseukuna y Israel mayinkuna unay ayllunkunapa costumbrinkunata cumplirmi mikunanpaqqa makintaraq imaypis maylakuyan. Mana maylakurqa manami mikuyansu.

⁴ Say costumbrikunata cumplirmi pucillukunatapis, wichikunatapis, mankakunatapis [y catrikunatapis] maylayan. Saynömi rantipakuyashqanpita kutirpis mikuyänanpaq armakuyan. Saynölami mas wakin costumbrinkunatapis cumpliyan.

⁵ Saymi fariseukuna y ley yachasiq runakuna Jesústa tapur niyarqan: <<¿Imanirtaq discïpuluykikuna unay ayllunsikunapa costumbrinkunata mana cäsuypa impüru makiwan mikuyan?>>

⁶ Sayno niyaptinmi Jesús nirqan: <<¡Ishkay cära runakuna! Rasuntachir Isaías qamkunapaq kayno qelqarqan: <<

⁷ Nishqäta yachasiyänanpa trukanqa runakuna niyashlantami yachasiyan. Saymi manakaqlapaq adorayämanpis>.

⁸ <>.

⁹ Mastapis Jesús nirqan: <<¡Achyä pë, costumbrikikunata cumplir Tayta Diospa mandamientunkunata alichir cumpliykäyanki!

¹⁰ Moisés kaynömi nirqan: . Saynöpis nirqan: .

¹¹ <> >.

¹² Sayno nirmi runakunata yachaykäsiyanki mamanta taytanta mana yanapäyänanpaq.

¹³ Costumbrikikunata sayno yachasirqa Tayta Diospa palabranta manakaqmanmi churaykäyanki. Saynölami wakin costumbrikikunatapis yachaykäsiyanki>>.

¹⁴ Sayno nirkushpanmi runakunata qayaykur Jesús nirqan: <

¹⁵ Manami imatapis mikushqanpitasu pipis impüru rikakun, saypa trukanqa shonquncho mana alita yarpashqanpitami.

¹⁶ [Rinriyuq kaqkunaqa nishqäkunata wiyakuyäsun]>>.

¹⁷ Saypitanami runakunata kachaskir juk wayiman Jesús yaykurqan. Saychönami yachasishqanta tantiyasinanpaq discïpulunkuna ruwakuyarqan.

¹⁸ Saymi Jesús nirqan: <<¿Qamkunapis manaku tantiyayankiraq runa imata mikurpis impüru mana rikakushqanta?

¹⁹ Mikushqansikunaqa manami shonqunsimansu yaykun, sinöqa pachansimanmi. Saypitanami päsakun>>. Sayno nirmi Jesús tantiyasirqan lapan mikuykunapis mikunansipaq ali kashqanta.

²⁰ Mastapis nirqan: <

²¹ Runakunaqa shonquncho mana alikunata yarparmi fornicación jusata jusalikuyan, suwakuyan, wanusinakuyan,

²² majanta jarukuyan, wachakash kayan, lulakuyan, shanaripakur jusalikuyan, envidiakuyan, manakaqta tumpayan, yachaq tukuyan y lutankunata rurayan.

²³ Say lapan mana ali ruraykunami shonqunpita yarqamur runakunata impüruyäsin>>.

Mana Israel warmi Jesúsman yärakushqan

²⁴ Saypitanami Jesús aywarqan Tiro [y Sidón] markakunaläpa. Sayman chashqanta runakuna musyayänanta mana munarmi pipis mana rikayla juk wayiman posädakurqan. Sayno pakakuptinpis runakuna musyayarqanmi saycho kaykashqanta.

²⁵ Say markachömi juk warmipa warmi wawanta supay fiyupa nakasirqan. Jesús sayman chashqanta musyarmi say warmi puntanman qonqurpakuykur

²⁶ wawanpita supayta qarqunanpaq ruwakurqan. Say warmi manami Israel warmisu karqan, sinöqa jinan Sirofeniciapitami karqan.

²⁷ Sayno ruwakuptinmi Jesús nirqan: <>.

²⁸ Saymi warmi nirqan: <>.

²⁹ Sayno niptinmi Jesús nirqan: <>.

³⁰ Sayno niptin wayinman kutirmi wawanta tarirqan aliyashna cämancho kaykaqta. Sayno aliyarqan supay yarqukushna kaptinmi.

Upa runata Jesús aliyäsishqan

³¹ Tiro markapita Jesús aywakurnami Sidón marka kaqläpa tumamur Decápolis provinciaman charqan. Saypitanami Galilea qocha kuchunman charqan.

³² Saycho kaykaptinmi upa runata payman pushayarqan. Chaykasirmi Jesústa ruwayarqan yataykur aliyäsinanpaq.

³³ Saymi kikilanta jukläman pushaykur upapa rinrinman dëdunta Jesús jatirqan. Toqayninwan dëdunta ushmarkasirmi upapa qalluntapis yataykurqan.

³⁴ Sayno rurarkurmi jämayninta kachaskir jana pasata rikärishpan: <<¡Efata!>> nirqan. (Efata ninanqa kichakay ninanmi.)

³⁵ Sayno niptinmi jinan höra rinrin wiyarqan y shiminpis pashtarqanna.

³⁶ Sayno aliyarkasirmi saycho kaykaq runakunata Jesús nirqan aliyäsishqanta pitapis mana wilakuyänanpaq. Yaparir yaparir sayno nikaptinpis pïmaytami wilapäyarqan.

³⁷ Aliyäsishqanta rikarmi runakuna fiyupa kushikur niyarqan: <<¡Lapantapis alitami ruran! ¡Aliyäsiptinmi upakunapis wiyayan y mana parlaqkunapis parlayan!>>