Marcos 6 - Tayta Diospa Wilakuynin

Nazaret markacho Jesús wilakushqan

¹ Saypitanami Nazaret markanman discïpulunkunawan Jesús aywayarqan.

² Jamay junaq kaptinmi sinagögacho yachasirqan. Saycho yachasiptinmi runakuna espantash niyarqan: <

³ ¿Manaku payqa carpintëru? Mamanpis ¿manaku María? Wawqinkunapis ¿manaku Santiago, José, Judas y Simón? Paninkunapis ¿manaku kay markacho taykäyan?>> Sayno nirmi Jesús yachasishqankunata chaskikuyarqansu.

⁴ Saymi Jesús nirqan: <>.

⁵ Sayno mana chaskikuyaptinmi ima milagrutapis say markacho rurarqansu. Saypa trukanqa juk ishkay qeshyaqkunalatami yataykushpan aliyäsirqan.

⁶ Marka mayinkuna payman mana yärakuyaptinmi Jesús fiyupa lakikurqan. Saypitanami markakunapapis jalqakunapapis runakunata yachasiraykar Jesús purirqan.

Wilakuyänanpaq apostolninkunata Jesús kachashqan

⁷ Sayno purirmi chunka ishkay discïpulunkunata qayaykur munayninta qorqan runakunapita supaykunata qarquyänanpaq. Nirkurmi ali wilakuyninta wilakuq ishkaq ishkaq aywayänanpaq kacharqan.

⁸ Kacharmi nirqan: <

⁹ Jatiräyashqayki lanqilawan aywayanki. Trukakuyänaykipaq mödanaykitapis ama apayankisu.

¹⁰ <

¹¹ Wilakuyashqaykita mana chaskiyäshuptikiqa chakikikunacho kaykaq polvuta tapshiriykur aywakuyanki. Sayno rurayanki Tayta Dios paykunata castigananpaq kashqanta tantiyakuyänanpaq. [Rasunpami nï: Juiciu final junaqchöqa Sodomacho y Gomorracho taq runakunata castigashqanpitapis peormi say runakunata Tayta Dios castiganqa]>>.

¹² Sayno niptinmi discïpulunkuna aywar wilakuyarqan jusalikuyta wanakur Tayta Dios munashqannöna kawayänanpaq.

¹³ Saynölami supaykunatapis runakunapita qarquyarqan. Qeshyaykaqkunatapis aceitita winapar askaqtami aliyäsiyarqan.

Bautizaq Juanta Herodes wanusishqan

¹⁴ Jesús rurashqankunata maysaychöpis parlayaptinmi rey Herodespis musyarqan. Wakin runakunami Jesúspaq niyarqan: <>.

¹⁵ Wakinmi profëta Elías kashqanta niyarqan. Wakinnami niyarqan unay profëtakunano profëta kashqanta.

¹⁶ Sayno parlayashqanta musyarmi rey Herodes nirqan: <>.

¹⁷ Nawpatami Juanta Herodes prësu sarisir cadinawan watarkur carcilman wichqasish karqan. Sayno rurarqan Herodías jutiyuq warmi manakuptinmi. Herodías karqan Herodespa wawqin Felipipa warminmi. Herodíasta Herodes suwash kaptinmi

¹⁸ Juan nirqan: <>.

¹⁹ Sayno nishqanpitami Herodías nanaparar Juanta wanusiyta munarqan. Munarpis Juanta Herodes respitaptinmi kamäpakurqansu.

²⁰ Juanta sayno respitarqan Dios munashqanno kawar santu runa kashqanta musyarmi. Diospa wilakuyninta Juan wilapaptinmi kushish wiyarpis ima ruraytapis kamäpakurqansu.

²¹ Saypita Herodespa diyancho fiestata rurarmi qayasirqan autoridäkunata, soldädukunapa mas mandaqninkunata y Galileacho taq rïcu runakunatapis.

²² Saycho kaykäyaptinmi Herodíaspa jipash wawan yaykurir tushurqan. Tushushqanta rikarmi Herodes y qayasishqan runakunapis selläma kushikuyarqan. Saymi jipashta rey Herodes nirqan: <>.

²³ Saypitanami jurashpan nirqan: << nimaptikipis rakipäshaykimi>>.

²⁴ Sayno niptinmi maman kaqman say jipash aywaykur tapurqan: <<¿Imatataq manaküman, mamay?>> nir. Saymi maman nirqan: <>.

²⁵ Maman sayno yäsiptinmi rey kaqman kutiykur nirqan: <>.

²⁶ Sayta manakuptinmi rey Herodes fiyupa lakikurqan. Sayno kaptinpis qayasishqankunapa nawpancho jurash karmi ñëgayta puëdirqansu.

²⁷ Saymi jinan höra wardiata kacharqan Juanpa umanta apamunanpaq. Nishqannölami carcilman aywashpan Juanpa umanta roquskir

²⁸ jipashta plätuwan ayaparkurqan. Chaskirkurnami jipashqa mamanta ayaparqan.

²⁹ Sayno rurayashqanta musyaykurmi Juanpa discïpulunkuna ayanta shuntayashpan pampayarqan.

Pisqa waranqa runakuna mikuyänanpaq milagruta Jesús rurashqan

³⁰ Wilakuyashqanpita apostolkuna kutiykamurmi lapan rurayashqanta y yachasiyashqanta Jesústa wilapäyarqan.

³¹ Aska runakuna juntapäyaptinmi mikuyänanpaqpis tiempun karqansu. Saymi apostolninkunata Jesús nirqan: <>.

³² Sayno nirmi büquiman wisarkur apostolninkunawan sunyaqninman aywayarqan.

³³ Maypa aywayashqantapis runakuna rikarmi markakunapita jukla aywar Jesúspita mas puntata chäyarqan.

³⁴ Büquipita urarkurnami Jesús tarirqan aska runakuna shuyakuykäyaqta. Misiqniynaq uyshakunano kaykaqta rikarmi kuyapashpan tukuynöpa yachasirqan.

³⁵ Pasa tardiyaptinnami discïpulunkuna Jesús kaqman aywaykur niyarqan: <

³⁶ Runakunata niykuy markakunapa aywar mikuyninkuna rantiyämunanpaq. [Kaychöqa manami imapis kansu mikuyänanpaq]>>.

³⁷ Saymi Jesús nirqan: <>. Sayno niptinmi niyarqan: <<¿Noqakuna tanta rantimuq aywayänätaku munaykanki? Kaysikaqpaqqa ishkay pachak (200) jornalpa chanin imaraqchir aypanman>>.

³⁸ Saymi Jesús nirqan: <<¿Ayka tantataq kaykan? Mä rikayämuy>>. Rikaykamurmi niyarqan: <>.

³⁹ Niptinmi discïpulunkunata Jesús nirqan runakunata grüpu grüpu pashpaman jamasiyänanpaq.

⁴⁰ Sayno niptinmi pachak kama (100) pisqa chunka kama (50) jamasiyarqan.

⁴¹ Saypitanami pisqa tantatawan ishkay pescäduta aptarkur jana pasapa rikärishpan Tayta Diosta Jesús päkilä nirqan. Tantata pakirirnami discïpulunkunata makyarqan runakunata qarayänanpaq. Saynölami lapan mikuyänanpaq ishkay pescädutapis makyarqan.

⁴² Pacha junta mikuskiyaptinnami

⁴³ pusush tantata y pescäduta chunka ishkay canasta juntata shuntayarqan.

⁴⁴ Saycho mikuqkuna kayarqan pisqa waranqa (5,000) runakunami.

Yaku jananpa Jesús aywashqan

⁴⁵ Saypitanami discïpulunkunata Jesús nirqan büquiman wisarkur Betsaida markaman nawpayänanpaq. Aywakuyaptinnami saycho kaq runakunata despachaskir

⁴⁶ Tayta Diosta manakunanpaq jirkaman wisarqan.

⁴⁷ Pasa sakarkuptinnami discïpulunkuna büquiwan karutana aywaykäyarqan. Sayyaqqa jirkalachöraqmi Jesús japalan kaykarqan.

⁴⁸ Saypitanami rikarqan wayra kutisimuptin büquiwan discïpulunkuna nakaykäyaqta. Pasa waraykaptinnami discïpulunkuna kaqman yaku jananpa Jesús aywarqan. Büqui nawpanpa päsaq tukuykaqta

⁴⁹ rikaykurmi discïpulunkuna alma kashqanta yarpäyashpan fiyupa mansakar qaparäyarqan.

⁵⁰ Saymi Jesús nirqan: <<¡Noqami kaykä! ¡Ama mansayämaysu!>>

⁵¹ Sayno nir büquiman wisarkuptinmi wayrapis jukla chawarqan. Saykunata rikarmi discïpulunkuna pasaypa mansakash yarpachakuyarqan.

⁵² Saysika runakunata qarananpaq milagruta rurashqanta rikarpis shonqunkuna chukruyash kaptinmi tantiyakuyarqansu Jesús munayyuq kashqanta.

Genesaretcho qeshyaykaqkunata Jesús aliyäsishqan

⁵³ Qochata simparkurnami Genesaret pampaman chaykur büquita watayarqan.

⁵⁴ Büquipita urarkuptinnami runakuna Jesústa reqiskir

⁵⁵ maysaypapis cörrila aywar Jesús saycho kaykashqanta wilakuyarqan. Sayta musyaykurmi maysaypitapis qeshyaqkunata kirmawan apayämurqan.

⁵⁶ Saypita markakunapa y jalqakunapapis Jesús puriptinmi nänimanpis qeshyaykaqkunata apayarqan. Saypa päsaptinmi ruwakuyarqan qeshyaqninkuna mödananpa kuchulantapis yataykunanpaq. Saychömi lapanpis yataykuq kaqqa aliyäyarqan.