Marcos 5 - Tayta Diospa Wilakuynin

Supaykuna löcuyäsishqan runata aliyäsishqan

¹ Qochata simparkurnami Gerasa niyashqan partiman discïpulunkunawan Jesús chäyarqan.

² Büquipita Jesús urarkuptinmi supaykuna löcuyäsiyashqan runa panteonpita yarqamurqan.

³ Say runa panteonlachömi täkuq. Cadinawan watarpis manami wataräsiyta kamäpakuyaqsu.

⁴ Chakipita makipita watayaptinpis cadinata rachirmi ushaskiq. Saymi pipis ima ruraytapis kamäpakuqsu.

⁵ Say runaqa paqaspapis junaqpapis panteoncho y jirkakunachömi qaparaykar rumikunawan takakuraykar purikuq.

⁶ Paymi Jesústa rikärishpan cörrila aywar puntanman qonqurpakuykur

⁷ sinchipa nirqan: <<¡Munayyuq Diospa Surin Jesús! ¡Imatataq noqawan munanki! ¡Diospa jutinchömi ruwakü! ¡Ama nakaykasilämaysu!>>

⁸ Sayno nirqan <<¡supay, kay runapita yarquy!>> Jesús nish kaptinmi.

⁹ Saypitanami Jesús tapurqan: <<¿Imataq jutiki?>> nir. Niptinmi nirqan: <>.

¹⁰ Sayno nirkuyashpanmi karuman mana qarqunanpaq supaykuna seqaypa ruwakuyarqan.

¹¹ Washalänin lömachömi saysika kuchikunata misiykäyarqan.

¹² Saymi supaykuna Jesústa ruwakur niyarqan: <>.

¹³ Ruwakuyashqanta Jesús awniptinmi runapita yarquskir say kuchikunaman supaykuna yaykukuykuyarqan. Say kuchikunaqa ishkay waranqanömi (2,000) kayarqan. Saymi kuchikuna tunapa cörrir qochaman jeqashpan shenqaypa wanuyarqan.

¹⁴ Sayta rikaykurmi kuchi misiqkuna cörrila aywar markacho y cercancho taq runakunata wilayarqan. Wilayaptinmi runakuna ima päsashqantapis rikayänanpaq aywayarqan.

¹⁵ Jesús kaqman chäyashpanmi say löcuyash runata tariyarqan mödanan jatish juiciunchöna jamaraykaqta. Sayta rikaykurmi fiyupa mansakäyarqan.

¹⁶ Jesús kachakäsishqanta rikaqkunami wilayarqan say runa imano kachakashqanta y kuchikuna shenqaypa wanuyashqantapis.

¹⁷ Saymi runakuna Jesústa ruwakuyarqan saypita aywakunanpaq.

¹⁸ Büquiman Jesús wisarkuptinmi aliyaq runa Jesústa ruwakurqan paywan aywakunanpaq.

¹⁹ Ruwakuptinpis mana awnishpanmi Jesús nirqan: <>.

²⁰ Sayno niptinmi aywar jinan Decápolis provinciacho wilakurqan Jesús kachakäsishqanta. Sayno wilakuptinmi wiyaqkuna kushikuyarqan.

Jairupa surinta kawarisimushqan y warmita aliyäsishqan

²¹ Saypitanami qocha wak simpanman büquiwan Jesús yapay kutirqan. Qocha kuchuncho kaykaptinmi aska runakuna juntapäyarqan.

²² Saymanmi charqan sinagögacho mandaq Jairo jutiyuq runa. Paymi Jesúspa puntanman qonqurpakuykur

²³ ruwakurqan: <> nir.

²⁴ Sayno ruwakuptinmi Jairuwan Jesús aywarqan. Aywaptinmi saysika runakuna kichkiyparaq qatiräyarqan.

²⁵ Say runakunawanmi chunka ishkay watana yawar apaywan qeshyaykaq warmipis aywaykarqan.

²⁶ Say qeshyawan seqaypa nakarmi mëdicukunata pägananpaq imaykantapis rantikur usharqan. Imaykawan jampiyaptinpis peormi ansarqan.

²⁷ Jesús munayyuq kashqanta musyarmi aska runakuna kaykaptinpis say warmi qepalanpa yaykuykur Jesúspa mödananta yataykurqan.

²⁸ Jesúspa mödanalantapis yataykur aliyänanpaq kashqanta yarparmi sayno rurarqan.

²⁹ Yataykuptinmi jinan höra yawar apaynin chawaskirqan. Saymi tantiyarqan aliyaskishqanta.

³⁰ Munayninwan pipis aliyashqanta musyarmi tikraykur Jesús nirqan: <<¿Pitaq mödanäta yataykamash?>>

³¹ Saymi discïpulunkuna niyarqan: <>

³² Sayno niyaptinpis Jesús wakpa kaypa rikachakuykarqan pï yataykushqantapis musyananpaq.

³³ Saymi say warmi mansariywan suksukyaykar Jesúspa puntanman qonqurpakuykurqan. Nirkurmi wilarqan mödananta yataykur aliyashqanta.

³⁴ Saymi Jesús nirqan: <>.

³⁵ Jesús sayno parlaykaptinraqmi Jairupa wayinpita wilakuq taripaykur Jairuta nirqan: <>.

³⁶ Sayno niqta wiyaykurmi Jesús nirqan: <>.

³⁷ Sayno nirkushpanmi Pedruta, Santiaguta y Santiagupa wawqin Juanta pushakurkur Jairupa wayinman Jesús aywarqan. Wakin aywanantaqa manami munarqansu.

³⁸ Chaykurnami tarirqan runakuna fiyupa lakikuyashpan waqaykäyaqta.

³⁹ Saymi Jesús yaykurir nirqan: <<¿Imanirtaq sayjinanpa waqaykäyanki? Wamraqa manami wanushsu, sinöqa punuykanlami>>.

⁴⁰ Sayno niptinmi asipäyarqan. Saypitanami lapan runakunata waqtaman qarquskir Jairuta warmintinta y paywan kaykaq discïpulunkunata pusharkur wamra sutaraykashqanman Jesús yaykurqan.

⁴¹ Saychömi makipita aptarkur wamrata nirqan: <>. Say nishqanqa <> ninanmi.

⁴² Saymi jinan höra kawarimushpan purirqan. Pay karqan chunka ishkay watayuqmi. Kawarimushqanta rikaykurmi runakuna selläma kushikuyarqan.

⁴³ Sayno kushikuyaptinpis Jesús nirqan aliyäsishqanta pitapis mana wilapäyänanpaqmi. Nirkurnami wamrata pachan qarayänanpaq nirqan.