Marcos 15 - Tayta Diospa Wilakuynin

Pilatuman Jesústa apayashqan

¹ Pasa waraykaptinnami mandaq cürakuna, Israel mayor runakuna, ley yachasiqkuna y lapan Sanedrín juezkunapis shuntakaykur wilanakuyarqan Jesústa wanusiyänanpaq. Wilanakuskirnami Jesústa liyarkur Pilatuman apasiyarqan.

² Chaykasiyaptinnami Pilato tapurqan: <<¿Rasunpaku Israel runakunapa mandaqnin rey kanki?>> nir. Saymi Jesús nirqan: <>.

³ Saychömi mandaq cürakuna Jesúspa contran imaykatapis niyarqan.

⁴ Saymi Jesústa Pilato yapay tapur nirqan: <<¿Manaku imatapis ninki sayjina contrayki nikäyaptin?>>

⁵ Sayno niptinpis Jesús manami imatapis parlakurqansu. Saymi Pilato yarpachakuyman churakarqan.

Jesústa crucificayänanpaq Pilato ordinta qoshqan

⁶ Cada watami Pascuacho runakuna manakuyashqan prësuta Pilato kachariq.

⁷ Say watami Barrabás jutiyuq runa prësu wichqaraykarqan. Payqa autoridäkunapa contran sharkushqanpita y wanusikushqanpitami wanusikuq mayinkunawan carcilcho wichqaraykarqan.

⁸ Saymi runakuna Pilatuman aywaykur manakuyarqan juk prësuta say watapis kacharinanpaq.

⁹ Saymi Pilato tapur nirqan: <<¿Munayankiku Israel runakunapa mandaqnin reyta kacharinäta?>>

¹⁰ Pilato musyarqanmi Jesústa chikir mandaq cürakuna payman prësu apayashqanta.

¹¹ Sayno niptinmi mandaq cürakuna saycho kaykaq runakunata yäsiyarqan: <> niyänanpaq.

¹² Barrabásta kacharinanpaq niyaptinmi Pilato nirqan: <>

¹³ Sayno niptinmi sinchipa niyarqan: <<¡Crucificasiy!>>

¹⁴ Saymi Pilato tapurqan: <<¿Imatataq jusalikush?>> Sayno niptinpis runakuna masraqmi: <<¡crucificasiy!>> niyarqan.

¹⁵ Sayno niyaptinmi runakunapita ali rikash kayta munashpan Barrabásta Pilato kacharirqan. Jesústanami fiyupa astarkasir crucificayänanpaq soldädukunapa makinman kachaykurqan.

Jesústa soldädukuna asipäyashqan

¹⁶ Saypitanami soldädukuna Jesústa apayarqan Pilatupa despächunpa patiunman. Lapan tröpa soldädukuna sayman juntakaykurmi

¹⁷ granäti cäpata aylluparkur kashapita awash corönata umanman jatipäyarqan.

¹⁸ Sayno jatiparkurmi asipar niyarqan: <<¡Alabash kasun Israel runakunapa mandaqnin rey!>>

¹⁹ Saypitanami shoqushwan Jesústa umacho wiruyarqan. Toqapar ushayashpanmi adoraq tukur puntanman qonqurpakuyarqan.

²⁰ Sayno asiparkurmi granäti cäpata loqtipaskir kikinpa mödanantana jatipäyarqan. Nirkurmi crucificaq apayarqan.

Jesústa crucificayashqan

²¹ Jesústa crucificayänanpaq apaykäyaptinmi chakrapita kutiykämurqan Simón jutiyuq runa. Payqa Cirene nacionpita y Alejandrupa y Rufupa taytanmi karqan. Paytami Jesús apaykashqan cruzta umrusiyarqan.

²² Saypitanami Jesústa chäsiyarqan Gólgota niyashqanman. Gólgota ninanqa Calavëra Sitiu ninanmi.

²³ Saycho mïrrawan talush vïnuta upusiyta munayaptinpis manami upuyta munarqansu.

²⁴ Jesústa crucificaykurnami suertita jitayarqan mödananta mayqanpis apakunanpaq.

²⁵ Crucificayashqan höra karqan tuta las nuëvinömi.

²⁶ Imapita wanusiyashqantapis runakuna musyayänanpaqmi letrërucho kayno qelqaraykarqan: <>.

²⁷ Jesús crucificaraykashqan nawpanmanmi ishkay suwa runakunatapis crucificayarqan, juknin kaqta aluq kaq nawpanman y jukaqtana isuq kaq nawpanman.

²⁸ [Say suwa runakunatawan crucificarmi Tayta Diospa palabrancho kayno nishqanta cumpliyarqan: <>.]

²⁹ Jesús crucificaraykaqta rikarmi saypa päsaq runakuna asipäyarqan. Umankunata awiyashpanmi niyarqan: <<¡Katay! Templutapis juchuskasir kimsa junaqlata sharkasinaykipaq kashqanta nikarqa

³⁰ mä salvakur cruzpita urämuy ari>>.

³¹ Saynölami mandaq cürakuna y ley yachasiqkunapis Jesústa asipäyashpan kikinpura niyarqan: <

³² Israel runakunapa mandaqnin rey Cristo karqa mä cruzpita urämusun. Urämuptinqa criyishunmi>>. Saynölami Jesúspa nawpancho crucificaraykaq runakunapis ashliyarqan.

Jesús wanushqan

³³ Pulan junaqpita malway intiyaqmi pasa sakakurpurqan.

³⁴ Say hörami Jesús sinchipa nirqan: <> Say ninanqa kaykan <> ninanmi.

³⁵ Sayno nishqanta wiyarmi saycho kaykaq wakin runakuna niyarqan: <>.

³⁶ Sayno niyaptinmi juk runa ras aywar pochquq vïnuman esponjata ushmarkasir shoqushpa puntanman watarqan. Sayta Jesúspa shiminman shoqunanpaq churaparmi nirqan: <>.

³⁷ Saypitanami sinchipa qaparaskir Jesús päsarpurqan.

³⁸ Say hörami templu rurincho saparaq cortïna janapita urayaq rachikäkurirqan.

³⁹ Jesúspa nawpancho kaykaq capitanpis Jesús [qaparashqanta wiyar y] wanushqanta rikarmi nirqan: <<¡Rasunpaypami kay runaqa Diospa Surin kash!>>

⁴⁰ Saychömi warmikunapis karulapita rikaraykäyarqan. Paykunawanmi kaykäyarqan María Magdalena, Santiagupa y Josépa maman María y Salomépis.

⁴¹ Say warmikunami Galileacho Jesús puriptin yanapar qatiräyarqan. Saynölami saycho kaykäyarqan Jesúswan Jerusalénman aywaq askaq warmikunapis.

Jesústa pampayashqan

⁴² Jamay junaqpaq kamarikuyänan junaq tardina kaptinmi

⁴³ Arimateapita kaq José Pilato kaqman aywaykur mana mansariypa nirqan: <>. José karqan Israel runakunapa autoridäninmi. Paypis Tayta Dios mandaykashqantami shuyaraykarqan.

⁴⁴ Sayno manakuptinmi Pilato yarpachakurqan <<¿wanushnasuraq?>> nishpan. Saymi wanushqanta musyananpaq capitanta qayasirqan.

⁴⁵ Mayna wanushqanta wilaptinmi Joséta awnirqan Jesúspa ayanta pampananpaq.

⁴⁶ Saymi lïnupita rurash säbanasta rantiykur Jesúspa ayanta cruzpita jorquskir piturqan. Nirkurmi qaqacho uchkush sepultüraman churaykur jatunkaray rumiwan punkuta saparqan.

⁴⁷ María Magdalena y Josépa maman María mayman sutaykuyashqantapis rikayarqanmi.