Malaquías 2 - Tayta Diospa Wilakuynin

¹ <

² Qamkunaqa manami cäsukayämankisu ni respitayämankisu. Sayno kayaptikimi castigayäshayki. Qamkunaman bendicionnïta churamushqätapis maldicionmanmi tikrasishaq. Lapan shonquykikunawan mana cäsukayämashqaykipita maynami maldicionman tikrasishkä. Lapanta mandaq Tayta Dios karmi sayno nï.

³ <

⁴ Saynöpami tantiyakuyanki nishqäta cäsukayämänaykipaq kashqanta. Cäsukayämaptikiqa unay aylluyki Leví trïbu runakunawan pactuta rurashqänömi imaypis kanqa. Noqa lapanta mandaq Tayta Diosmi sayno nï.

⁵ <

⁶ Leynïkuna nishqantanölami yachasiyarqan. Manami manakaqkunatasu parlayarqan. Munashqäno ali kawarmi askaqta tantiyasiyarqan jusalikuykunata kachariyänanpaq.

⁷ <

⁸ Sayno kaptinpis qamkunaqa mana alikunata rurar lutanta yachasiyaptikimi askaq jusalikuyash. Sayno karmi Leví trïbuwan pactu rurashqätapis manakaqman churaykäyanki. Noqa lapanta mandaq Tayta Diosmi sayno nï.

⁹ Leynïkunata mana cäsukurmi wakin runakunata ali rikarpis wakintaqa mana ali rikaykäyanki. Saymi runakuna mana respitayäshunaykipaq y manakaqman churayäshunaykipaq qamkunata kacharishkä>>.

Mana lulapänakuyänanpaq yäsishqan

¹⁰ ¿Manaku Tayta Diosqa lapansipapis Taytansi kaykan? ¿Manaku lapansitapis juk Diosla kamamashkansi? Sayno kaykarqa ¿imanirtaq jukninsi jukninsipis lulapänakunsi? Sayno kawarqa unay ayllunsikunawan Tayta Dios pactu rurashqanta manakaqmanmi churaykansi.

Ïduluta adoraq warmiwan mana majasakäyänanpaq nishqan

¹¹ Tayta Dios nishqanta cumpliyänanpaq promitirpis Judá runakuna manami cumpliyansu. Saymi Jerusaléncho y intëru Israelcho ïduluta adoraq warmikunawan penqaypaq taykäyan. Sayno rurarmi Tayta Dios kuyashqan templunta manakaqman churaykäyan.

¹² Ïduluta adoraq warmiwan majasakaq runataqa Tayta Dios mana kuyapaypami Israel runakunapita qarqunqa. Sayno qarqunqa pï kaptinpis y lapanta mandaq Tayta Diospaq ofrendata apamuptinpis.

Warminwan rakikäyashqanpita olqutupashqan

¹³ Tayta Diospa altarninman uywakunata y saki mikuykunata apayaptikipis manami chaskiyäshunkisu. Saymi altarnin nawpancho sayjinanpa waqar

¹⁴ tapukuykäyanki: <<¿Imanirtaq chaskimansisu?>> nir. Pay chaskiyäshunkisu maqta kayashqaykipita pasa majasakäyashqayki warmikita kacharish kayaptikimi. Sayno kachariyashkanki paylawan täyänaykipaq Tayta Diospa nawpancho pactuta rurash kaykarpis.

¹⁵ ¿Manaku juklaylano kayänanpaq ishkantapis Tayta Dios kamarqan? Cuerpunpis y espïritunpis paypami kaykan. ¿Manaku tantiyayanki imanir juklaylano kayänanpaq kamashqanta? Sayno kamarqan say runapa surinkuna Tayta Dios munashqanno kawayänanta munarmi. Sayno kaykaptinqa shumaq tantiyakuyay maqta kaykar majasakäyashqayki warmikipita mana rakikäyänaykipaq.

¹⁶ Israel runakuna adorayashqan Tayta Diosmi nin: <>.

Runakunata juzgananpaq nishqan

¹⁷ Qamkunaqa lutankunata parlarmi Tayta Diosta fiyupa rabyanäsiyanki. Sayno kaykarmi tapukuyanki: <<¿Imanötaq Diosta rabyanäsishkansi?>> nir. Payta rabyanäsiyanki kayno parlarmi: <>.