Lucas 1 - Tayta Diospa Wilakuynin

¹ Tayta Teófilo, Jesucristo kay pasacho imata rurashqantapis aska runakunami qelqayash.

² Jesucristuwan qalaykushqanpita pasa puriqkuna wilakuyashqannölami qelqayash. Paywan puriqkuna imata rurashqantapis rikash kayaptinmi wilakuyänanpaq Jesucristo kacharqan.

³ Saymi noqapis qalaykushqanpita pasa imano kashqantapis shumaq tapukuykur qampaq lapanta qelqaykämü.

⁴ Kayta liyirmi Jesucristupaq wilapäyäshushqayki rasunpa kashqanta tantiyanki.

Bautizaq Juan yurinanpaq kashqanta ángel wilakushqan

⁵ Judeacho Herodes rey kaykashqan wisanmi juk cüra karqan Zacarías jutiyuq. Payqa Abías cürapita miraq kashpanmi say ayllu cürakunawan Tayta Diosta templucho sirviyarqan. Zacaríaspa warminpa jutinmi karqan Elisabet. Paypis cüra Aarónpita miraqmi karqan.

⁶ Paykunaqa Tayta Dios munashqanno kawarmi mandamientunkunata y leyninkunata imaypis cumpliyaq.

⁷ Elisabet qoluq kaptinmi wawan karqansu. Paykuna ishkanpis chachanami kayarqan.

⁸ Juk kutimi Zacaríaspa y paywan aruq cüra mayinkunapa turnun charqan templucho Tayta Diosta sirviyänanpaq.

⁹ Costumbrinkuna kashqanno cürakuna suertita jitayaptinmi Zacaríasta töcarqan templuman yaykur inciensuwan qoshnisinanpaq.

¹⁰ Templucho inciensuwan qoshnisishqanyaqmi waqtacho runakuna Tayta Diosta manakuykäyarqan.

¹¹ Inciensuwan qoshniykäsiptinmi altarpa aluq kaq nawpancho Tayta Diospa angilnin Zacaríasta yuriparqan.

¹² Angilta rikaykurmi Zacarías fiyupa mansakar ima ruraytapis kamäpakurqansu.

¹³ Saymi ángel nirqan: <

¹⁴ Suriki yuriykuptinmi fiyupa kushikunkipaq. Saynölami wakinpis fiyupa kushikuyanqa.

¹⁵ <

¹⁶ Tayta Diospa wilakuyninta wilakuptinmi Israel runakuna jusalikuyta kacharir Tayta Dios munashqanno kawayanqa.

¹⁷ Tayta Diospa munayninwan profëta Elías wilakushqannömi paypis wilakunqa. Wilakuptinmi warmikunapis wawankunawan y runakunapis surinkunawan kuyanakuyanqa. Mana cäsukuqkunatapis Tayta Dios munashqannöna kawayänanpaqmi yäsinqa. Saynömi runakunata yachasinqa Tayta Dios kachamushqan Cristo shamuptin chaskikuyänanpaq>>.

¹⁸ Ángel sayno niptinmi Zacarías tapurqan: <<¿Imanöpataq musyäman nimashqaykino kananpaq kashqanta? Noqaqa awkinnami kä. Warmïpis chakwannami>>.

¹⁹ Saymi ángel nirqan: <

²⁰ Kay wilashqäkuna lapanpis cumplikanqami. Nishqäkunata mana criyishqaykipitami kanan suriki yurishqanyaq shimiki watpash kanki>>.

²¹ Sayyaqmi waqtacho kaykaqkuna shuyarar niyarqan: <<¿Imanirraq kay hörayaq Zacarías yarqamunsu?>>

²² Templupita yarqaskamurnami shimin watpash kaptin shuyaraykaqkunata sëñaylapana parlaparqan. Saymi tantiyakuyarqan templu rurincho imapis yuripashqanta.

²³ Templucho turnunta cumpliskirnami wayinpana Zacarías kutikurqan.

²⁴ Saypitanami warmin Elisabet qeshyaq rikakur pisqa killantin wayinpita mana yarquypa täkurqan. Saymi nirqan:

²⁵ <>.

Jesús yurinanpaq ángel wilakushqan

²⁶ Elisabet qeshyaq rikakushqanpita soqta killatanami ángel Gabrielta Tayta Dios kachamurqan Galileacho Nazaret markaman.

²⁷ Saychömi virgen María tarqan. Paymi unay rey Davidpa ayllun Joséwan tänanpaq awnishna kaykarqan.

²⁸ Chaykurmi ángel nirqan: <<¡Kushikuy, María! ¡Tayta Diosmi akrashushkanki! Payqa qamwanmi kaykan. [Wakin warmikunapita masmi qamta Tayta Dios kuyashunki]>>.

²⁹ Sayno niptinmi María mansakash yarpachakur nirqan: <<¿Imanirtaq sayno niman?>>

³⁰ Saymi ángel nirqan: <

³¹ Kananpitami qeshyaq rikakunki. Wamrayki yuriptinmi jutinta churanki Jesús jutin kananpaq.

³² Seqaypa munayyuq kaptinmi Tayta Diospa Surin kashqanta niyanqa. Unay ayllun Davidno rey kananpaqmi Tayta Dios churanqa.

³³ Paymi Jacobpita miraq runakunata imayyaqpis mandanqa. Pay mandaykashqanqa imaypis manami ushakanqasu>>.

³⁴ Niptinmi María tapurqan: <>

³⁵ Saymi ángel nirqan: <

³⁶ <

³⁷ Tayta Diospaqqa manami imapis ajasu>>.

³⁸ Saymi María nirqan: <>. Niskirnami ángel aywakurqan.

Elisabetta María watukashqan

³⁹ Ángel nishqanpita warayninkunanami Judea provinciapa jalqankunacho kaykaq juk markaman warakayla María aywarqan.

⁴⁰ Chaykurnami Zacaríaspa wayinman yaykuskir Elisabetta winchikurqan.

⁴¹ Winchikuptinmi Elisabetpa pachancho wamrapis kuyurqan. Elisabetnami Espíritu Santupa munayninwan

⁴² sinchipa nirqan: <<¡Lapan warmikunapitapis masmi qamta Tayta Dios bendicionninta qoshushkanki! ¡Qeshyaq kaykashqayki wawaykitapis bendicionnintami qosh!

⁴³ ¿Pitaq noqa kä Señornïpa maman kaykar watukaykamänaykipaq?

⁴⁴ Winchikamashqaykita wiyaykurmi pachächo wawäpis kushikuypita kuyush.

⁴⁵ ¡Tayta Dios nishushqaykita cumplinanpaq kashqanta criyishqaykipitami kushish kaykanki!>>

Tayta Diosta María alabashqan

⁴⁶ Saymi María nirqan: <

⁴⁷ Kushikuypitami salvamaqnï Tayta Diosta alabä.

⁴⁸ Mana cuentash japuy kaykaptïpis kuyapämarmi akramash. Kananpitaqa imaypis runakuna niyämanqa Tayta Dios bendicionninta noqaman churamushqantami.

⁴⁹ Munayyuq Tayta Dios alimi rikamash. Payqa santumi kaykan.

⁵⁰ Payta mansapakuqkunataqa imaypis kuyapanmi.

⁵¹ Pipis mana rurashqankunatami pay ruran. Yachaq tukuqkunapa yarpayninkunatapis manakaqmanmi churan.

⁵² Nación mandaqkunatapis mandaq kayashqanpitami qarqun. Qollmi shonquyuq runakunatanami mandaq kayänanpaq churan.

⁵³ Muchuqkunataqa nistashqankunata kamaripanmi. Rïcukunatanami isanqa muchuqyäsin.

⁵⁴ Sirviqnin Israel runakunata kuyapashpanmi imaypis mana qonqaypa yanapan.

⁵⁵ Imayyaqpis sayno yanapämänansipaqmi unay ayllunsi Abrahamta y paypita miraqkunata promitirqan>>.

⁵⁶ Elisabet kaqcho kimsa killano tarkurnami wayinpana María kutikurqan.

Bautizaq Juan yurishqan

⁵⁷ Elisabetpa killan tinkuskiptinnami olqu wamrata qeshyakurqan.

⁵⁸ Sayta musyaykurmi ayllunkuna y reqinakushqankuna Elisabetman chaykur kushish niyarqan: <<¡Tayta Diosmi kuyapäshushpayki yanapäshushkanki wawayuq kanaykipaq!>>

⁵⁹ Puwaq junaqyuq wamran kaykaptinnami Zacaríaspa wayinman aywayarqan wamranta señalayänanpaq. Saychömi taytan Zacaríaspa jutilanta jutisiyta munayarqan.

⁶⁰ Saymi maman nirqan: <<¡Manami saysu jutin kanqa, sinöqa Juanmi!>>

⁶¹ Saymi niyarqan: <>

⁶² Saymi ima jutita churayänanpaqpis sëñaypa Zacaríasta tapuyarqan.

⁶³ Tapuyaptinmi takshala tablata manakurir sayman qelqarqan: <> nir. Sayta liyirmi lapanpis äyakash rikakuyarqan.

⁶⁴ Say höra shimin pashtarkuptinmi Tayta Diosta Zacarías alabarqan.

⁶⁵ Saykunata rikaykurmi lapan reqinakuyashqankuna espantash rikakuyarqan. Saykuna päsashqantami intëru Judea jalqacho pïmaypis parlayarqan.

⁶⁶ Say wamrata Tayta Dios yanapashqanta parlayaptinmi wiyaqkuna yarpachakur niyarqan: <>

Tayta Diosta Zacarías alabashqan

⁶⁷ Espíritu Santupa munayninwanmi Zacarías nirqan:

⁶⁸ <

⁶⁹ Sirviqnin Davidpa ayllunpita munayyuq salvamaqninsi yurinanpaqnami kaykan.

⁷⁰ Sayno yurinanpaqmi unaypita pasa santu profëtakunawan wilakasirqan.

⁷¹ Contransikunapa makinpita y chikimaqninsikunapa munayninpita jorqamänansipaqmi musyasimarqansi.

⁷² <

⁷³ Jurashpanmi unay ayllunsi Abrahamta promitirqan

⁷⁴ chikimaqninsikunapa makinpita jorqamänansipaq kashqanta y mana mansariypa paylatana sirvinansipaq kashqanta.

⁷⁵ Sayno kaykaptinqa mana jusalikuypa pay munashqanno waran waran kawashun>>.

⁷⁶ Wamrantanami Zacarías nirqan: <

⁷⁷ Tayta Dios kuyashqan runakunata perdonar salvananpaq kashqantami wilanki.

⁷⁸ Tayta Diosninsi kuyapämashpansi jana pasapita juk salvadorta kachamunqa. Sayqa pasa waraqnömi kushikuypaq kanqa.

⁷⁹ Aksino karmi sakäpakushno kawaqkunata y wanuyta mansaqkunata salvanqa. Paymi tantiyasimäshun jawkala kawanansipaq>>.

⁸⁰ Zacaríaspa surinqa Tayta Dios munashqanno kawananpaq winaylatami shumaq tantiyakurqan. Tayta Diospa wilakuyninta Israel mayinkunata wilapar qalaykushqanyaqmi sunyaq jirkakunalacho tarqan.