Levítico 1 - Tayta Diospa Wilakuynin

Rupasina sacrificiupita tantiyasishqan

¹ Tayta Diosmi Tinkuna Toldupita qayaykur Moisésta nirqan:

² <

³ <<

⁴ Jusankunapita perdonash kayänanpaqmi turïtupa umanman makinkunata churaykur

⁵ Tayta Diospa nawpancho pishtayanqa. Yawarnintanami Aarónpita miraq cürakuna Tinkuna Toldu patiucho kaykaq altarpa lädunkunata saqsupäyanqa.

⁶ Nirkurnami rupasina sacrificiupaq uywata apamuq runa uywapa qaranta jorquskir aysantana cuartusanqa.

⁷ Saypitanami Aarónpita miraq cürakuna altar jananman yantata sulkarkur ninata sarisiyanqa.

⁸ Say jananmannami cuartusashqan aysata, umanta y pacha wirantapis winayanqa.

⁹ Saypitanami uywata apamuq runa uywapa pachanta y chakinkunata maylanqa. Saytapis altar janaman churarkurmi cüra rupasinqa. Say rupasishqanqa rupasina sacrificiumi kanqa. Saypa mushkuyninmi Tayta Diospa shonqunpaqno kanqa.

¹⁰ <<

¹¹ Tayta Diospa nawpancho say uywata pishtarqa altarpa norti kaqlänincho pishtanqa. Aarónpita miraq cürakunanami say uywapa yawarninwan altarpa lädunkunata saqsupäyanqa.

¹² Uywa apamuq runa aysata cuartusaptinmi aysata umantinta y pacha wirantinta altarcho rupaykaq yanta jananman churarkur cüra rupasinqa.

¹³ Saypitanami uywata apamuq runa uywapa pachanta y chakinkunata maylanqa. Saytapis altar janaman churarkurmi cüra rupasinqa. Say rupasishqanmi rupasina sacrificiu kanqa. Saypa mushkuyninmi Tayta Diospa shonqunpaqno kanqa.

¹⁴ <<

¹⁵ Cüranami say kulkushpa o palumapa umanta jipiskir aysanta altarcho rupasinqa. Yawarnintanami altar nawpanman jutusinqa.

¹⁶ Ukshintawan plümankunatami altar nawpancho kaykaq uchpaman jitarinqa. Say uchpa jitakunanqa inti jeqamunan kaqlächömi kaykan.

¹⁷ Nirkurnami ripranpita aptarkur pulanpa qasharinqa. Saypitanami altarcho kaykaq yanta jananman churarkur rupasinqa. Say rupasishqanmi rupasina sacrificiu kanqa. Saypa mushkuyninmi Tayta Diospa shonqunpaqno kanqa.