Jueces 10 - Tayta Diospa Wilakuynin

Israel runakunapa jueznin Tola kashqan

¹ Abimelec wanuskiptinnami Tola jutiyuq runa Israel runakunata contrankunapita salvarqan. Tolaqa Isacar trïbu runami karqan. Payqa karqan Dodupa wilkan y Fúapa surinmi. Tolaqa tarqan Samir markachömi. Say markaqa Efraín jalqakunachömi kaykan.

² Payqa Israel runakunapa jueznin karqan ishkay chunka kimsa (23) watami. Tola wanuykuptinmi Samir markaman pampayarqan.

Israel runakunapa jueznin Jair kashqan

³ Tola wanuskiptinnami Galaadpita kaq Jairna Israel runakunapa jueznin karqan. Pay mandarqan ishkay chunka ishkay (22) watami.

⁴ Jairpami kayarqan kimsa chunka (30) olqu surinkuna. Say surinkuna lapanpis ashnun loqashlami puriyaq. Paykunami Galaad particho kaykaq kimsa chunka markakunapa mandaqnin kayarqan. Say markakunatami kananyaqpis Jairpa markankuna kashqanta niyan.

⁵ Jair wanuykuptinmi pampayarqan Camón markaman.

Israel runakunata amonita runakuna nakasiyashqan

⁶ Saypita Israel runakunaqa yapaymi Baal diosta y Astarot diösata adorar Tayta Diosta rabyanäsiyarqan. Saynöpis paykunaqa arameo, sidonio, moabita, amonita y filisteo runakunapa diosninkunata adorarmi Tayta Diosta sirviyarqannasu.

⁷ Sayno kayaptinmi Tayta Diosqa fiyupa rabyakushpan filisteo runakuna y amonita runakuna nakasiyänanpaq kachapaykurqan.

⁸ Saymi Galaad particho taq Israel runakunata chunka puwaq watantin fiyupa nakasiyarqan. Galaad partiqa kaykan Jordán mayu wak simpan amorreo runakuna täyashqanchömi.

⁹ Saynöpis amonita runakunaqa Jordán mayuta simpaykurmi atacayarqan Judá trïbu runakunata, Benjamín trïbu runakunata y Efraín trïbu runakunatapis. Saymi Israel runakunaqa fiyupa lakikur ima ruraytapis mana kamäpakuyashpan

¹⁰ Tayta Diosta manakur niyarqan: <>.

¹¹ Sayno manakuyaptinmi Tayta Dios nirqan: <

¹² sidonio runakuna, amalecita runakuna y madianita runakunapis nakasiyäshuptiki manakayämarqaykimi. Sayno manakayämaptiki ¿manaku paykunapa munayninpita jorqamurqä?

¹³ Sayno jorqaykämuptïpis juk dioskunata adorarmi wiyakayämarqaykisu. Saymi kananqa salvayäshaykinasu.

¹⁴ ¡Say yärakuyashqayki dioskunatana manakuyay nakasiyäshushqaykipita salvayäshunaykipaq!>>

¹⁵ Tayta Dios sayno niptinmi Israel runakuna niyarqan: <>.

¹⁶ Sayno nirmi Israel runakunaqa adorayashqan ïdulunkunata ushakaskasir Tayta Dioslatana adorayarqan. Saymi fiyupa nakayashqanta rikar Tayta Dios kuyaparqan.

¹⁷ Saypitanami amonita runakuna pelyayänanpaq aywar campamentunkunata Galaadcho sharkasiyarqan. Saymi Israel runakunapis shuntakaykur Mizpacho campamentunkunata rurayarqan.

¹⁸ Saychömi Galaad particho taq Israel mayor runakuna wilanakur niyarqan: <>.