Josué 1 - Tayta Diospa Wilakuynin

Josuéta Tayta Dios shakyäsishqan

¹ Tayta Diospa sirviqnin Moiséspa yanapaqninmi Numpa surin Josué karqan. Moisés wanuykuptinnami Josuéta Tayta Dios nirqan:

² <

³ Moisésta promitishqänölami maymanpis chäyashqayki kaqqa qamkunapaq kanqa.

⁴ Chaskiyänaykipaq kaq nación kanqa sunyaq jirkapita qalaykur Líbanucho kaykaq jalqakunayaqmi. Saynöpis kanqa Éufrates mayupita qalaykur Mediterráneo Lamaryaqmi. Say nacionchömi heteo runakunapis taykäyan.

⁵ Moisésta yanapashqänölami qamtapis mana kachaypa yanapäshayki. Saymi guërracho pipis ichipäyäshunkipaqsu.

⁶ <

⁷ Yapaypis nïmi: Ama mansariysu ni qelanaysu. Sirvimaqnï Moisés yachasishushqayki leykunata mana qonqaypa cumplinki. Lapanta cumpliptikiqa ima rurashqaykichöpis yanapäshaykimi.

⁸ Say qelqaraykaq leykunata imaypis ama qonqankisu. Saypa trukanqa paqasta junaqta yarpachakunki lapanta cumplinaykipaq. Sayno cumpliptikimi lapan rurashqaykikunapis ali kanqa.

⁹ Noqami Tayta Diosniki kaykä. Maypa aywaptikipis yanapänäpaq qamwanmi imaypis kaykäshaq. Sayno nikaptïqa ama mansariysu ni qelanaysu>>.

Israel runakunata Josué shakyäsishqan

¹⁰ Saypitanami Israel autoridäkunata Josué nirqan:

¹¹ < >>.

¹² Saypitanami Rubén trïbu runakunata, Gad trïbu runakunata y pulan Manasés trïbu runakunata qayaykasir Josué nirqan:

¹³ <.

¹⁴ Niyäshushqaykinöla Jordán mayu kay simpancho täyänaykipaq Moisés rikasiyäshushqaykicho warmikikunata, surikikunata y uywaykikunata kachaykuyay. Qamkunaqa armaykikunata apakurkur Israel mayikikunapa puntanta pelyacho yanapaq aywayay.

¹⁵ Sayno yanapäyanki qamkunano paykunapis jamayman yaykur Tayta Diosninsi promitishqan nacionta chaskiyashqanyaq. Nirkurnami Jordán mayu kay simpanman kutikayämunki Tayta Diospa sirviqnin Moisés rikasiyäshushqayki herenciaykikunaman. Saychönami qamkuna imayyaqpis täkuyankipaq>>.

¹⁶ Josué sayno niptinmi paykuna niyarqan: <

¹⁷ Noqakuna qamta cäsukuyäshayki Moisésta cäsukuyashqänölami. Tayta Dios yanapaykuläshunki Moisésta yanapashqannöla.

¹⁸ Nishqaykikunata mana cäsukuq kaqtaqa wanusiyäshaq. Sayno kaykaptinqa ama mansariysu ni qelanaysu>>.