Job 6 - Tayta Diospa Wilakuynin

Job nishqan

¹ Sayno niptinmi Job nirqan:

² <

³ lamar kuchuncho aqushapitapis masmi lasanman. Kayjinanpa nakar capazchir lutantapis parlaykushkä.

⁴ Lapanpaq munayyuq Tayta Dios nakasimashqanqa venënuyuq flëchawan tuksimashqannömi nanaykan. Fiyupa mansariypaqmi nakaykä.

⁵ <

⁶ <

⁷ Imaypis nakayta mana munaykarmi kananqa waran waran nakaykä.

⁸ <<¡Ima aliraq kanman manakushqäno Tayta Dios jukla ushakäsimaptin!

⁹ ¡Ima aliraq kanman Tayta Dios jukla elaqäsimaptin!

¹⁰ Fiyupa nakarpis Tayta Dios nishqankunata imaypis cäsukushkämi. Saylapitapis kushikümi.

¹¹ Nakayta awantanäpaq valornïpis manami kannasu. ¿Imatanataq shuyakushaqpis?

¹² Manami qaqanösu ni broncinösu mana sientiq kä.

¹³ Manami valortapis tarïsu. Yanapämänanpaq manami pïnïpis kansu.

¹⁴ <

¹⁵ Qamkunaqa amïgükuna kaykarmi kuyapäkuytapis yachayankisu. Raqrapa aska yaku yurirkamur rasla päsariqnömi kaykäyanki.

¹⁶ Rashta suluptin yaku bunyaypa bunyar aywaqnömi

¹⁷ y usya tiempucho saki raqranömi kaykäyanki.

¹⁸ Noqaqa sunyaq jirkacho yakuta ashir oqrakashnömi kaykä.

¹⁹ Temánpita y Sabápita aywaq negociantikuna sunyaq jirkapa päsar yakuta ashiqnömi kaykä.

²⁰ Raqracho yakuta mana tarirmi fiyupa lakikuyan.

²¹ Saynölami noqapis fiyupa lakikü mana valurasiyämaptiki. Nakaykashqäta rikaykamar valurasiyämänaykipa trukanqa mansakar manakaqkunatami parlayashkanki.

²² <

²³ Manami chikimaqnïkunapita salvayämänaykipaqpis manakushkäsu. Yaqa runakunapa makinpita jorqayämänaykipaqpis manami ruwakushkäsu.

²⁴ <

²⁵ Jusalikushqäta cäramashqayki rasunpa kaptinqa penqakur upälakümanmi. Manakaqkunata jitapämarmi isanqa rabyanäsiyämanki.

²⁶ Capazchir aläpa nakar lutantapis parlashkä. Lutanta parlash kaptïqa perdonaykayälämay. Perdonayämänaykipa trukanqa ¿imanirtaq manakaqta jitapäyämashkanki?

²⁷ Sayno kar qamkunaqa waksata wanusinanpaq nirpis niyankimanmi. Kuyanakuyashqayki amïguykitapis kachariyankimanmi.

²⁸ <

²⁹ Noqa manami jusalikushkäsu. ¿Imanirtaq yarpäyanki jusalikushqäpita nakaykashqäta?

³⁰ ¿Lulapaykashqätaku yarpäyanki? ¿Imapis ali kashqanta o mana ali kashqanta manana tantiyashqätaku yarpäyanki?>>