Job 5 - Tayta Diospa Wilakuynin

¹ <<¡Job, pilapis yanapäshunaykipaq sinchipa qayakuy! Mä pilaqa wiyashunkikush. Yanapäshunaykipaq manami ni angilpis kansu.

² Rabyash y jaqayash karqa manaraqpis aykätami wanunki. Mana tantiyakuq runakunalami saynöqa kawayan.

³ <

⁴ Say runapa surinkunata pipis manami yanapansu. Autoridäkunapis paykuna quejakuyashqanta manami arreglayansu. Pipis manami favornin sharkunsu.

⁵ Kashawan chakran mayjina qenchash kaykaptinpis murupakuyashqanta pobrikunami apakuyan. Lapan sararäyashqantapis muchuqkunami chipyaq ushakurkuyan.

⁶ <

⁷ Chispa saltaptin wayra imaypis apashqannömi runapis imaypis nakan.

⁸ <

⁹ Milagrukunata rurashqanta manami yupaytapis atipansisu. Espantaypaq rurashqantapis manami tantiyayta kamäpakunsisu.

¹⁰ Paymi tamyata tamyasimur chakrakunata oqusin.

¹¹ Humildikunata yanaparmi lakikuykaqkunatapis shakyäsin.

¹² Astütu runa yarpashqantapis manakaqmanmi churan.

¹³ Yachaq kashqanta runa yarpaptinpis manami rasunpaypasu yachaq kashqanta musyasin. Yachaq runa mana alita rurananpaq yarpaptinpis kikin nakananpaqmi permitin.

¹⁴ Say runaqa junaq pasa kaykaptinpis yanawyaykaq sakaycho puriqno karmi ima problëmamanpis jatikan.

¹⁵ Pobri runataqa yaqa runakunapita Tayta Diosmi salvan.

¹⁶ Sayno salvashqanta musyarmi nakaqkuna kushikuyan. Yaqa runakunami isanqa ima niytapis mana kamäpakur lakikuyan.

¹⁷ <

¹⁸ Qeshyawan castigashushpaykipis aliyäsishunkimi. Corrigishushqaykiwan nakaptikipis yanapäshunkimi.

¹⁹ Qatinaylaman desgracia päsashuptikipis Tayta Diosmi salvashunki. Imapis mana päsashunaykipaqmi sapäshunki.

²⁰ Muchuy chämuptinpis mikanaypita mana wanunaykipaqmi yanapäshunki. Guërra kaptinpis espädawan mana wanusiyäshunaykipaqmi sapäshunki.

²¹ Runa maldicionashuptikipis manami imapis päsashunkisu. Desgracia shamuptinpis manami mansarinkisu.

²² Muchuy shamuptinpis manami mikanankisu. Desgracia kaptinpis manami nakankisu. Chucaru fiyu uywakunapis manami mansakäsishunkisu.

²³ Chakraykipis manami shalayanqasu. Fiyu uywakunapis manami fastidiayäshunkisu.

²⁴ Wayikichöpis kushishqami kawanki. Uywaykikunapis manami ushakanqasu.

²⁵ Qampita miraqkunapis askaq karmi luta jachakunanöraq saysika kayanqa.

²⁶ Awkinyarpis hörayki manaraq chämuptinqa manami wanunkisu.

²⁷ Sayno kashqantaqa musyansimi. Sayqa rasunpa kaqmi. Shumaq tantiyakuy>>.