Job 23 - Tayta Diospa Wilakuynin

Job nishqan

¹ Sayno niptinmi Job nirqan:

² <

³ ¡Imanöparaq musyayküman Tayta Dios maycho kaykashqantapis! Musyarqa imanöpapis sayman chaykümanchi.

⁴ Chaykurqa lapan yarpashqätachi nïman. Saynöpis imanir nakasimashqantachi tapüman.

⁵ Pay tantiyasimaptinqa tantiyämanchi may.

⁶ Mansakäsimänanpa trukanqa shumaqchi tantiyasimanman.

⁷ Jusaynaq runataqa manami castiganmansu. Saymi noqatapis wiyamashpan nimanman.

⁸ <

⁹ Norti kaqläpa ni sur kaqläpa ashirpis manami tarïsu.

¹⁰ Paymi isanqa musyaykan maycho kaykashqäta y imata ruraykashqätapis. Qoripa qanranta ninawan sulusiypa jorquptin püru quëdashqannömi noqapis nakaykunawan nakasimaptin jusaynaq kashaq.

¹¹ Noqaqa pay munashqannömi kawaykä. Lapan yäsimashqantami cäsukuykä.

¹² Leyninkunata imaypis cumplishkämi. Nishqankunataqa waran waranmi shonqücho yarparaykä.

¹³ <

¹⁴ Imano kanäpaqpis yarpashqannöchi kamakäsinqa. Munashqannöchi lapanpis kanqa.

¹⁵ Paypa nawpancho karmi fiyupa mansarï. Saykunata yarparmi suksukyä.

¹⁶ Tayta Dios castigamaptinmi valornïpis kannasu. Lapanpaq munayyuq Tayta Diosmi fiyupa mansakäsiman.

¹⁷ Ima aliraq kanman yanawyaykaq sakay sapakarkamaptin. Ima aliraq kanman yanawyaykaq paqas nitikarkamaptin.