Jeremías 20 - Tayta Diospa Wilakuynin

Pasur castigash kananpaq Jeremías wilashqan

¹ Imerpa surin Pasurqa cürami karqan. Paymi templuta täpaqkunapa mandaqnin karqan. Jerusalén runakunata y Judá runakunata Tayta Dios castigananpaq kashqanta Jeremías wilakushqanta wiyarmi Pasur fiyupa rabyakurqan.

² Saymi profëta Jeremíasta maqarkasir Benjamín jutiyuq punku waqtancho cëpuman sigurarqan. Say punku karqan templuman yaykunachömi.

³ Cëpucho juk junaq prësu jatirarkasirmi Jeremíasta Pasur jorqusirqan. Saymi Jeremías nirqan: <

⁴ Tayta Diosmi nin:

⁵ Kay markacho kaq riquëzakunatapis y Judá nacionpa mandaqnin reykunapa tesörunkunatapis say reytami entregashaq. Saymi lapan väliq kaqkunata luta sarir soldädunkunawan Babiloniaman apakuyanqa.

⁶ << >>.

Jeremías lakikur Tayta Diosta manakushqan

⁷ Tayta Dios, ¡mana munaykaptïmi profëta kanäpaq churamashkanki! ¡Lapanpaq munayyuq kashpaykimi obligamashkanki! Wilakuptïmi imay hörapis asipäyämashpan manakaqman churayäman.

⁸ Wilakurmi imaypis nï: <<¡Fiyupa nakaykunami kanqa! ¡Imaykapis ushakanqami!>> Sayno wilakushqäta mana criyirmi runakuna tukuyta qayapäyäman. Waran waranmi manakaqman churayäman.

⁹ Saymi nirqä: <>. Sayno niptïpis wilakuyniki shonqücho nina rupaykaqnöraqmi kaykan. Tulüyaqraqmi say rupashqan chaykush. Upälakuyta munarpis manami kamäpaküsu.

¹⁰ Runakuna manakaqman churamarmi asipäyämänanpaq shapshapyaylapa parlar niyan: <<¡Magor-misabib!>> Saynöpis lapan shuntakaykurmi wilanakuyan manakaqkunata tumpayämänanpaq. Amïgükunapis munaykäyan imanölapapis mana aliman chänätami. Paykuna wilanakuyan imatapis criyisimar lutanta parlasiyämänan kashqami.

¹¹ Sayno kaptinpis pïmayta vinciq jatun soldädunömi Tayta Dios yanapaykäman. Conträ sharkuqkunaqa vincimayta manami puëdiyanqasu. Kikinkuna mana aliman charmi fiyupa penqakuyanqa. Saytami imayyaqpis runakuna yarparäyanqa.

¹² Lapanta mandaq Tayta Dios, ali runakunata probankimi. Runakuna imata yarpaykäyashqantapis musyankimi. Conträkuna mana alita yarpäyashqanta musyaykarqa castigaykulay. Noqaqa qampa makikimanmi lapantapis churaykamü.

¹³ ¡Tayta Diosta alabar cantashun! ¡Paymi fiyu runakunapa makinpita pobrikunata salvan!

¹⁴ ¡Yurishqä junaqpis maldicionash kasun! ¡Imapaqraq mamäpis wachamarqan!

¹⁵ ¡Papänïta kushikasir yurishqäta wilaq runapis maldicionash kasun!

¹⁶ Say wilaq runaqa kasun Tayta Dios mana kuyapaypa ushakäsishqan markakunano. Tutapapis wiyasun nanaywan qaparaykäyaqta. Pulan junaqpapis wiyasun guërracho qaparaykäyaqta.

¹⁷ ¡Ima aliraq kanman karqan mamäpa pachalancho kaykaptï wanusimaptin! Mamäpa pachalanchi panteonnïpis kanman karqan. Sayno kaptin manami imaypis yurïmansu karqan.

¹⁸ Sayjinanpa nakar lakikunaläpaqqa ¡imapaqraq yurirqäpis! Jamurpash kanaläpaqqa ¡imapaqraq asikyay pasatapis rikarqä!