Jeremías 14 - Tayta Diospa Wilakuynin

Fiyupa usya kashqan

¹ Fiyupa usya kaptinmi Jeremíasta Tayta Dios nirqan:

² <

³ Rïcukunapa ashmayninkunapis pözukunaman yaku ashiq aywar manami tariyämunsu. Mana tarirmi jäkuq uyllun janchash kutiyämun. Fiyupa penqakuyashpanmi umankunatapis shukutakuyan.

⁴ Mana tamyaptinmi fiyupa usyawan pasapis shilikashna kaykan. Murupakuyänanpaq mana ali kaptinmi runakunapis fiyupa lakikur umankunata sapakurkuyan.

⁵ Usyawan qewa mana kaptinmi luychukunapis wachaskilar wawanta kachaskiyan.

⁶ Chucaru ashnukunapis sunyaq jirkakunaman wisarkurmi chacalkunano jäkalyaykachaykäyan. Mikuyänanpaq qewa mana kaptinmi nawinkunapis mankakashna kaykäyan>>.

⁷ Saymi runakuna niyan: <

⁸ Qamlamanmi yärakayämü. Fiyupa nakayaptïpis qamlami salvayämanki. Kananqa ¿imanirtaq kay nacioncho jäpayashna kaykanki? ¿Imanirtaq qorpanölana kaykanki?

⁹ Salvayämänaykipa trukan ¿imanirtaq watpakash rikaräyämanki? ¿Imanirtaq pitapis washayta mana kamäpakuq soldäduno kaykanki? Imano kaptinpis noqakunawanmi kaykanki. Pïmaypis musyanmi kuyashqayki runakuna kayashqäta. ¡Ama kachariykayämaysu!>>

¹⁰ Tayta Diosmi nirqan: <>.

Jeremíasta Tayta Dios nishqan

¹¹ Nirkurmi Tayta Dios nimarqan: <

¹² Paykuna ayunayashpan mayjina manakayämaptinpis manami cäsushaqsu. Saysika uywakunata y saki mikuy ofrendakunata noqapaq apayämuptinpis manami chaskishaqsu. Saypa trukanqa ushakäsinäpaqmi wanusikuq soldädukunata, muchuyta y qeshyata kachamushaq>>.

¹³ Sayno nimaptinmi nirqä: <>.

¹⁴ Saymi Tayta Dios nimarqan: <

¹⁵ <

¹⁶ Saynölami say profëtakuna lulapäyashqan runakunatapis guërrawan y muchuywan ushakäsishaq. Warminkunapis y surinkunapis wanurmi ushakäyanqa. Pampananpaq pipis mana kaptinmi Jerusalén cällikunacho ayankuna jitaräyanqa. Jusalikuyashqanpitami sayno castigashaq.

¹⁷ <

¹⁸ Jirkakunapa purirpis guërracho wanusiyashqan runakunapa ayankuna jitaraykaqtami rikaykä. Markaman yaykurpis malaqaywan wanush jitaraykaqtami tarï. Imanir sayno päsashqantapis mana tantiyarmi profëtakunapis cürakunapis upatakash puriykäyan> >>.

Tayta Diosta Jeremías ruwakushqan

¹⁹ Tayta Dios, ¿Judá nacionta mananaku rikaytapis munanki? ¿Sayjinanpaku Sión lömata chikiykunki? ¿Imanirtaq pasaypa desgraciaman jitarpariykayämashkanki? Ali kawayta munayaptïpis manami ali kaway kannasu. Yanapäyämänaykipaq yarpäyaptïpis jinalami desgracia päsayäman.

²⁰ Tayta Dios, contraykimi rikakuyashkä. Unay ayllükuna rabyanäsiyäshushqaykinölami noqakunapis pasaypa rabyanäsiyashkä.

²¹ Sayno kaptinpis ama kachariyämaysu. Kachariyämaptikiqa runakuna manakaqmanpis churayäshunkimanmi. Saynöpis trönuyki kananpaq akrashqayki markata manakaqman ama churaysu. Yanapäyämänaykipaq pactu rurashqaykita ama qonqaykulaysu.

²² Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.