Isaías 48 - Tayta Diospa Wilakuynin

Israel runakuna mana wiyakuq kayashqan

¹ Jacobpita miraq Israel runakuna, nishqäta wiyayämay. Qamkunaqa Tayta Diospa jutinchömi imatapis promitiyanki. Saynöpis nikäyanki kuyashuqniki Diosta sirviyashqaykitami. Sayno nirpis janan shonqulami paypa jutinta joqarkuyanki.

² Qamkunaqa sagrädu Jerusaléncho täyashpaykimi kushikuykäyanki. Saynöpis niyanki kuyashuqniki Tayta Diosman yärakuyashqaykitami. Paypa jutinqa lapanta mandaq Yahwehmi kaykan.

³ Tayta Diosmi nin: <

⁴ Musyämi rumi shonqu kayashqaykita, kunkaykikunapis fiërruno chukru kashqanta y urkuykikunapis broncino chukru kashqanta.

⁵ Sayno kayaptikimi päsananpaq kaqkunata unayna wilakasirqä. Wilakasishqäno päsaptinmi tantiyayanki takaypa y fundiypa rurasiyashqayki ïdulukunaqa ima päsananpaq kaqtapis mana musyayashqanta.

⁶ Wilakasishqäno kashqanta wiyaykar y rikaykarqa ¿imanirtaq tantiyayankisu rasun kaqta nikashqäta? <

⁷ Sayta imaypis manami yarpäyashkankisu ni wiyayashkankisu. Mayna musyayashqaykitapis manami niyankipaqsu.

⁸ Saytaqa manami imaypis wiyayashkankiraqsu. Kananyaqpis manami musyayashkankiraqsu. <

⁹ Sayno kayaptikipis adorayämänayki raykumi ajanashpäpis awantakushkä. Alabayämänayki kashqami pacienciakur qamkunata elaqärasishkäsu.

¹⁰ <

¹¹ Juk dioskunata adorayänaykipa trukan noqata adoramänaykipaqmi sayno perdonashkä. Manami munäsu juk dioskunata adorar manakaqman churayämänaykita>>.

Kuyashqan runakunata salvananpaq Tayta Dios nishqan

¹² <

¹³ Makïwanmi kay pasata kamashkä. Aluq kaq maki paltäwanmi jana pasatapis tupushkä. Jutinta joqarkuptilämi lapanpis yuriskiyarqan.

¹⁴ <

¹⁵ <

¹⁶ Lapayki witiyämuy say nishqäta wiyayänaykipaq. Unaypita pasami sayno kananpaq kaqta wilashkä. Rikaraykaptïmi lapanpis nishqänöla kanqa>>. Tayta Dios sayno nishqanta wilakunäpaqmi Espïritunta noqaman kachamush.

¹⁷ Salvayäshuqniki kashpanmi Israel runakunapa santu Tayta Diosnin niyäshunki: <

¹⁸ Mandamientükunata wiyakurqa jawkalami kawayankiman karqan. Ali kawayashqaykiqa mayu mana sakiypa aywaqnömi kanman karqan. Lamar pulchaqyashqan qatinaylanpa aywaqnömi alilata imaypis rurayankiman karqan.

¹⁹ Lamar kuchuncho aqushanöraqmi qampita miraqkuna yupaytapis mana atipaypaq kayanman karqan. Manami imaypis qamkunata ushakäsïmansu karqan. Nawpäpitapis manami qarqümansu karqan>>.

²⁰ ¡Babiloniapita qeshpir aywakuyay! ¡Salvakuyashqaykita maysaychöpis kushish wilakuyay! Wilakur niyay: <<¡Sirviqnin Jacobpita miraqkunata Tayta Diosmi salvash!

²¹ Sunyaq jirkapa pushamuptinpis manami yakunäyarqansu. Mana yakunäyänanpaqmi qaqapita saysika yakuta pashtasimurqan>>.

²² Isanqa Tayta Diosmi nin: <>.