Isaías 1 - Tayta Diospa Wilakuynin

Judá runakuna jusasapa kayashqan

¹ Kaychömi qelqaraykan Judá nacioncho y capitalnin Jerusaléncho taykaq runakunapaq Amozpa surin Isaíasta Tayta Dios revelashqan. Saykunata Tayta Dios revelarqan Judá nacioncho Uzías, Jotam, Acaz y Ezequías rey kayashqan wisanmi.

² Jana pasapis, kay pasapis, wiyayay. Tayta Diosmi nin: <

³ Yuntapis ämunta reqinmi. Ashnupis maycho ämun qarashqanta musyaranmi. Kuyashqä Israel runakunami isanqa ashmashqätapis tantiyakuyansu>>.

⁴ ¡Wawalaw jusasapa runakuna, imanöraq kayanki! Qamkunaqa jusalikularmi kawaykäyanki. Jusalikuylatami taytaykikunapis yachasiyäshunki. Lutan ruraq runakuna karmi Tayta Diosta cäsukuyankisu. Israel runakunapa santu Diosnintami rabyanäsiyashkanki.

⁵ ¿Imanirtaq achäquita ashiykäyanki? ¿Imanirtaq kananyaqpis mana wiyakuq kaykäyanki? Sayjina castigaptï umaykikuna rachish kaptinmi juiciuykikunapis perdish kaykan.

⁶ Chaki puntaykipita uma jirkaykiyaq manami sänu kansu. Intëru cuerpuykipis qerilanami, qoyuy qoyuylami y poqrur jakashlami kaykan. Manami pipis jampishushkankisu ni püchapäshushkankisu. Nanayniki päsananpaq aceitilatapis manami winapäshushkankisu.

⁷ Nacionnikipis sunyaqmi rikakush. Markaykikunatapis rupasirmi ushayash. Rikaraykäyaptikimi murupakuyashqaykitapis jäpa runakuna apakuyan. Juklä nacionpita shamurmi imaykaykikunatapis tariyashqan kaqta ushakäsiyan.

⁸ Siónqa üva chakracho y melón chakracho suklanömi rikakush. Soldädukuna jiruruypa sapash markano kaptinmi pïninpis yanapänanpaq kansu.

⁹ Lapanta mandaq Tayta Dios juk ishkaylatapis kawaykaqta mana kacharimashqaqa Sodomano y Gomorranömi ushakashwan karqan.

Jusalikuyta wanakuyänanpaq nishqan

¹⁰ Sodoma autoridäkuna japuy kaqkuna, Tayta Dios nishqanta kanan wiyayay. Gomorra runakunano kaqkuna, Tayta Diosninsi yachasiyäshushqaykita cäsukuyay.

¹¹ Tayta Diosmi nin: <<¿Imapaqnataq saysika sacrificiukunata altarcho rupasiyanki? Carnërukunata sacrificiupaq rupasiyaptiki ajayashnami kaykä. Uywakunapa wiranta altarcho rupasiyaptiki ajayashnami kaykä. Manami munäsu törukunapa, uyshakunapa ni chïvukunapa yawarninta jichar sacrificiupaq rupasiyashqaykitapis.

¹² ¿Imapaqnataq nawpämanpis shayämunki? ¿Pitaq niyäshushkanki templüpa patiuntapis qanratar shayämunaykipaq?

¹³ Saki mikuy ofrendakunatapis ¿imapaqnataq apayämunki? Apayämuptikipis manakaqlapaqmi kanqa. Inciensuwan qoshnisiyashqaykipis melanäsimanmi. Lulu killa fiestata rurayashqaykipis, jamay junaqcho jamayashqaykipis y wata wata shuntakaykur fiestakunata rurayashqaykipis jusalikuyaptikimi gustamansu.

¹⁴ Lulu killa fiestata rurayashqaykitapis wata wata fiestakunata rurayashqaykitapis pasaypanami ajayashkä. Saykunata rikaytapis mananami munänasu.

¹⁵ Makikikunata joqarkur manakayämaptikipis jukläpami tikrakurishaq. Yaparir yaparir manakayämaptikipis manami wiyayäshaykinasu. Qamkunami runakuna wanuyänanpaqpis jusayuq kayanki.

¹⁶ <<¡Limpiu kayänaykipaq maylakuyay! ¡Lutan ruraykunata kachariyayna! Mana alikunata amana rurayaynasu.

¹⁷ Saypa trukanqa alitana rurayay. Demandukunata shumaq juzgayay. Nakaqkunata yanapäyay. Waksakuna quejakuyashqanta shumaq arreglayay. Viüdakunatapis yanapäyay>>.

¹⁸ Tayta Diosmi nin: <

¹⁹ Nishqäta wiyakurqa chakraykicho mikuy wayuqtapis alinnin kaqtami mikuyanki.

²⁰ Mana wiyakuq kayashpaykimi isanqa guërracho espädawan wanuyanki>>. Tayta Diosmi sayno nin.

Jerusalénta Tayta Dios juzgananpaq nishqan

²¹ Jerusalén marka, Diosta cäsukuq kaykarqa ¿imanöpataq prostitütano rikakushkanki? Prostitüta warmi aska runawan kakushqannömi qampis aska dioskunata sirvishkanki. Nawpataqa leynïkunata cäsukur pïmaytapis yanaparmi kawarqayki. Kananqa wanusikuqmanmi tikrashkanki.

²² Ali qellayno kash karpis kananqa mana väliq qellaynömi kaykanki. Ali vïnuno kash karpis kananqa yakun yapash vïnunömi kaykanki.

²³ Autoridänikikunapis Tayta Diosta manami wiyakuyansu. Suwakuqkunata janansarmi chaskipakuyan. Ima demandulatapis arreglayänanpaq cobrayanmi. Waksakunata manami respitasiyansu. Viüdakuna demandakuyaptinpis manami cäsuyansu.

²⁴ Saymi lapanta mandaq Tayta Dios nin: <

²⁵ Ali cösami makïta apayanki. Qanra kayashqaykitapis lijyawan maylaqnömi maylayäshayki. Limpiu kayänaykipaq lapan qanraykitami jorqushaq.

²⁶ < >>.

²⁷ Promitishqannölami Sión runakunata Tayta Dios salvanqa. Jusalikuyashqanta kacharir cäsukuyaptinqa paykunata manami ushakäsinqanasu.

²⁸ Mana wiyakuqkuna y jusalikuqkunami isanqa wanuyanqa. Tayta Diosta mana wiyakuqkunaqa lapanmi ushakäyanqa.

²⁹ Jerusalén runakuna, encina jachakuna chakincho y huertakunachöpis ïdulukunata adorayashqaykipitami penqakuyanki. Kuyayashqayki ïdulukunata adorayashqaykipita penqakurmi pukayash uysuräyanki.

³⁰ Tayta Dios castigashuptiki qarwashtaykaq encina jachano y yakunpita sakiykaq huertanömi kayanki.

³¹ Chispa ratar saki oqshata ushashqannömi kalpayuq runatapis Tayta Dios ushakäsinqa. Mana upiypa nina imatapis ushashqannömi lapan rurashqantawan say runata ushakäsinqa.