Hechos 4 - Tayta Diospa Wilakuynin

Pedrutawan Juanta autoridäkunaman apayashqan

¹ Pedruwan Juan wilakuykäyaptinmi cürakuna, saduceukuna y templu täpaq wardiakunapa capitanninpis chäyarqan.

² Jesucristo kawarimushqanno wanuqkuna kawariyämunanpaq kashqanta yachasiyaptinmi fiyupa rabyanäyarqan.

³ Prësu sariykurmi tardina kaptin waraynin tutayaq carcilman wichqaykuyarqan.

⁴ Sayno kaptinpis Pedruwan Juan wilakuyashqanta wiyar askaqmi criyiyarqan. Say criyiqkuna kayarqan pisqa waranqanömi (5,000).

⁵ Waraynin tutanami Jerusaléncho shuntakäyarqan Israel runakunapa autoridäninkuna, mayor runakuna y ley yachasiqkunapis.

⁶ Paykunawanmi shuntakäyarqan mas mandaq cüra Anáspis, Caifáspis, Juanpis, Alejandrupis y Anáspa wakin ayllunkunapis.

⁷ Nirkurmi Pedrutawan Juanta carcilpita jorqaskasimur tapuyarqan: <<¿Ima munaynikiwantaq y pipa jutinchötaq kaykunata rurayashkanki?>> nir.

⁸ Niyaptinmi Espíritu Santupa munayninwan Pedro nirqan: <

⁹ ¿paralïticu runata aliyäsiyashqäpitaku tapuyämanki?

¹⁰ Qamkunapis y lapan Israel runakunapis, wiyayämay. Nazaretpita kaq Jesúspa jutinchömi kay runata aliyäsiyashkä. Payta crucificaypa wanusish kayaptikipis Tayta Diosmi kawarisimush.

¹¹ nir wayi sharkasiqkuna jitariqnömi payta wanusiyashkanki. Sayno kaptinpis wayi esquïna cimientucho churaraykaq ruminömi kaykan.

¹² Jesucristulami salvamaqninsiqa kaykan. Paypita mas jukqa salvamänansipaq manami pipis kansu>>.

¹³ Pedruwan Juan shumaq mana estudiash kaykarpis mana mansariypa wilakuyaptinmi autoridäkuna admirakuyarqan. Saymi Jesúspa discïpulunkuna kayashqanta tantiyakuyarqan.

¹⁴ Aliyäsishqan runa saycho ichiraykaqta rikarmi ima niytapis kamäpakuyarqansu.

¹⁵ Shuntakäyashqanpita Pedrutawan Juanta waqtaman jorqaskasirmi kikinpura wilanakur niyarqan:

¹⁶ <<¿Imatataq kay runakunata rurashun? Say runata aliyäsiyashqanta Jerusaléncho taq lapan runakunami musyayan. Saytaqa manami ñëgashwansu.

¹⁷ Isanqa wilakuyashqan maysaymanpis mana chänanpaq paykunata albirtishun Jesúspa jutincho pitapis manana wilakuyänanpaq>>.

¹⁸ Sayno wilanakurkurmi waqtapita qayaykasimur niyarqan Jesúspa jutincho imaypis manana wilakuyänanpaq ni mana yachasiyänanpaq.

¹⁹ Sayno niyaptinmi Pedruwan Juan niyarqan: <

²⁰ Rikayashqäta y wiyayashqätaqa mana upälakuypami imaypis wilakuyäshaq>>.

²¹ Paralïticu runata aliyäsiyashqanpita lapan runakuna Tayta Diosta alabayaptinmi autoridäkuna castigayarqannasu. Saypa trukanqa jurapaykularmi kachariyarqan.

²² Jesúspa munayninwan aliyaq runaqa chusku chunka (40) watayuqpita maslami karqan.

Tayta Diosta manakuyashqan

²³ Carcilpita yarquskirnami Pedruwan Juanqa yärakuq mayinkunaman kutiykur wilayarqan mandaq cürakuna y Israel mayor runakuna imata niyashqantapis.

²⁴ Sayno wilayaptinmi lapanpis Tayta Diosta manakur niyarqan: <

²⁵ Espíritu Santu tantiyasiptinmi sirvishuqniki David nirqan: <<¿Imanirtaq runakuna Diospa contran sharkuyan? ¿Imanirtaq manakaqkunata yarpäyan?

²⁶ Tayta Diospa y akrashqan Cristupa contran sharkuyänanpaqmi kay pasacho reykuna y autoridäkuna shuntakar wilanakuyan>>.

²⁷ <

²⁸ Sayno kananpaq unaypita nishqaykinölami lapantapis rurayarqan.

²⁹ <

³⁰ Santu sirvishuqniki Jesúspa jutincho tukuy milagrukunata rurayänäpaq y qeshyaqkunatapis munaynikiwan aliyäsiyänäpaq yanapaykayälämay>>.

³¹ Tayta Diosta manakuyta ushaskiyaptinmi shuntaraykäyashqan wayi suksukyarqan. Saymi Espíritu Santupa munayninwan Tayta Diospa wilakuyninta mana mansariypa wilakuyarqan.

Jesúsman yärakuqkuna yanapänakuyashqan

³² Jesucristuman yärakuqkuna lapanpis say yarpaylami kayarqan. Saymi imatapis kikinkunapaq churakuyänanpa trukanqa nistäyashqanman tupu rakipänakuyaq.

³³ Señor Jesucristo kawarimushqanta mana mansariypami apostolkuna wilakuyaq. Lapan yärakuqkunatami Tayta Dios shumaq yanaparqan.

³⁴ Saymi paykunaqa mayqanpis muchüyarqansu. Chakrankunata wayinkunata rantikuykurmi say qellayta

³⁵ apostolkunaman apayaq. Paykunanami muchuqkunata nistäyashqanman tupu aypuyaq.

³⁶ Saynölami José jutiyuq runapis rurarqan. Payqa Chipre islapita Leví trïbu runami karqan. Paypa kuyay jutintami apostolkuna churapäyarqan Bernabé kananpaq. Say jutiqa <> ninanmi.

³⁷ Bernabémi chakranta rantikuskir qellayta apostolkunata apapaykurqan.