Hechos 28 - Tayta Diospa Wilakuynin

Malta islacho Pablo kashqan

¹ Lamarpita lapäkuna yarquskirmi musyayarqä Malta islacho kaykäyashqäta.

² Saycho taq runakuna alimi chaskiyämarqan. Saymi tamyar alaptin ninata sarirkasir mashakuyänäpaq qayayämarqan.

³ Pablupis saki rämakunata shuntarkur ninaman qaykuykaptinmi ninapita culebra qeshpir makinta amukurkurqan.

⁴ Pablupa makincho warkaraykaqta rikaykurmi saycho taq runakuna niyarqan: <<¡Kay runaqa wanusikuqmi kanqa! Saymi lamarpita kawaykar yarqamuptinpis adorashqansi diösa munansu kawananta>>.

⁵ Makinpita ninaman culebrata Pablo tapshiriykuptin picashqan manami imanarqanpissu.

⁶ Culebra picashqanwan jakänanpaq kashqanta o wanuskinanpaq kashqantami runakuna yarpäyarqan. May höra imapis mana päsaptinmi niyarqan: <<¡Kay runaqa juk diospis kakunchir!>>

⁷ Say mashakuykäyashqä cercanchömi Publio jutiyuq runapa chakrankuna karqan. Publiuqa say islacho mas mandaq autoridämi karqan. Noqakunata kimsa junaq posädasiyämar alimi rikayämarqan.

⁸ Saychömi Publiupa taytan disenteriawan y fiebriwan cämacho ansa jitaraykarqan. Sayman Pablo yaykuykur Tayta Diosta manakushpan yataykuptinmi aliyarqan.

⁹ Say runa aliyashqanta musyaykurmi wakin qeshyaykaqkunapis Pabluman shayämuptin lapanta aliyäsirqan.

¹⁰ Sayno aliyäsishqanpita agradëcikurmi ali rikayämarqan. Aywakuyaptïnami lapan nistäyashqäkunatapis kamaripäyämarqan.

Romaman Pablo chashqan

¹¹ Tamya killakuna päsashqanyaqmi Alejandríapita shamuq büqui say islacho ichirarqan. Saymi kimsa killa say islacho tarkur aywakuyänäpaq say büquiman wisäyarqä. Say büquipa senqanchömi Cástor y Pólux niyashqan diosninkuna laqlaypa dibujash kaykarqan.

¹² Saypita Siracusa markaman chaykurmi kimsa junaq saycho qoyäyarqä.

¹³ Siracusapitanami lamar kuchulanpa Regio markayaq aywayarqä. Sur kaqläpita wayrämuptinmi Regiupita ishkay junaqlatana Puteoli markaman chäyarqä.

¹⁴ Saychönami büquipita yarqur wawqikunawan tinkuyarqä. Paykuna ruwakayämaptinmi juk semäna paykunata qoyäpäyarqä. Saypitanami chakilapana Romaman aywayarqä.

¹⁵ Aywaykäyashqäta musyarmi Romacho kaq wakin wawqikuna Foro de Apio markaman taripäyämarqan. Wakin kaqnami Kimsa Tabernas markacho shuyaräyämarqan. Paykunata rikaykurmi Tayta Diosta Pablo kushish agradëcikurqan.

¹⁶ Romaman chaykuyaptïnami [capitanqa prësukunata comandantiman entregarqan]. Pablutami isanqa juk wayiman aparqan saycho wichqaränanpaq. Saychömi juk soldädu täparqan.

Israel runakunata Romacho Pablo wilapashqan

¹⁷ Chäyashqäpita kimsa junaqtanami Israel mayor runakunata Pablo qayasirqan. Shuntakaskiyaptinmi nirqan: <

¹⁸ Say autoridäkuna juzgamarpis wanusiyämänanpaqno ima jusätapis mana tarirmi kacharimayta munayarqan.

¹⁹ Israel autoridäkunami isanqa wanusimayta munayarqan. Saymi manakurqä mandaq César arreglamänanpaq. Imano kaptinpis Israel mayinsikunata manami demandäsu.

²⁰ Lapan Israel runakunanölami noqapis criyï Tayta Dios promitimashqansikunata cumplinanpaq kashqanta. Sayno criyishläpitami cadinawan wataraykä. Sayta musyasinäpaqmi qamkunata qayasimushkä>>.

²¹ Sayno niptinmi Israel mayor runakuna niyarqan: <

²² Isanqa maysaychöpis runakuna parlaykäyan yachasishqaykikuna lutan kashqantami. Saymi imata yachasishqaykitapis kikïkuna musyayta munayä>>.

²³ Sayno niyaptinmi juk junaq yapay shuntakäyänanpaq jitapänakuyarqan. Niyashqan junaq chämuptinnami Pablo posädaraykashqan wayiman askaq shuntakäyarqan. Saymi tutapita tardiyaq Tayta Dios mandaykashqanpita Pablo yachasirqan. Saynöpis Moisés qelqashqan leykunata y profëtakuna qelqayashqankunata tantiyasirmi Jesucristo salvamaqninsi kashqanta yachasirqan.

²⁴ Sayno yachasiptinmi wakin runakuna criyiyarqan y wakinna criyiyarqansu.

²⁵ Apänakur aywakuyänanpaqna kaykäyaptinmi Pablo nirqan: <

²⁶ << >.

²⁷ Say runakunapa shonqunkuna chukruyashqami. Rinrinkunapis upayashqami. Nawinkunapis qaprayashqami. Sayno karmi rikayansu, wiyayansu, tantiyakuyansu ni wanakuyansu. Sayno kayaptinmi noqapis aliyäsishaqsu> >>.

²⁸ <>.

²⁹ [Pablo sayno niptinmi Israel runakuna kikinpura rimanakur aywakuyarqan.]

³⁰ Ishkay watami arriendashqan wayicho Pablo tarqan. Saymanmi pïmaypis watukaq.

³¹ Saynöpis Tayta Dios mandaykashqanpita y Señor Jesucristupitami mana mansariypa yachasiq. Yachasiptin manami pipis michaqsu.