Hechos 27 - Tayta Diospa Wilakuynin

Pabluta Romaman prësu apasishqan

¹ Italiaman apasiyänanpaq autoridäkuna wilanakuskirmi wakin prësukunatawan capitán Juliuman Pabluta entregayarqan. Juliuqa kaykarqan Augusto niyashqan tröpapa capitanninmi.

² Saymi wisäyarqä Adramitiupita shamuq büquiman. Say büqui Asia provinciacho kaq puertukunaman aywananpaqmi yarquykarqan. Pabluta walkiyänäpaqmi Aristarcuwan aywayarqä. Aristarcuqa karqan Macedonia provinciacho Tesalónica markapitami.

³ Waraynin junaq Sidónman charmi capitán Juliuqa Pabluta kuyapashpan nirqan: <>.

⁴ Sidónpita yarquyaptïnami fiyupa wayrämuptin Chipre isla kuchulanpa aywayarqä.

⁵ Saypita Cilicia y Panfilia simpanpa päsarmi chäyarqä Liciacho kaq Mira markaman.

⁶ Saychömi capitán Julio tarirqan Alejandríapita Italiaman aywaykaq büquita. Saymi say büquimanna wisäsiyämarqan.

⁷ Saypita yarqur aska junaqtaraqmi nakar Gnido markapa nawpalanpa päsayarqä. Saypa aywaykäyaptï fiyupa wayrämuptinmi Creta islapa tumar Salmón niyashqan nawpanpa päsayarqä.

⁸ Creta isla kuchunpa aywayta nakarmi Buenos Puertos markaman ajataraq chäyarqä. Say marka kaykan Lasea markapita cercalanchömi.

⁹ Aska junaq päsashna kaptinmi tamya wisan qalaykunanpaqna karqan. Saymi päsayänäpaq mana ali kaptin büquicho aruq runakunata Pablo nirqan:

¹⁰ <>.

¹¹ Pablo sayno niptinpis capitán manami cäsurqansu, sinöqa büquiyuqta y büqui manijaqtami cäsuparqan.

¹² Tamya wisan Buenos Puertuscho qoyäyänäpaq mana ali kaptinmi lapäkunapis yarpäyarqä Cretacho kaykaq Fenice markaman aywayta. Fenicichömi isanqa tamya wisanpis büqui ichinanpaq ali karqan.

Wayrantin tamya fiyupa kashqan

¹³ Aywayänäpaq wayra ali kaptinnami büquicho aruqkuna yarpäyarqan Feniciman chäyänäpaqna kashqanta. Saymi büquipa anclankunata shuntarkur Creta isla kuchulanpa aywayarqä.

¹⁴ Yarquyashqäpita manapis aykälatanami Euroclidón niyashqan shukukuy wayra Cretapita fiyupa wayrämurqan.

¹⁵ Saymi wayra shamushqanpa aywayta mana atipar büqui manijaqkuna kachapariykuyarqan wayra apashlanpana büqui aywakunanpaq.

¹⁶ Saypita Clauda niyashqan taksha islapa aywarmi qarachaypa apashqan taksha büquita seqaypa nakarraq büqui jananman wisarkasir watayarqä.

¹⁷ Saypitanami mana laksikänanpaq aywaykäyashqä jatun büquitapis waskakunawan watayarqan. Nirkurmi lamar rurincho Sirte niyashqan aqushaman chänanta mansarir büquipa juk anclanta kacharpuyarqan despaciu aywayänäpaq. Nirkurmi wayra apashlanpa aywakuyarqä.

¹⁸ Saypita waraynin junaqpis saynöla fiyupa wayrämuptinmi büquipita cargankunata lamarman jitariyarqan.

¹⁹ Büquipa anclanta kacharpuyashqanpita kimsa kaq junaqnami büquicho aläpa mana nistakashqan kaqkunatapis jitariyarqan.

²⁰ Pukutay saparaptinmi intipis ni qoyllarpis aska junaq rikakarqansu. Fiyupa wayrämuptinmi ushakäyänäpaq kashqantana yarpäyarqä.

²¹ Aska junaqna miküni kayaptïmi Pablo ichiykur lapäkunata niyämarqan: <

²² Sayno kaptinpis ama lakikuyaysu. Manami mayqansipis wanushunsu. Büquimi isanqa ushakanqa.

²³ Qanyan paqasmi sirvishqä Tayta Dios kachamushqan ángel yuriparkamar

²⁴ nimash: .

²⁵ Taytakuna, ángel sayno nikämaptinqa ama mansarishunsu. Tayta Diosmanmi noqa yärakü. Ángel nimashqannölami kanqa.

²⁶ Büqui ushakaptinpis isla kuchunmanmi lamar jitarimäshun>>.

²⁷ Adriático nishqan lamarcho ishkay semänana wayra puriykäsiyämaptinmi büqui manijaqkuna pulan paqasno mayayarqan saki pasaman chaykäyashqäta.

²⁸ Yakupa jundunta tupuyaptinmi kimsa chunka soqta (36) metru karqan. Yapay tupuptinmi ishkay chunka qanchis (27) metrulana kaykarqan.

²⁹ Saymi rumikunacho büqui takakänanta mansarir büqui ichinanpaq chusku anclankunata watarkur büqui qepanpa kacharpuyarqan. Nirkurmi pasa warashqanyaq saycho shuyaräyarqä.

³⁰ Büqui manijaqkuna qeshpikuyta munarmi büqui puntanpapis anclata uräsiq tumpala taksha büquita uräsiyarqan.

³¹ Qeshpiyta munayashqanta tantiyarmi capitanta y soldädukunata Pablo wilarqan: <> nir.

³² Sayno niptinmi taksha büqui wataraq waskakunata soldädukuna rutuskiyaptin lamarman shikwarqan.

³³ Pasa wararkuptinnami runakunata Pablo nirqan: < nir lakikushpansimi ishkay semänana mikushkansisu.

³⁴ Kananqa kaway saraqlansipaqpis mikushunraq. Manami mayqansipis wanushunsu>>.

³⁵ Niskirmi tantata aptarkur lapanpa nawpancho Tayta Diosta agradëcikurqan. Nirkurmi tantata pakirir pakirir mikuyta qalaykurqan.

³⁶ Pablo mikuykaqta rikarmi lapanpis mikuyarqan.

³⁷ Büquicho aywaqkuna kayarqä ishkay pachak qanchis chunka soqta (276) runakunami.

³⁸ Pacha junta mikuskirnami büqui ankashyänanpaq apayashqan trïguta lamarman jitayarqan.

Büqui takakar ushakashqan

³⁹ Pasa waraskiptinnami chaykäyashqä saki pasata rikarpis büqui manijaqkuna reqiyarqansu maycho kaykäyashqantapis. Pläyata rikaykurnami büquita sayman chäsiyta munayarqan.

⁴⁰ Saymi wataraq waskakunata rutuskir anclakunata lamarcho kachaykuyarqan. Nirkurmi timonnin wataraqta paskaskir büquita wayra apananpaq kaq jatun rakta tëlata wisäsiyarqan. Saymi lamar kuchunman büqui aywar qalaykurqan.

⁴¹ Aywaykashqanchömi büquipa puntan aqushaman jatikäkurqan. Saymi yaku jaytaykälar büquipa qepan kaqta pakir usharqan.

⁴² Saymi prësukuna mana qeshpiyänanpaq soldädukuna wanusiyta munayarqan.

⁴³ Sayno yarpäyaptinpis Pabluta salvayta munarmi capitán nirqan: <

⁴⁴ Wakinkunana tablakunata o büqui pakipankunata sarikurkur yaku kuchunman imanöpapis yarquyäsun>>. Saynöpami lapäkuna yakupita yarquyarqä.