Hechos 19 - Tayta Diospa Wilakuynin

Éfesucho Pablo wilakushqan

¹ Corintucho Apolos kaykaptinmi Pabluqa markan markan aywar Éfesuman charqan. Saycho discïpulukunata tariykurmi

² tapurqan: <<¿Qamkunaqa Jesucristuta chaskikur Espíritu Santuta chaskikuyashkankiku?>> nir. Saymi niyarqan: <>.

³ Saymi Pablo yapay tapurqan: <> Niptinmi niyarqan: <>.

⁴ Saymi Pablo nirqan: <>.

⁵ Sayno niptinmi Señor Jesucristupa jutincho bautizakuyarqan.

⁶ Paykunapa umanta yataykur Tayta Diosta Pablo manakuptinmi Espíritu Santu paykunaman charqan. Saymi juk idiömakunapa parlayashpan Tayta Dios tantiyasishqankunata parlayarqan.

⁷ Say runakuna chunka ishkaynömi kayarqan.

⁸ Éfesucho tarmi sinagögaman aywar Tayta Dios mandaykashqanpita Pablo kimsa killantin mana mansariypa yachasirqan.

⁹ Sayno yachasiptinpis wakin runakuna Jesúsman yärakuyta mana munarmi lapanpa nawpancho Diospa Näninta manakaqman churayarqan. Saymi Jesúsman yärakuqkunawan sinagögapita yarqukur Tiranno jutiyuq runapa yachasikuna wayinchöna Pablo waran waran yachasirqan.

¹⁰ Ishkay watana sayno yachasiptinmi intëru Asia provinciacho Israel runakunapis y mana Israel runakunapis Señor Jesucristupa wilakuyninta wiyayarqan.

¹¹ Saychömi Tayta Diospa munayninwan milagrukunata Pablo rurarqan.

¹² Saymi Pablo töpashqan pañuëlukunata y mandilkunatapis qeshyaykaqkunaman apayarqan. Saykunata töpasiptinmi qeshyaqkuna aliyäyaq y supaykunapis runakunapita yarquyaq.

¹³ Say wisanmi wakin Israel runakunapis puriykäyarqan runakunapita supaykunata qarqur. Paykunapis Jesúspa jutincho supaykunata qarquyta munarmi niyarqan: <>.

¹⁴ Sayno rurayarqan mandaq cüra Escevapa qanchis surinkunami.

¹⁵ Qarquyta kamayaptinmi supay nirqan: <>

¹⁶ Sayno nirmi supay nakasishqan runa löcutashpan paykunata maqar usharqan. Saymi pasaypa yawarlana say wayipita qarapächu qeshpir aywakuyarqan.

¹⁷ Sayno päsashqanta mayaykurmi Éfesucho taq Israel runakunapis y mana Israel runakunapis fiyupa mansariyarqan. Saymi maysaychöpis runakuna musyayarqan Señor Jesucristo munayyuq kashqanta.

¹⁸ Jusalikuyashqanta tantiyakurmi Jesucristuman wakin yärakuqkunapis jusalikuyashqanta pakayarqannasu.

¹⁹ Saynölami brüju rurakuyänan mágica librunkunatapis shuntaykur lapanpa nawpancho rupasiyarqan. Say librukunapa chaninta jorquyaptin karqan pisqa chunka waranqa (50,000) jornalpa chaninmi.

²⁰ Saynöpami Tayta Diospa wilakuynin munayyuq kashqanta tantiyakur aska runakuna chaskikuyarqan.

²¹ Saypitanami Pablo yarparqan Jerusalénpa aywananpaqqa Macedonia provinciacho y Acaya provinciacho kaq wawqi panikunataraq watukayta. Saynöpis yarparqan Jerusalénpitaqa Romapana aywaytami.

²² Sayno yarparmi Macedonia provinciaman nawpäyänanpaq Timoteutawan Erastuta kacharqan. Nirkurmi Asia provinciacho quëdakurqan.

Éfesucho Pablupa contran sharkuyashqan

²³ Say wisanmi Diospa Näninpita wilakuyaptin Éfesucho runakuna fiyupa rabyakuyarqan.

²⁴ Sayno rabyakuyarqan Demetrio jutiyuq runa shimita qoptinmi. Paymi Artemisa niyashqan diösapa akapala templunkunata qellaypita ruraq. Saykunata rantikurmi Demetriuqa aruq mayinkunawan aska qellayta gänayaq.

²⁵ Aruq mayinkunata y paykunano oficiuyuq runakunatapis qayaykasirmi nirqan: <

²⁶ Rikayashqaykinöpis y wiyayashqaykinöpis Pablo yachasir nikan: . Sayno yachasir aska runakunatami kay Éfesucho y intëru Asia provinciachöpis criyiykäsin.

²⁷ Sayno criyisiptinmi arushqansikunata y diosninsi Artemisapa templuntapis manakaqman churayanqa. Artemisata intëru Asiacho taqkuna y intëru munduchöpis mananami respitayanqanasu>>.

²⁸ Demetrio sayno niptinmi aruq mayinkuna fiyupa rabyakur yaparir yaparir niyarqan: <<¡Diosninsi Artemisa alabash kasun!>>

²⁹ Sayno niyashqanta wiyarmi say markacho taq wakin runakunapis pasaypa qayaräyarqan. Fiyupa rabyanäyashpanmi Gayutawan Aristarcuta coliseuman prësu apayarqan. Gayuwan Aristarcuqa Macedoniapitami Pabluta yanapar shayämush karqan.

³⁰ Runakunata tantiyasinanpaq Pablupis coliseuman aywayta munaptinmi wawqi panikuna michäyarqan.

³¹ Say provinciapa wakin autoridäninkunapis Pabluwan reqinakurmi wilakasiyarqan coliseuman mana aywananpaq.

³² Coliseucho runakuna jukno jukno parlar büllata rurayaptinmi wakin runakuna imapaq sayman shuntakäyashqantapis musyayarqansu.

³³ Saycho kaykaq Israel runakunanami Alejandro jutiyuq runata parlamunanpaq yaykasiyarqan. Saymi runakunapa nawpanman Alejandro yaykuykur makinwan sëñarqan upälakuyänanpaq.

³⁴ Alejandro Israel runa kashqanta musyayashpanmi say runakuna ishkay hörano qayaräyashpan niyarqan: <<¡Diosninsi Artemisa alabash kasun!>>

³⁵ Sayno niyaptinmi markapa mas mandaqnin autoridä upälakuyänanpaq sëñata rurar nirqan: <<¡Éfeso runakuna! Maysaychöpis runakuna musyayanmi Artemisapa templun kay markacho kashqanta. Saynöpis musyayanmi ciëlupita unyamuq Artemisa niraq rumitapis sararashqansita.

³⁶ Saytaqa pïmaypis musyanmi. Lutala qayararqa lutantataq rurayankiman.

³⁷ Prësu apayämushqayki runakuna manami templunsipita imatapis apakuyashsu ni diosninsi Artemisatapis manakaqman churayashsu.

³⁸ Sayno kaykaptinqa Demetrio y aruq mayinkuna kay runakunata quejakuyta munarqa autoridäkunaman quejakuyäsun.

³⁹ Imalapis wilanakunansipaq kaptinqa lapan autoridäkunata shuntaykur sesionta rurashun.

⁴⁰ Lutala qayaräyaptikiqa Roma autoridäkuna contran sharkushqansitami yarpäyanqa. Saypita juzgamashqaqa manami ima niytapis kamäpakushunsu>>.

⁴¹ Sayno niskirmi lapan runakunata nirqan aywakuyänanpaq.