Hechos 15 - Tayta Diospa Wilakuynin

Jerusaléncho wilanakuyashqan

¹ Say wisanmi Judeapita Antioquíaman aywaykur wakin runakuna wawqikunata kayno yachasiyarqan: <>.

² Sayno yachasiyaptinmi Pablo y Bernabé paykunawan fiyupa rimanakuyarqan. Saymi Antioquía wawqi panikuna wilanakuskir Pabluta, Bernabéta y wakin wawqikunatapis Jerusalénman kachayarqan apostolkunata y mayor wawqikunata tapukayämunanpaq.

³ Jerusalénpa aywaqno Feniciapa y Samariapa päsarmi wawqi panikunata wilayarqan mana Israel runakunapis Jesucristuta chaskikuyashqanta. Sayno wilapäyaptinmi lapanpis kushikuyarqan.

⁴ Jerusalénman chäyaptinnami apostolkuna, mayor wawqikuna y lapan wawqi panikunapis paykunata kushish chaskikuyarqan. Saypitanami Pabluwan Bernabé wilapäyarqan markan markan puriyaptin Tayta Dios imano yanapashqanta.

⁵ Saymi Jesúsman yärakuq wakin fariseukuna contran sharkur niyarqan: <>.

⁶ Sayno niyaptinmi apostolkuna y mayor wawqikunapis shuntakaykur wilanakuyarqan.

⁷ Qoyati apänakuyaptinmi Pedro sharkurkur nirqan: <

⁸ Tayta Dios musyanmi runapa shonqun imata yarpashqantapis. Saymi rasunpaypa criyiyashqanta musyasimänansipaq noqansiman kachamushqanno paykunamanpis Espíritu Santuta kachamush.

⁹ Saynöpami musyansi Jesucristuman yärakuq kaqtaqa Israel runa kaptinpis mana Israel runa kaptinpis shonqunkunata purificar Tayta Dios salvashqanta.

¹⁰ <

¹¹ Israel runa kashqapis mana Israel runa kashqapis Señor Jesucristo kuyapämashpansimi salvamansi>>.

¹² Pedro sayno niptinmi saycho kaq runakuna upälakuyarqan. Saynami Pabluwan Bernabé wilapäyarqan mana Israel runakuna kaqchöpis milagrukunata rurayänanpaq Tayta Dios yanapashqanta.

¹³ Sayno wilapayta ushaskiyaptinmi Santiago nirqan: <

¹⁴ Simón wilamashkansi mana Israel runakunata wilapaptin Tayta Dios salvashqanta.

¹⁵ Sayno kananpaqmi profëtakuna qelqayashqanchöpis kayno nikan:

¹⁶ <<

¹⁷ Sayno rurashaq lapan runakunapis ashiyämänanpaqmi. Noqa akrashqä mana Israel runakunapis noqamannami yärakayämunqa.

¹⁸ Noqa Tayta Diosmi sayno kananpaq nï. Sayno kananpaq unaypita pasami musyasirqä>.

¹⁹ <

²⁰ Saypa trukanqa cartakushun ïdulukunapa jutincho pishtayashqan aysata mana mikuyänanpaq, fornicación jusata mana jusalikuyänanpaq, kikilan wanush uywakunapa aysanta mana mikuyänanpaq y uywapa yawarnintapis mana mikuyänanpaq.

²¹ Saykunata cumpliyänanpaqqa unaypita pasami Moisés qelqashqan leykunata cada markacho yachaykäsiyan. Saynöpis cada jamay junaqmi sinagögakunacho liyiykäyan>>.

Jerusalénpita cartakuyashqan

²² Sayno niptinmi apostolkuna, mayor wawqikuna y lapan wawqi panikunapis kushikuyarqan. Saymi Pablo y Bernabé Antioquíaman kutiyaptin walkiyänanpaq ishkay wawqikunata akrayarqan. Say wawqikunami kayarqan Judas y Silas. Judaspa jukaq jutinmi karqan Barsabás. Judastawan Silastami lapan wawqi panikunapis respitayaq.

²³ Paykuna apayashqan cartachömi kayno nirqan: Antioquíacho, Siriacho y Ciliciacho kaykaq mana Israel wawqi panikuna, qamkunapaqmi apostolkuna, mayor wawqikuna y Jerusaléncho kaykaq wawqi panikunapis kay cartata cartakayämü. Salüdükunatapis apasiyämümi.

²⁴ Noqakuna musyayashkä wakin wawqikuna Jerusalénpita shamur lutanta yachasir lakikasiyäshushqaykitami. [Paykunaqa nikäyan Moiséspa leyninta cumplir señalakuyänaykipaq kashqantami.] Paykunata manami noqakuna kachayämushkäsu.

²⁵ Sayta musyarmi lapäkuna wilanakuykur kuyayashqä Pabluwan y Bernabéwan shayämunanpaq ishkay wawqikunata kachaykäyämü.

²⁶ Pabluwan Bernabémi wanuytapis mana mansaypa Señorninsi Jesucristupa wilakuyninta wilakuykäyan.

²⁷ Paykunawanmi Judasta y Silasta kachaykäyämü kay cartacho qelqayämushqäta tantiyasiyäshunaykipaq.

²⁸ Manami noqakunapis ni Espíritu Santupis qamkunata obligayäsu Moisés qelqashqan leykunata cumpliyänaykipaq.

²⁹ Isanqa ïdulukunapa jutincho pishtayashqan aysata, kikilan wanush uywakunapa aysanta y uywapa yawarninta ama mikuyaysu. Saynöpis fornicación jusata ama jusalikuyaysu. Kay nishqäkunata cumpliyaptikiqa alimi kanqa. Aywalä.

³⁰ Despachayaptinmi Judaswan Silas Antioquíaman chäyashpan wawqi panikunata shuntaykur apayashqan cartata entregayarqan.

³¹ Say cartata liyiparkuptinmi lapan kushikuyarqan.

³² Judaswan Silaspis profëta kayashpanmi tukuynöpa tantiyasir wawqi panikunata shakyäsiyarqan.

³³ Saycho aska junaq qoyarkuyaptinnami Tayta Diosta manakurir Jerusalénman kutikuyänanpaq wawqi panikuna despachayarqan.

³⁴ [Sayno kaptinpis Silas saychömi quëdakurqan.]

³⁵ Pabluwan Bernabépis Antioquíacho quëdakuyashpanmi Jesucristupa ali wilakuyninta wakin wawqikunawan yachasiyarqan.

Pablo yapay wilakuq aywashqan

³⁶ Saypita aska killatanami Bernabéta Pablo nirqan: <>.

³⁷ Bernabémi Marcos niyashqan Juanta pushayta munarqan.

³⁸ Pablumi isanqa munarqansu, Panfiliapita kachariykur kutikamush kaptin.

³⁹ Saymi Pabluwan Bernabé seqaypa rimanakur rakikäyarqan. Bernabémi Marcusta pushakurkur büquiwan Chipriman aywarqan.

⁴⁰ Pablunami walkinanpaq Silasta akrarqan. Wawqi panikuna Tayta Diosta manakurkur kachayaptinmi paykunapis aywakuyarqan.

⁴¹ Siria y Cilicia provinciakunacho markakunaman charmi Pabluwan Silas wawqi panikunata shakyäsiyarqan.