Hechos 13 - Tayta Diospa Wilakuynin

Bernabéta y Sauluta Espíritu Santu akrashqan

¹ Antioquía iglesiachömi kayarqan profëtakuna y yachasikuqkuna. Paykunami kayarqan Bernabé, Yana Runa niyashqan Simón, Cirenipita kaq Lucio, Manaén y Saulupis. Manaéntawan rey Herodesta wamra kaptin say wayilachömi ashmayarqan.

² Juk junaq Tayta Diosman yärakuqkuna ayunar alabaykäyaptinmi Espíritu Santu nirqan: <>.

³ Ayunarkurnami Bernabépa y Saulupa umanman makinkunata churaykur Tayta Diosta manakuyarqan. Nirkurmi paykunata despachayarqan.

Chipricho wilakuyashqan

⁴ Espíritu Santu sayno kachaptinmi Bernabé y Saulo chäyarqan Seleucia markaman. Saypitanami büquiman wisarkur Chipre islaman aywayarqan.

⁵ Salamina markaman chaykurmi sinagögakunacho Tayta Diospa wilakuyninta wilakuyarqan. Marcos niyashqan Juanpis paykunata yanaparmi purirqan.

⁶ Chipripa päsar wilakurmi Pafos markaman chäyashpan Barjesús jutiyuq Israel runata tariyarqan. Paymi profëta tukuq brüju karqan.

⁷ Say brüjumi Chipripa mandaqnin Sergio Pauluta yanapar purirqan. Sergio Pauluqa ali yarpayyuq runami karqan. Tayta Diospa wilakuyninta wiyayta munarmi Bernabétawan Sauluta qayasirqan.

⁸ Brüjunami paykunapa contran sharkur Sergio Pauluta micharqan wilakuyashqanta mana chaskinanpaq. Barjesústa brüju kaptinmi Elimas niyaq.

⁹ Sayno michaptinmi Saulo rabyanarqan. (Saulupa jukaq jutinmi karqan Pablo.) Saymi rikärir Espíritu Santupa munayninwan

¹⁰ nirqan: <<¡Diablu munashqanta rurarmi qamqa Tayta Diospa contran kaykanki! ¿Imayyaqtaq runakunata lulapar Tayta Diospa wilakuqnin tukunki?

¹¹ Sayno kashqaykipitami Tayta Diospa castïgunwan qapra rikakur juk tiempuyaq asikyay pasata rikankipaqsu>>. Sayno niptinmi jinan höra qapra rikakurqan. Maypapis aywayta mana kamäpakurmi janchayänanpaq runakunata ruwakurqan.

¹² Qaprayashqanta rikaykur y Diospa wilakuynin ali kashqanta tantiyakurmi Sergio Paulo criyirqan.

Pisidiacho kaq Antioquíacho wilakushqan

¹³ Saypitanami büquiman wisarkur Pafos markapita Panfiliacho kaykaq Perge markaman Pablo yanapaqninkunawan aywayarqan. Saycho paykunata kachariykurmi Marcos nishqan Juan Jerusalénman kutikurqan.

¹⁴ Perge markapita aywarmi Pisidiacho kaq Antioquía markaman Bernabé y Pablo chäyarqan. Jamay junaq kaptinnami sinagögaman aywayarqan.

¹⁵ Leykunata y profëtakuna qelqayashqanta liyir ushaskiptinmi sinagögacho mandaqkuna Pabluwan Bernabé jamaraykäyashqanman juk runata kachayarqan ninanpaq: <>.

¹⁶ Saymi Pablo ichirkur runakuna upälakuyänanpaq makinta joqarishpan nirqan: <

¹⁷ Adorashqansi Tayta Diosshi unay ayllunsikunata akraykur Egiptucho jäpa kaykäyaptinpis jatun nación rikakuyänanpaq yanapänaq. Nirkurnashi milagrukunata rurashpan Egiptupita jorqamunaq.

¹⁸ Chusku chunka (40) watano sunyaq jirkapa purir mana cäsukuyaptinpis pacienciakunaqshi.

¹⁹ Saypita Canaánman chaykasirnashi qanchis nacionkunata ushakaykasir herenciankuna qoykunaq.

²⁰ Egiptucho kayashqanpita Canaáncho herenciankunata chaskishqanyaq chusku pachak pisqa chunka (450) watanöshi päsanaq. <

²¹ Saypitanashi mandaqnin rey kananta runakuna manakuyaptin Benjamín trïbu Cispa surin Saúlta churapänaq. Payshi chusku chunka (40) wata rey kanaq.

²² Saypitanashi Saúlta jorqurir Davidtana rey kananpaq churanaq. Paypaqshi Tayta Dios ninaq: .

²³ <

²⁴ Manaraq Jesús wilakuptinmi Israel runakunata Bautizaq Juan wilaparqan jusalikuyta wanakur bautizakuyänanpaq.

²⁵ Saypita wanunanpaq walkalana pishiykaptinmi Juan nirqan: <¿Pï kashqätataq yarpäyanki? Manami noqasu Cristo kä. Cristuqa qepätaraqmi shamunqa. Noqaqa lanqi watunta paskapänaläpaqpis manami merëcïsu>.

²⁶ <

²⁷ Jerusaléncho taq runakuna y autoridäninkunaqa profëtakuna qelqayashqanta cada jamay junaq sinagögacho liyirpis manami tantiyayarqansu Jesúspita qelqayashqanta. Saymi profëtakuna qelqayashqanta cumplir Jesústa wanusiyarqan.

²⁸ Jusaynaq kaykaptinpis payta wanusinanpaqmi Pilatuta manakuyarqan.

²⁹ Profëtakuna qelqayashqannölami lapanpis päsarqan. Wanurkuptinnami cruzpita jorqurir pampayarqan.

³⁰ Wanusiyaptinpis Tayta Diosmi kawarisimush.

³¹ Kawarirkamurmi Galileapita Jerusalénman paywan aywaq discïpulunkunata aska kuti yuriparqan. Paykunami Jesúspita kanan wilakuykäyan.

³² <

³³ Tayta Dios cumplish. Sayno cumplirqan Jesucristuta kawarisimurmi. Ishkay kaq salmuchöpis Jesucristupaq kaynömi qelqaraykan: << .

³⁴ Jesucristo kawarimur imaypis manana wanunanpaq kashqantaqa Tayta Dios kaynömi nikan: .

³⁵ Mas juk salmuchöpis kaynömi qelqaraykan: .

³⁶ <

³⁷ Jesústami isanqa Tayta Dios kawarisimush. Saymi paypa ayanqa sepultüracho ushakashsu.

³⁸ <

³⁹ Lapantapis payman yärakuq kaqtaqa jusaynaqtanami Tayta Dios chaskin. Moisés qelqashqan leykunata cumplishqanpitaqa manami pipis salvakunsu.

⁴⁰ Cuidä profëtakuna qelqayashqancho nishqanno qamkunatapis päsayäshunkiman.

⁴¹ Paykuna qelqayashqanmi nikan: << >>.

⁴² Sinagögapita Pablo y Bernabé yarquyaptinmi [mana Israel runakuna] ruwakuyarqan jukaq jamay junaqpis yapay yachasiyänanpaq.

⁴³ Pabluwan y Bernabéwanmi Israel runakuna y Diosta cäsukuq mana Israel runakunapis askaq aywayarqan. Paykunatami Pablo shakyäsirqan kuyapäkuq Tayta Diosman imaypis yärakuyänanpaq.

Mana Israel runakunatana yachasiyashqan

⁴⁴ Jukaq jamay junaqnami say markacho cäsi lapan runakuna Diospa wilakuyninta wiyayta munar sinagögaman shuntakäyarqan.

⁴⁵ Askaq runakunata rikaykurmi wakin Israel runakuna chikiyashpan Pablo parlashqanta manakaqman churayarqan.

⁴⁶ Saymi Pabluwan Bernabé mana mansariypa niyarqan: <

⁴⁷ Paykunata wilapänansipaqmi Tayta Dios kayno nish: << >>.

⁴⁸ Sayno parlayashqanta wiyarmi mana Israel runakuna kushikur Tayta Diosta alabayarqan. Saynöpami mana ushakaq kawayta tariyänanpaq Tayta Dios akrashqankuna lapanpis Jesucristuman yärakuyarqan.

⁴⁹ Saymi Tayta Diospa wilakuyninta Pabluwan Bernabé markan markan wilakuyarqan.

⁵⁰ Sayno wilakuyaptinmi Tayta Diosta mansapakuq reqish warmikunata y respitash runakunata Israel runakuna shimita qoyarqan Pablupa y Bernabépa contran sharkuyänanpaq. Contran sharkur say markakunapita qarquyaptinmi

⁵¹ chakinkunacho kaykaq polvuta tapshiriykur Iconio markapana Pabluwan Bernabé aywakuyarqan.

⁵² Jesucristupa discïpulunkunaqa Espíritu Santupa munaynincho kayashpanmi kushish kawayarqan.