Hebreos 4 - Tayta Diospa Wilakuynin

Tayta Dios promitishqan jamayman yaykunansipaq kashqan

¹ Unay Israel runakunata jamayman yaykasinanpaq promitishqannölami noqansitapis Tayta Dios nikämansi jamayman yaykasimänansipaq kashqanta. Sayno promitiykämashqaqa cuidä payta mana cäsukur say jamayman yaykushwansu.

² Unay Israel runakuna Tayta Diospa wilakuyninta musyayashqannömi noqansipis musyansi. Say runakunaqa musyaykarpis mana criyiyashqanpitami Tayta Dios promitishqan jamayman yaykuyarqansu.

³ Noqansimi isanqa payman criyir promitimashqansi jamayman yaykushun. Mana criyiqkunapaqmi Tayta Dios nirqan: < >>. Mana criyiqkuna Tayta Dios promitishqan jamayman mana yaykuyaptinpis kay pasata kamashqanpita pasami say jamayman yaykunansipaq kamarish kaykan.

⁴ Kamarish kaykashqanta musyansi qanchis kaq junaqpita palabrancho kayno niptinmi: <>.

⁵ Mastapis kaynömi nikan: <>.

⁶ Say nishqannölami unay Israel runakuna Tayta Diospa wilakuyninta chaskikush kaykarpis mana cäsukuyashpan say jamayman yaykuyarqansu. Sayno kaptinpis say jamay kaykanraqmi yaykunansipaq.

⁷ Say jamayman yaykunansipaqmi Tayta Dios tantiyasiptin David kayno nir qelqarqan: <>.

⁸ Israel runakunata Canaánman pusharpis Josuéqa manami paykunata jamayman yaykasirqansu. Yaykasish kaptinqa Tayta Dios manami yapayqa rimakunmansu karqan.

⁹ Saymi Tayta Diosman yärakuq runakunapaqqa kaykanraq jamayman yaykuyänanpaq.

¹⁰ Kay pasata kamar ushaskir Tayta Dios jamashqannömi noqansipis say jamayman yaykur lapan nakashqansikunapita jamashun.

¹¹ Sayno kaykaptinqa shumaq yarpachakushun Tayta Dios kamarishqan jamayman yaykunansipaq. Israel runakunano mana wiyakuq karqa noqansipis manami yaykushunsu.

¹² Tayta Diospa palabran kawaq karmi munayyuq kaykan. Ishkan waqtanpa ali afilash espädapitapis mas fïlu karmi shonqunsimanpis, yarpayninsimanpis y toqshunsimanpis chaykun imano kashqansitapis tantiyasimänansipaq.

¹³ Lapan kamashqankuna nawilancho kaptinmi Tayta Diospita pakakuyta kamäpakunsisu. Imata rurashqapis payqa rikaykämansimi. Imanöpis kawashqansiman tupumi payta cuentata qoshun.

Mandaq cüra Jesucristo kashqan

¹⁴ Tayta Diospa Surin Jesucristo gloriacho mandaq cüra kaykaptinqa qepaman mana kutikuypa imaypis payman yärakushun.

¹⁵ Kay pasacho kaptinmi mandaq cüransi Jesucristuta noqansitano Satanás tukuynöpa tentarqan. Sayno tentaptinpis manami jusalikurqansu. Saymi noqansitapis Satanás tentamash kuyapämashpansi Jesucristo yanapämansi.

¹⁶ Imaypis yanapämänansipaq kaykaptinqa kuyapäkuq Tayta Diosta mana mansapaypa manakushun. Payta manakurqa trönuncho paywan parlaykaqnömi kaykansi. Tayta Diosta manakushqaqa ima nakaycho kashqapis paymi kuyapämashpansi yanapämäshun.