Hebreos 3 - Tayta Diospa Wilakuynin

Moiséspitapis Jesucristo mas munayyuq kashqan

¹ Wawqi panikuna, gloriaman chäyänaykipaq Tayta Dios qayaykäyäshuptikiqa chaskikushqansi Jesucristo pï kashqantapis shumaq tantiyakuyay. Paymi apostolninsi y mandaq cüransi kaykan.

² Wayinta ali rikananpaq Tayta Dios nishqanta Moisés cumplishqannömi Jesucristupis lapanta cumplirqan.

³ Musyashqansinöpis wayi kuyaylapaq kaptin manami wayitasu alabansi, sinöqa wayi ruraqtami. Saynöpis manami Moisésta alabanansipaqsu kaykansi, sinöqa Jesucristuta alabanansipaqmi.

⁴ Wayipis runa sharkasiptinraqmi kan. Saynölami Tayta Dios kamaptinraq lapanpis kaykan.

⁵ Tayta Diospa wayinta Moisés ali rikarpis ashmaynölami karqan. Sayno karmi shamuq watakunacho Tayta Dios tantiyasimänansipaq kaqkunata qelqarqan.

⁶ Jesucristumi isanqa Tayta Diospa Surin kar wayipa duëñun kaykan. Payman yärakur nishqankunata imaypis cumplirqa noqansimi paypa wayin kaykansi.

Tayta Diosta cäsukur kawanansipaq yäsishqan

⁷ Saymi Espíritu Santu kayno nishqanta shumaq tantiyakunansi: <

⁸ sunyaq jirkacho pruëba kaptin unay aylluykikuna chukru shonqu kayashqanno ama kayaysu.

⁹ Saychömi chusku chunka (40) watantin yanapashqäta rikaykarpis paykunaqa munayashqanta rurasimayta munayarqan.

¹⁰ Saymi pasaypa rabyanar nirqä: .

¹¹ Sayno rabyarmi kayno nir jurarqä: >>.

¹² Wawqi panikuna, cuidädu qamkunapis chukru shonqu y mana yärakuq kar imayyaqpis kawaq Tayta Diospita witikuyankiman.

¹³ Saypa trukanqa waran waran jukniki juknikipis shakyäsinakuyay Tayta Dios munashqanno kawayänaykipaq. Saynöpami jusalikuy mana engañayäshuptiki shonquykikuna chukruyanqasu.

¹⁴ Wanushqansiyaq Tayta Diosman yärakur pay munashqanno kawashpansimi Jesucristo herenciata chaskishqanno noqansipis herenciata chaskishun.

¹⁵ Tayta Diospa palabranchömi nin: <>.

¹⁶ Tantiyakuyay. ¿Pïkunataq Tayta Dios nishqanta wiyaykarpis contran sharkuyarqan? ¿Manaku paykuna Egiptupita Moisés jorqamushqan Israel runakuna kayarqan?

¹⁷ ¿Pïkunataq chusku chunka (40) watantin Tayta Diosta rabyanäsiyarqan? ¿Manaku paykuna sunyaq jirkacho Tayta Dios ushakäsishqan jusalikuq runakuna kayarqan?

¹⁸ ¿Pïkunatataq Tayta Dios juraparqan promitishqan jamayman mana yaykuyänanpaq? ¿Manaku payta mana cäsukuq runakuna kayarqan?

¹⁹ Paykunaqa mana criyiyashqanpitami yaykuyarqansu.