Hebreos 10 - Tayta Diospa Wilakuynin

¹ Moisés qelqashqan leykunaqa manami mushuq pactunösu kaykan, sinöqa mushuq pactupa lantuyninnölami. Saymi say leykuna nishqanno wata wata uywakunata altarcho rupasiyaptinpis runakunapa shonqunkuna Tayta Dios munashqannösu karqan.

² Shonqunkuna Dios munashqanno kaptinqa jusankunata kacharir manami uywakunata altarcho rupasiyanmannasu.

³ Wata wata uywakunata rupasirpis jusalikuyashqanta masmi yarparaykäyan.

⁴ Chïvukunapa y törukunapa yawarninqa manami pipa jusantapis maylansu.

⁵ Saymi kay pasaman Jesucristo shamur Tayta Diosta nirqan: <

⁶ Rupasina sacrificiukunapis y purificación sacrificiukunapis manami shonquykipaqnösu kaykan.

⁷ Saymi nirqä: >>.

⁸ Saymi puntata nirqan saki mikuykunata, rupasina sacrificiuta, purificación sacrificiuta y wakin sacrificiukunatapis Tayta Dios mana munashqanta ni shonqunpaqno mana kashqanta. Sayno nirqan say sacrificiukunata rurananpaq Moisés qelqashqan leykunacho nikaptinpis.

⁹ Saypitanami nirqan Tayta Dios munashqanta rurananpaq shamushqanta. Saymi say sacrificiukunaqa välinnasu. Saypa trukanqa

¹⁰ Jesucristumi Tayta Dios munashqanta rurar sacrificiupaq noqansi rayku juk kutila wanurqan. Saynöpami perdonashna kar Tayta Diospa nawpancho jusaynaqna kaykansi.

¹¹ Israel cürakunaqa waran waranmi uywakunata altarcho rupasiyan. Sayno rupasiyaptinpis manami saykunawansu runakunata Tayta Dios perdonan.

¹² Jesucristumi isanqa jusansikunapita perdonamänansipaq juk kutila wanurqan. Kananqa Tayta Diospa aluq kaq nawpanchömi jamaraykan.

¹³ Saycho jamaranqa lapan contrankunata munayninman Tayta Dios churashqanyaqmi.

¹⁴ Jesucristo juk kutila wanuptinmi akrashqan runakuna imayyaqpis salvash kayänanpaq Tayta Dios perdonarqan.

¹⁵ Sayno kashqantami Espíritu Santupis kayno nin:

¹⁶ <

¹⁷ Paykuna imata jusalikuyashqantapis manami yarparäshaqnasu>>.

¹⁸ Sayno perdonamashpansimi jusalikushqansipita perdonamänansipaq ima sacrificiutapis Tayta Dios nistannasu.

Qepaman mana kutikunansipaq yäsishqan

¹⁹ Wawqi panikuna, Jesucristo yawarninta jichashqanpitami jana pasacho kaykaq Lugar Santïsimuman mana mansapaylapa yaykushun.

²⁰ Noqansi rayku wanurmi mushuq nänita kichapämashkansi Lugar Santïsimuta saparaykaq cortïnata päsar yaykunansipaq.

²¹ Tayta Diospa wayincho Jesucristo mandaq cüra kaptinmi

²² lapan shonqunsiwan payman yärakur nawpanman yaykushun. Jusansikunata perdonamashqami shonqunsipis maylashna kaykan. Bautizakuptinsimi cuerpunsipis chuya yakuwan maylash kaykan.

²³ Tayta Dios lapan promitimashqansita imaypis cumplishqanta musyaykarqa qepaman mana kutikuypa Jesucristuman imaypis yärakushun.

²⁴ Kuyanakunansipaq y alikunata ruranansipaq jukninsi jukninsi shakyäsinakushun.

²⁵ Wakin wawqi panikuna shuntakayta qelanäyaptinpis noqansiqa ama qelanäshunsu. Jesucristo kutimunanpaqna kashqanta musyaykarqa shakyäsinakunansipaq imaypis shuntakäshun.

²⁶ Pipis Jesucristuta chaskikush kaykar mana wanakuypa jusalikuptinqa Tayta Dios manami perdonanqanasu. Jesucristo noqansi rayku wanush kaptinpis manami salvanqasu.

²⁷ Saypa trukanqa juiciu finalcho paykunata shuyaraykan bunyaypa bunyaykaq ninalami. Say ninaqa Tayta Diospa contrankunata lapantami ushakäsinqa.

²⁸ Moisés qelqashqan leykunata mana cäsukuqta ishkay o kimsa runa shimpiptinqa mana kuyapaypami wanusiyaq.

²⁹ Sayno kaykaptinqa ¿manasuraq mas peor castiganqa Jesucristuta chaskikush kaykar wilakuyninta mana cäsukuqkunataqa? Paykunaqa kikin Tayta Diospa Surintami manakaqman churaykäyan. Mushuq pactuta rurar salvamänansipaq jichashqan yawartapis mana väliqtanömi rikaykäyan. Kuyapämaqninsi Espíritu Santutapis fiyupami rabyanäsiyan.

³⁰ Musyansimi sayno kaqkunapaq Tayta Dios rabyakushqanta. Payqa kaynömi nirqan: <>. Saynömi mastapis nirqan: <>.

³¹ Imayyaqpis kawaq Tayta Dios juzgashuptikiqa seqaypa mansariypaqmi kanqa.

³² Ama qonqäyaysu Jesucristuta chaskikuyashqayki wisan sayjina nakaykarpis qepaman mana kutikuyashqaykita.

³³ Wakinnikiqa lapan runa rikaymi ashlir ushash y maqar ushash kayashkanki. Wakinnikiqa maqaytukuq y ashliytukuq wawqikunata yanapar shakyäsiyashkankimi.

³⁴ Jesucristuta chaskikuyashqanpita carcilcho wichqaraqkunatapis kuyapar yanapäyashkankimi. Imaykita apakuyaptinpis mana lakikuypami kachapariyashkanki. Sayno kachapariyashkanki jana pasacho mana ushakaq herenciata chaskiyänaykipaq kashqanta musyayashpaykimi.

³⁵ Kananpis saynöla Tayta Diosman mana ajayaypa yärakuyay. Sayno kawarmi alinnin kaq premiuta chaskiyanki.

³⁶ Imano nakarpis Tayta Dios munashqanno kawarqa pay promitiyäshushqaykita chaskiyankimi.

³⁷ Tayta Diospa palabranchöpis kaynömi nikan: <

³⁸ Munashqäno kawaq runaqa noqaman yärakamarmi kawanqa. Qepaman kutiqkunatami isanqa rikaytapis munäsu>>.

³⁹ Noqansiqa manami qepaman kutiqkunano infiernuman qaykush kanansipaqsu kaykansi, sinöqa Jesucristuman yärakur salvash kanansipaqmi.