Hebreos 1 - Tayta Diospa Wilakuynin

Libru qalaykunan

¹ Nawpataqa profëtankunawanmi Tayta Dios yaparir yaparir unay ayllunsikunata tukuynöpa wilaparqan.

² Kay ultimu tiempuchönami isanqa Surin Jesucristuwanna wilakuyninta wilapämansi. Paywanmi kay pasatapis jana pasatapis kamarqan. Paytami churarqan lapantapis munaynincho sararänanpaq.

³ Jesucristumi musyasimansi Tayta Dios imano kashqantapis. Payta reqirqa kikin Tayta Diostapis reqinsimi. Munayyuq palabranwanmi lapan kamashqankunatapis mandan munashqanno kayänanpaq. Jusansipita purificash kanansipaq wanurkurmi gloriaman kutirqan. Kananqa Tayta Diospa trönun aluq kaq nawpanchömi jamaraykan.

Angilkunapitapis Jesucristo mas munayyuq kashqan

⁴ Sayno karmi Tayta Diospa Surin Jesucristo lapan angilkunapitapis mas munayyuq kaykan. Saynölami jutinpis angilkunapa jutinpita mas respitash kaykan.

⁵ Tayta Dios manami imaypis angilkunata kayno nirqansu: <>. Saynölami mastapis Tayta Dios nirqan: <>.

⁶ Saynölami japalan Surinta kay pasaman kachamushpan Tayta Dios nirqan: <>.

⁷ Angilkunapaqmi Tayta Dios nirqan: <>.

⁸ Surinpaqnami isanqa nirqan: <

⁹ Pipis alita ruraptinqa kushikunkimi. Mana alita ruraptinqa ajanankimi. Saymi Tayta Dios qamta churashushkanki pïmaypitapis mas kushish kanaykipaq>>.

¹⁰ Saynöpis Surinpaq kaynömi nirqan: <

¹¹ Lapan kamashqayki ushakaptinpis qamqa imaypis kaykankimi. Mödana makwayar ushakashqannömi lapanpis ushakanqa.

¹² Punchuta luyluqnömi kamashqaykikunatapis luylurinkipaq. Mödanata trukasiqnölami trukarasinkipaq. Lapan ushakaptinpis qamqa imaypis kashlanmi kaykanki. Qamqa manami imaypis awkinyankisu>>.

¹³ Manami mayqan angilkunatapis Tayta Dios nirqansu: <>.

¹⁴ Saymi angilkunaqa Tayta Diospa mandun ruraqla kaykäyan. Paykunatami Tayta Dios kachamun salvash kaqkunata yanapänanpaq.