Habacuc 1 - Tayta Diospa Wilakuynin

¹ Kaychömi qelqaraykan profëta Habacucta Tayta Dios revelashqan.

Habacuc lakikur manakushqan

² Tayta Dios, lapan shonqüwan manakamuptïpis ¡imayraq wiyaykamanki! Sayjina manakaykämuptïpis ¡imayraq yaqa runakunapa makinpita salvayämanki!

³ ¡Imayyaqraq mana alikunata rurayashqanta rikashaq! Kaychöqa wanusinakuyla y ushakäsinakuylami kaykan. Maysaychöpis rimanakuyla y chikinakuylami kaykan.

⁴ Sayno kawayashpanmi leykunata cäsukuykäyansu. Saymi ima ruraytapis mana kamäpakuqkunata alquysakuykäyan. Munashqaykino kawaq runakunatami pasaypa chikiykäyan. Juezkunapis manami leykuna qelqarashqannösu arreglaykäyan.

Habacuc manakushqanta Tayta Dios contestashqan

⁵ Saymi Tayta Dios nirqan: <

⁶ Noqami kamakaykäsï Babilonia yaqa runakuna guërrata rurayänanpaq. Paykuna maysaypapis puriykäyan runakunapa wayinkunata y chakrankunata qechurmi.

⁷ Pasaypa mansariypaq yaqami kaykäyan. Juk nacionman charpis say nacionpa leyninkunata cäsupäyänanpa trukan kikinkunapa leyninkunalatami välisiyan.

⁸ <

⁹ Tinkuyashqan kaqtaqa pïmaytapis wanusiyanmi. Mayman chäyaptinpis runakuna pasaypami mansariyan. Prësu sariyashqan runakunapis lamar kuchuncho aqushanöraqmi kaykäyan.

¹⁰ <

¹¹ Shukukuy imatapis ushakäsishqannömi pïmaytapis ushakäsiyan. Tayta Diosman yärakuyänanpa trukan kikinkunapa kalpanmanmi atiënikuyan>>.

Tayta Diosta Habacuc yapay manakushqan

¹² Tayta Dios sayno niptinmi Habacuc nirqan: <

¹³ Sayno kaptinpis qam manami rikaytapis munankisu jusalikur kawaq runakunataqa. Jusasapa runakunataqa imaypis manami chaskinkisu. Sayno kaykarqa ¿imanirtaq say yaqa runakunata ushakäsinkisu? ¿Imanirtaq say jusasapa runakuna jusaynaq runakunata wanusiyaptin upälakunki?

¹⁴ ¿Imanirtaq kachapanki lamarcho pescäduta redwan sarirkur apakushqanno runakunata apakuyänanpaq? ¿Imanirtaq kachapanki pipis mana cäsush arashtano wanusiyänanpaq?

¹⁵ <

¹⁶ Mikunanpaq pusuy pusuy kaptin pescaq runa redninkunata y anzuëlunta adorar sacrificiukunata rupasishqannömi armankunata adorayan y kalpayuq kayashqanpita gäla tukuyan.

¹⁷ ¿Saynölasuraq wanusiyanqa? ¿Saynölasuraq nacionkunata mana kuyapaypa ushakäsiyanqa?>>