Éxodo 28 - Tayta Diospa Wilakuynin

Cürakunapa mödanankunata rurasinanpaq tantiyasishqan

¹ <

² Wawqiki Aarón respitädu cüra kar jatikunanpaq kuyaylapaq sagrädu mödanankunata rurasipanki.

³ Mödanankunata rurasinaykipaqqa habilidäta qoshqä runakunata tantiyasinki imano rurayänanpaqpis. Say mödanakunata jatikurmi sirvimaq cüra kananpaq consagrädu kanqa.

⁴ Wawqiki Aarónwan surinkunapis jatikuyänanpaq rurasipanki pectoralta, efodta, sotänata, bordash tünicata, görrata y wachkutapis. Paykuna say sagrädu mödanata jatikuyanqa akrashqä cürakuna kar sirviyämänanpaqmi.

⁵ Say mödanakunata awayanqa qori jïlupita, azul, granäti y puka milwa jïlukunapita y llanula puskash lïnu jïlupitapis.

Efodta rurasinanpaq tantiyasishqan

⁶ <

⁷ Saynöpis efodpa ishkan kuchuncho tirantikuna kanqa umrunman shawananpaq.

⁸ Efodpa wachkuntapis awasinki qori jïlupita, azul, granäti y puka milwa jïlukunapita y llanula puskash lïnu jïlupitapis. Say wachkuqa efodwan juklaylanömi kanqa.

⁹ <

¹⁰ Sayno qelqasinki qechpapita qalaykur nunushyaq. Juknin kaq rumiman soqta jutikunata qelqasinki y jukaq rumimanpis soqta jutikunata qelqasinki.

¹¹ Say jutikunata rumipita sëlluta ruraqno alhäja ruraq runawan qelqasinki. Say rumikuna mana yarqunanpaq sararänanta qoripita ruraykasir sigurasinki.

¹² Say ishkay rumikunata efodpa tirantinkunaman churasinki cürapa umruncho kananpaq. Saynöpami Aarón nawpäman yaykamur umruncho apamunqa Israelpa surinkunapa jutinkunata imaypis yarparänanpaq.

¹³ Say rumikunapa sararänankunataqa qoripita rurasinki.

¹⁴ Rumikuna kaykäyashqan kuchunpa piltash ishkay qori cordonta churasinki.

Pectoralta rurasinanpaq tantiyasishqan

¹⁵ <

¹⁶ Rurarkasir bolsano cuadrädu kananpaq doblanki. Larguyninpis anchuyninpis ishkay chunka ishkay (22) centïmetru kanqa.

¹⁷ Nirkur sayman churasinki chusku fïla kuyaylapaq rumikunata. Punta kaq fïlaman churasinki sárdica rumita, topacio rumita y carbunclo rumita.

¹⁸ Ishkay kaq fïlaman churasinki esmeralda rumita, zafiro rumita y diamanti rumita.

¹⁹ Kimsa kaq fïlaman churasinki jacinto rumita, ágata rumita y amatista rumita.

²⁰ Chusku kaq fïlamanna churasinki berilo rumita, ónice rumita y jaspe rumitapis. Say rumikuna mana yarqunanpaq qoripita sararäkunanta ruraykasir sigurasinki.

²¹ Say rumikuna kayanqa chunka ishkaymi. Sayno chunka ishkay kayanqa Israelpa surinkuna chunka ishkay kayashqannömi. Cada rumiman juk trïbupa jutinta qelqasinki rumipita rurash sëlluno kananpaq.

²² <

²³ Nirkur ishkay taksha arguëllakunata qoripita rurasinki. Say arguëllakunata tanasinki pectoralpa jana kaq ishkan esquïnanman.

²⁴ Nirkurna say arguëllakunapa qoripita piltash cordonta päsasinki.

²⁵ Cordonpa ishkan puntankunapana umruncho kaq sararänankunaman sigurasinki. Sayqa qasqunchömi wataranqa.

²⁶ <

²⁷ Saynöpis ishkay taksha arguëllakunata qoripita rurasinki efodpa wachkun janaläninman churananpaq. Saykunami efodpa tirantinkunacho kar pectoralpa costüranman tinkuranqa.

²⁸ Saypitami pectoralpa y efodpa arguëllankunata azul cordonwan watanki efodpita mana yarquykänanpaq.

²⁹ <

³⁰ Say pectoralman Urimta y Tumimta winanki qasquncho Aarón apananpaq. Saynöpami Lugar Santuman yaykur noqapa nawpächo imaypis sararanqa alipaq kaqta y mana alipaq kaqtapis Israel runakunata tantiyasinäpaq.

Mandaq cürapa wakin mödanankunata rurasinanpaq tantiyasishqan

³¹ <

³² Uman yaykunanpaq say sotäna kunkayuqmi kanqa. Sotänapa kunkan mana rachikänanpaq rebëtita jirapanki. Say rebëtita qara casäcapa rebëtintano jirapanki.

³³ Sotänapa ura kuchunman granäda niraqta bordasinki azul, granäti y puka milwa jïlukunawan. Saynöpis say kuchunpa qoripita rurash campanillakunata churasinki.

³⁴ Saynöpami juk qori campanilla, juk granäda, juk qori campanilla, juk granäda sotäna kuchuncho tumaypa kanqa.

³⁵ Say sotänan jatishqami Lugar Santuman imaypis Aarón yaykunqa. Saymi sirvimänanpaq yaykuptinpis y yarqamuptinpis campanillan wiyakämunqa. Sotänan jatish yaykurqa manami wanunqasu.

³⁶ < nir qelqaränanpaq. Sayta qelqasinki rumipita rurash sëlluno kananpaq.

³⁷ Say rurasishqayki vinchata Aarónpa görranman azul cordonwan watapanki.

³⁸ Say vinchata Aarón imaypis urkuncho jatiranqa. Saynöpami Israel runakuna sagrädu sacrificiukunata apayämushqan munashqäno mana kaptinpis perdonashaq. Israel runakunapa trukan Aarónnami jusayuq kanqa.

³⁹ <

⁴⁰ <

⁴¹ Saykunata rurarkasir wawqiki Aarónta y surinkunata jatipanki. Nirkur umanman sagrädu aceitita winapanki sirvimaq cürakuna kayänanpaq.

⁴² <

⁴³ Say calzoncïllutami Aarón y surinkuna jatikuyanqa Tinkunansi Tolduman yaykuyänanpaq. Saynin jatishqami Lugar Santucho kaq altarchöpis sirviyämanqa. Calzoncïlluynaq yaykurqa jusayuq kar wanuyanqami. Say nishqäkunaqa imayyaqpis leymi Aarónpaq, surinkunapaq y paypita miraqkunapaqpis kanqa.