Éxodo 1 - Tayta Diospa Wilakuynin

Egiptucho Israel runakuna mirayashqan

¹ Egiptuman Jacob aywakuptinmi lapan surinkunapis warmintin surintin aywakuyarqan. Jacobpa surinkunapa jutinkunami kayarqan

² Rubén, Simeón, Leví, Judá,

³ Isacar, Zabulón, Benjamín,

⁴ Dan, Neftalí, Gad y Aser.

⁵ Surinkunawan y wilkankunawanmi Jacobqa Egiptuman qanchis chunkantin (70) chäyarqan. Surin Josémi isanqa Egiptuchöna kaykarqan.

⁶ Saychömi Josépis, wawqinkunapis y paykunawan chaqkunapis wanuyarqan.

⁷ Paykunapita miraqkunami tishyayparaq mirayarqan.

Egiptucho Israel runakuna nakayashqan

⁸ Saypitaqa Egiptucho rey kananpaq juknami yaykurqan. Say reyqa José pï kashqantapis mananami musyarqansu. Saymi Egipto runakunata nirqan:

⁹ <

¹⁰ Sayno mana mirayänanpaq imalatapis rurashun. Saynöla mirarqa contransikunaman talukaykur tikrapämaptinsi vinciyta manami kamäpakushunsu. Vincirkamashpansimi kaypita aywakuyanqa>>.

¹¹ Sayno wilanakuskirmi capatazkunata churayarqan Israel runakunata maqa maqarkur arusiyänanpaq. Sayno arusirmi Pitón y Ramesés markakunata sharkasiyarqan. Say markakunachömi Faraónpa mikuy churakunan tröjankuna karqan.

¹² Fiyupa nakasiyaptinpis Israel runakuna masmi mirayarqan. Sayno mirayaptinmi Egipto runakuna fiyupa mansariyarqan.

¹³ Saymi mas aja aruykunachöna arusiyarqan.

¹⁴ Mitutapis jarusir, tikata sutasir y chakrankunachöpis arusirmi fiyupa nakasiyarqan. Lapan aruychöpis Israel runakunata fiyupami nakasiyarqan.

¹⁵ Saynöpis Egipto nacionpa mandaqnin rey qayasirqan Sifratawan Fúata. Paykunaqa hebrea warmikunapa partërankunami kayarqan. Qayaykasirmi nirqan:

¹⁶ <>.

¹⁷ Sayno nikaptinpis partërakuna Tayta Diosta mansapakur manami Egipto nacionpa mandaqnin rey nishqanta rurayarqansu. Saymi olqu yuriptinpis wanusiyarqansu.

¹⁸ Sayta musyaykurmi Egipto nacionpa mandaqnin rey yapay partërakunata qayaykasir nirqan: <<¿Imanirtaq olqu yuriqkunata wanusiyankisu?>>

¹⁹ Sayno niptinmi niyarqan: <>.

²⁰ Saynöpami Israel runakuna mas askaman mirayashpan mansariypaq rikakuyarqan.

²¹ Tayta Diosta mansapakur olqu yuriqkunata mana wanusiyashqanpitami partërakunapa ayllunkuna askaman mirayänanpaq Tayta Dios shumaq rikarqan.

²² Saymi lapan Egipto runakunata Faraón nirqan: <>.